KKR vs LSG Head to Head: ಪ್ಲೇ ಆಫ್ಗೇರಲು ಕೋಲ್ಕತ್ತಾ- ಲಕ್ನೋಗೆ ಗೆಲುವು ಅಗತ್ಯ; ಮುಖಾಮುಖಿ ವರದಿ ಹೀಗಿದೆ
KKR vs LSG Head to Head: ಇದಕ್ಕೂ ಮುನ್ನ ಈ ತಂಡಗಳು ಲೀಗ್‌ನ 53ನೇ ಪಂದ್ಯದಲ್ಲಿ ಮುಖಾಮುಖಿಯಾಗಿದ್ದವು. ಈ ಪಂದ್ಯದಲ್ಲಿ ಲಕ್ನೋ ಸೂಪರ್ ಜೈಂಟ್ಸ್ ತಂಡ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡವನ್ನು 75 ರನ್‌ಗಳಿಂದ ಸೋಲಿಸಿತು.
Updated on:May 17, 2022 | 6:19 PM
ಐಪಿಎಲ್ 2022 (IPL 2022)ರಲ್ಲಿ ಮೊದಲ ಬಾರಿಗೆ ಕಣಕ್ಕಿಳಿದಿರುವ ಲಕ್ನೋ ಸೂಪರ್ ಜೈಂಟ್ಸ್ (Lucknow Super Giants) ಅದ್ಭುತ ಪ್ರದರ್ಶನ ನೀಡಿದೆ. ಇದರಿಂದಾಗಿ ಸತತವಾಗಿ ಅಗ್ರ ನಾಲ್ಕರಲ್ಲಿ ಉಳಿದುಕೊಂಡಿದ್ದಾರೆ, ಈಗ ಬಹುತೇಕ ಪ್ಲೇಆಫ್‌ಗಳಿಗೆ ಅರ್ಹತೆ ಪಡೆದಿದ್ದಾರೆ. ಈಗ ಈ ತಂಡವು ಬುಧವಾರ ಕೋಲ್ಕತ್ತಾ ನೈಟ್ ರೈಡರ್ಸ್ (Kolkata Knight Riders) ತಂಡವನ್ನು ಎದುರಿಸಲಿದೆ. ಡಿವೈ ಪಾಟೀಲ್ ಸ್ಟೇಡಿಯಂನಲ್ಲಿ ನಡೆಯಲಿರುವ ಈ ಪಂದ್ಯದಲ್ಲಿ ಲಖನೌ ಗೆದ್ದರೆ, ಪ್ಲೇಆಫ್‌ಗೆ ಟಿಕೆಟ್ ಖಚಿತಪಡಿಸಿಕೊಳ್ಳಲ್ಲಿದೆ. ಗುಜರಾತ್ ಈಗಾಗಲೇ ಟಾಪ್ 1 ರಲ್ಲಿ ತನ್ನ ಸ್ಥಾನವನ್ನು ಭದ್ರಪಡಿಸಿಕೊಂಡಿದೆ. ಈ ಪಂದ್ಯವು ಶ್ರೇಯಸ್ ಅಯ್ಯರ್ ನಾಯಕತ್ವದ ಕೋಲ್ಕತ್ತಾ ನೈಟ್ ರೈಡರ್ಸ್‌ಗೆ ಮಾಡು ಇಲ್ಲವೇ ಮಡಿ ಪಂದ್ಯವಾಗಿದೆ. ಅವರು ಗೆಲ್ಲಲು ವಿಫಲವಾದರೆ, ನಂತರ ಅವರ ಪ್ಲೇಆಫ್‌ನ ಉಳಿದ ಭರವಸೆಯೂ ಕೊನೆಗೊಳ್ಳುತ್ತದೆ.
ಕೆಎಲ್ ರಾಹುಲ್ ನಾಯಕತ್ವದಲ್ಲಿ ಲಕ್ನೋ 13 ಪಂದ್ಯಗಳನ್ನು ಆಡಿದೆ. ಈ 13 ಪಂದ್ಯಗಳಲ್ಲಿ ಎಂಟರಲ್ಲಿ ಗೆದ್ದಿದ್ದರೆ ಐದರಲ್ಲಿ ಸೋಲನುಭವಿಸಬೇಕಿದೆ. ಇದರೊಂದಿಗೆ 16 ಅಂಕ ಗಳಿಸಿದ್ದಾರೆ. ರಾಜಸ್ಥಾನ ಕೂಡ 16 ಅಂಕಗಳನ್ನು ಹೊಂದಿದೆ ಆದರೆ ಅವರ ನೆಟ್ರೇಟ್ ಲಕ್ನೋಗಿಂತ ಉತ್ತಮವಾಗಿದೆ. ಮತ್ತೊಂದೆಡೆ ಕೋಲ್ಕತ್ತಾ 13 ಪಂದ್ಯಗಳಲ್ಲಿ ಆರು ಪಂದ್ಯಗಳನ್ನು ಗೆದ್ದಿದ್ದು, 12 ಅಂಕಗಳನ್ನು ಹೊಂದಿದ್ದಾರೆ. ಕೆಕೆಆರ್‌ನ ಪ್ಲೇಆಫ್‌ ಹಾದಿ ಸುಲಭವಲ್ಲ. ನೆಟ್ ರನ್ರೇಟ್ ಜೊತೆಗೆ ಎರಡು ಪಾಯಿಂಟ್‌ಗಳನ್ನು ಪಡೆಯಲು ಅವರಿಗೆ ಲಕ್ನೋ ವಿರುದ್ಧ ದೊಡ್ಡ ಗೆಲುವಿನ ಅಗತ್ಯವಿದೆ.
