KPL ಮೋಸದಾಟ: ಮತ್ತಿಬ್ಬರು ‘ಕಿಲಾಡಿ’ಗಳ ಅರೆಸ್ಟ್​

  • TV9 Web Team
  • Published On - 13:35 PM, 25 Oct 2019
KPL ಮೋಸದಾಟ: ಮತ್ತಿಬ್ಬರು 'ಕಿಲಾಡಿ'ಗಳ ಅರೆಸ್ಟ್​

ಬೆಂಗಳೂರು: ಕೆಪಿಎಲ್​ ಕ್ರಿಕೆಟ್​ ಪಂದ್ಯಾವಳಿಯಲ್ಲಿ ನಡೆಯುತ್ತರುವ ಕುತಂತ್ರದಾಟದ ಬಗ್ಗೆ ಸಿಸಿಬಿ ತನಿಖೆಯಿಂದ ಬಗೆದಷ್ಟೂ ಮಾಹಿತಿ ಹೊರಬೀಳುತ್ತಿದೆ. ಜೊತೆಗೆ ಮೋಸದಾಟದಲ್ಲಿ ಪಾಲ್ಗೊಡಿರುವ ಕಿಲಾಡಿಗಳನ್ನೂ ಸಿಸಿಬಿ ಪೊಲೀಸರು ಮೇಲಿಂದ ಮೇಲೆ ಬಂಧಿಸುತ್ತಿದ್ದಾರೆ. ಇದೀಗ ಮತ್ತೊಂದು ಬೆಟ್ಟಿಂಗ್ ಪ್ರಕರಣ ಬೆಳಕಿಗೆ ಬಂದಿದ್ದು, ಸಿಸಿಬಿಯಿಂದ ಬೆಂಗಳೂರಿನಲ್ಲಿ ಇಬ್ಬರು ಕ್ರಿಕೆಟರ್​ಗಳ ಬಂಧನವಾಗಿದೆ.

ಬೆಂಗಳೂರು ತಂಡದ ಬೌಲರ್ ವಿನು ಪ್ರಸಾದ್​ ಮತ್ತು ಬ್ಯಾಟ್ಸ್​ಮನ್​ ವಿಶ್ವನಾಥ್ ಅವರಿಬ್ಬರನ್ನೂ ಸಿಸಿಬಿ ಬಂಧಿಸಿದೆ. 2018ರ ಬೆಳಗಾವಿ ವಿರುದ್ಧದ ಪಂದ್ಯ ಫಿಕ್ಸ್​ ಆಗಿತ್ತು. ವಿಶ್ವನಾಥ್ ₹5 ಲಕ್ಷ ಪಡೆದು ನಿಧಾನವಾಗಿ ಬ್ಯಾಟಿಂಗ್​ ಮಾಡಿದ್ದರು ಎಂದು ಆರೋಪಿಸಲಾಗಿದೆ.