Karthik Joshi: ವೀಸಾ ಸಮಸ್ಯೆ: ಯುಎಸ್​ಗೆ ತೆರಳಲು ಪರದಾಡುತ್ತಿರುವ ಇಂಧೋರ್​ನ ಕ್ರೀಡಾಪಟು

ಬ್ಯಾಕ್​ಯಾರ್ಡ್ ಆಲ್ಟ್ರಾ ರನ್ ರೇಸ್​ಗೆ ಕ್ವಾಲಿಫೈ ಆಗಿರುವ ಏಕೈಕ ಭಾರತೀಯ ಕ್ರೀಡಾಪಟು ಕಾರ್ತಿಕ್ ಆಗಿದ್ದಾರೆ. ಇವರದ್ದು ತೀರಾ ಬಡತನದ ಕುಟುಂಬ.

Karthik Joshi: ವೀಸಾ ಸಮಸ್ಯೆ: ಯುಎಸ್​ಗೆ ತೆರಳಲು ಪರದಾಡುತ್ತಿರುವ ಇಂಧೋರ್​ನ ಕ್ರೀಡಾಪಟು
Karthik Joshi

ಬ್ಯಾಕ್​ಯಾರ್ಡ್ ಆಲ್ಟ್ರಾ ರನ್​ನಲ್ಲಿ (Backyard Ultra Run) ಭಾರತವನ್ನು ಪ್ರತಿನಿಧಿಸುತ್ತಿರುವ ಏಕೈಕ ಕ್ರೀಡಾಪಟು ಇಂಧೋರ್​ನ ಕಾರ್ತಿಕ್ ಜೋಶಿ (Kartik Joshi) ಅಮೆರಿಕಾಕ್ಕೆ ತೆರಳಲು ವೀಸಾ ಸಮಸ್ಯೆ ಎದುರಿಸುತ್ತಿದ್ದಾರೆ ಎಂದು ಎಎನ್​ಐ ವರದಿ ಮಾಡಿದೆ. ಯುಎಸ್​ನಲ್ಲಿ ಅಕ್ಟೋಬರ್ 16 ರಿಂದ ಬ್ಯಾಕ್​ಯಾರ್ಡ್ ಆಲ್ಟ್ರಾ ರನ್​ ರೇಸ್ ಶುರುವಾಗಲಿದೆ. ಅಥ್ಲೀಟ್​ಗಳು ಅಕ್ಟೋಬರ್ 11ಕ್ಕೆ ಅಮೆರಿಕಾಕ್ಕೆ (US) ತಲುಪಬೇಕು. ಆದರೆ, ಕಾರ್ತಿಕ್ ಅವರಿಗೆ ಕೋವಿಡ್ ಕಾರಣದಿಂದ ವೀಸಾ ಸಮಸ್ಯೆ ಎದುರಾಗಿದೆ.

ಬ್ಯಾಕ್​ಯಾರ್ಡ್ ಆಲ್ಟ್ರಾ ರನ್ ರೇಸ್​ಗೆ ಕ್ವಾಲಿಫೈ ಆಗಿರುವ ಏಕೈಕ ಭಾರತೀಯ ಕ್ರೀಡಾಪಟು ಕಾರ್ತಿಕ್ ಆಗಿದ್ದಾರೆ. ಇವರದ್ದು ತೀರಾ ಬಡತನದ ಕುಟುಂಬ. ಇಂಧೋರ್​ನಲ್ಲಿ ಇವರು ಒಂದು ರೂಮ್ ಇರುವ ಬಾಡಿಗೆ ಮನೆಯಲ್ಲಿ ಕುಟುಂಬದ ಜೊತೆ ವಾಸಿಸುತ್ತಿದ್ದಾರೆ. ಅಚ್ಚರಿ ಎಂದರೆ ಇವರಿರುವ ಒಂದು ಕೊಠಡಿಯಲ್ಲಿ ಕಾರ್ತಿಕ್ ಅವರಿಗೆ ಲಭಿಸಿರುವ ಮೆಡಲ್, ಟ್ರೋಫಿಯನ್ನು ಇಡಲೂ ಜಾಗವಿಲ್ಲ.

 

ಕಾರ್ತಿಕ್ ಅವರು ಒಂದು ಖಾಸಗಿ ಕಂಪನಿ ಉಡುಗೊರೆ ನೀಡಿರುವ ಟ್ರೆಟ್​ಮಿಲ್​ನಲ್ಲಿ ಅಭ್ಯಾಸ ನಡೆಸುತ್ತಾರೆ. “ನಾನು ಭಾರತಕ್ಕೆ ಮೂರು ಚಿನ್ನದ ಪದಕ ಗೆದ್ದುಕೊಟ್ಟಿದ್ದೇನೆ. ಅಕ್ಟೋಬರ್ 16ಕ್ಕೆ ಅಮೆರಿಕಾದಲ್ಲಿ ನಡೆಯಲಿರುವ ಬ್ಯಾಕ್​ಯಾರ್ಡ್ ಆಲ್ಟ್ರಾ ರನ್ ರೇಸ್​ನಲ್ಲಿ ಭಾಗವಹಿಸಬೇಕು. ಆದರೆ, ಯುಎಸ್​ನಲ್ಲಿ ಕೋವಿಡ್ ಕಾರಣದಿಂದಾಗಿ ಇತರೆ ದೇಶಗಳಿಂದ ಬರುವ ಪ್ರಯಾಣಿಕರಿಗೆ ನಿರ್ಬಂಧ ಹೇರಲಾಗಿದೆ. ಇದರಿಂದ ವೀಸಾ ತೊಂದರೆ ಅನುಭವಿಸುತ್ತಿದ್ದೇನೆ” ಎಂದು ಹೇಳಿದ್ದಾರೆ. ಸದ್ಯ ಇವರು ಸರ್ಕಾರ ಸಹಾಯವನ್ನು ಎದುರು ನೋಡುತ್ತಿದ್ದಾರೆ.

Mumbai Indians: ಮುಂಬೈಗೆ ಇನ್ನೂ ಇದೆ ಪ್ಲೇ ಆಫ್ ಅವಕಾಶ: ಇಂದಿನ ಪಂದ್ಯದಲ್ಲಿ ರೋಹಿತ್ ಪಡೆ ಹೀಗೆ ಮಾಡಬೇಕು

RCB Predicted XI: ಡೆಲ್ಲಿ ವಿರುದ್ಧದ ಪಂದ್ಯಕ್ಕೆ ಆರ್​ಸಿಬಿ ತಂಡದಿಂದ ಇಬ್ಬರು ಆಟಗಾರರು ಔಟ್: 2 ಬದಲಾವಣೆ ಖಚಿತ

(Indore athlete says he is struggling to get US visa to compete in Backyard Ultra Run)

Read Full Article

Click on your DTH Provider to Add TV9 Kannada