ಲಕ್ನೋ ಮತ್ತು ಕೆಕೆಆರ್ ಒಮ್ಮೆ ಮುಖಾಮುಖಿಯಾಗಿವೆ ಲಕ್ನೋ ಸೂಪರ್ ಜೈಂಟ್ಸ್ ಮೊದಲ ಬಾರಿಗೆ ಲೀಗ್‌ನಲ್ಲಿ ಭಾಗವಹಿಸುತ್ತಿರುವ ಹೊಸ ತಂಡವಾಗಿದೆ. ಮತ್ತೊಂದೆಡೆ, ಎರಡು ಬಾರಿಯ ಚಾಂಪಿಯನ್ ಕೆಕೆಆರ್ ತಂಡವು ಉತ್ತಮ ಆರಂಭದ ನಂತರ ಟ್ರ್ಯಾಕ್ ಆಫ್ ಆಯಿತು. ಎರಡೂ ತಂಡಗಳು ಒಮ್ಮೆ ಮಾತ್ರ ಮುಖಾಮುಖಿಯಾಗಿವೆ. ಲೀಗ್ ಸುತ್ತಿನ ಆ ಪಂದ್ಯದಲ್ಲಿ ಲಕ್ನೋ ಗೆಲುವು ಸಾಧಿಸಿತ್ತು. ಆ ಪಂದ್ಯದ ಸೇಡು ತೀರಿಸಿಕೊಳ್ಳಲು ಕೆಕೆಆರ್ಗೆ ಇದು ಉತ್ತಮ ಅವಕಾಶವಾಗಿದೆ.
ಕೆಕೆಆರ್ ಸೋಲಿಸಿದ್ದ ಲಖನೌ ಇದಕ್ಕೂ ಮುನ್ನ ಈ ತಂಡಗಳು ಲೀಗ್‌ನ 53ನೇ ಪಂದ್ಯದಲ್ಲಿ ಮುಖಾಮುಖಿಯಾಗಿದ್ದವು. ಈ ಪಂದ್ಯದಲ್ಲಿ ಲಕ್ನೋ ಸೂಪರ್ ಜೈಂಟ್ಸ್ ತಂಡ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡವನ್ನು 75 ರನ್‌ಗಳಿಂದ ಸೋಲಿಸಿತು. ಪುಣೆಯ ಮಹಾರಾಷ್ಟ್ರ ಕ್ರಿಕೆಟ್ ಅಸೋಸಿಯೇಷನ್ ಸ್ಟೇಡಿಯಂನಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್ ಗೆದ್ದ ಲಕ್ನೋ ಮೊದಲು ಬ್ಯಾಟಿಂಗ್ ಮಾಡಿತು. ಈ ವೇಳೆ ಅವರು 20 ಓವರ್‌ಗಳಲ್ಲಿ ಏಳು ವಿಕೆಟ್‌ಗೆ 176 ರನ್ ಗಳಿಸಿದರು. ಇದಕ್ಕೆ ಉತ್ತರವಾಗಿ ಕೆಕೆಆರ್ ತಂಡ 14.3 ಓವರ್‌ಗಳಲ್ಲಿ 101 ರನ್‌ಗಳಿಗೆ ಕುಸಿಯಿತು. ಕೆಕೆಆರ್‌ನ ಆಂಡ್ರೆ ರಸೆಲ್ ಅವರ ಬಿರುಸಿನ ಇನ್ನಿಂಗ್ಸ್ ವ್ಯರ್ಥವಾಯಿತು. ಕೋಲ್ಕತ್ತಾದ 101 ರನ್‌ಗಳಲ್ಲಿ ರಸೆಲ್ 45 ರನ್‌ಗಳ ಕೊಡುಗೆ ನೀಡಿದರು. ಅವರು ತಮ್ಮ 19 ಎಸೆತಗಳ ಇನ್ನಿಂಗ್ಸ್‌ನಲ್ಲಿ ಮೂರು ಬೌಂಡರಿ ಮತ್ತು ಐದು ಸಿಕ್ಸರ್‌ಗಳನ್ನು ಹೊಡೆದಿದ್ದರು.
Published On - 6:17 pm, Tue, 17 May 22
