PKL Season 8: ಪ್ರೊ ಕಬಡ್ಡಿ ಲೀಗ್ ಹರಾಜು ನಿಯಮಗಳೇನು?

ದೇಶೀಯ ಅಂಗಳದ ಮದಗಜಗಳ ಕಾಳಗ ಎಂದೇ ಬಿಂಬಿತವಾಗಿರುವ ಪ್ರೊ ಕಬಡ್ಡಿ ಲೀಗ್ ಸೀಸನ್​-8 ಗಾಗಿ (Pro Kabaddi League 2021) ಸಿದ್ದತೆಗಳು ಆರಂಭವಾಗಿವೆ. ಕೊರೋನಾ ಕಾರಣದಿಂದ ಕಳೆದ ಬಾರಿ ಕಬ್ಬಡ್ಡಿ ಲೀಗ್ ನಡೆದಿರಲಿಲ್ಲ. ಇದೀಗ ಈ ಬಾರಿ ಸಕಲ ಸುರಕ್ಷತೆಗಳೊಂದಿಗೆ ಕಬಡ್ಡಿ ಕಾದಾಟ (PKL Season 8) ನಡೆಸಲು ಆಯೋಜಕರು ಮುಂದಾಗಿದ್ದಾರೆ. ಅದರ ಮೊದಲ ಹೆಜ್ಜೆ ಎಂಬಂತೆ ಆಟಗಾರರ ಹರಾಜಿಗಾಗಿ ಸಿದ್ಧತೆಗಳು ಶುರುವಾಗಿವೆ. ಈ ಬಾರಿ 12 ತಂಡಗಳು ಒಟ್ಟು 59 ಆಟಗಾರರನ್ನು ಮಾತ್ರ ಉಳಿಸಿಕೊಂಡಿವೆ. ಅಲ್ಲದೆ 161 ಆಟಗಾರರನ್ನು ಬಿಡುಗಡೆ ಮಾಡಿದೆ. ಹೀಗಾಗಿ ಈ ಬಾರಿಯ ಹರಾಜಿನ ಮೂಲಕ ಪ್ರತಿಯೊಂದು ತಂಡದಲ್ಲೂ ಬದಲಾವಣೆ ಕಂಡು ಬರುವುದು ಬಹುತೇಕ ಖಚಿತ.

ಪಿಕೆಎಲ್ ಸೀಸನ್ 8 (PKL Season 8) ಆಟಗಾರರ ಹರಾಜು ಯಾವಾಗ? ಈ ಬಾರಿ ಪ್ರೊ ಕಬಡ್ಡಿ ಲೀಗ್​ನ ಹರಾಜು 3 ದಿನಗಳ ಕಾಲ ನಡೆಯಲಿದೆ. ಅದರಂತೆ ಮುಂಬೈನಲ್ಲಿ ಆಗಸ್ಟ್ 29, ಆಗಸ್ಟ್ 30 ಮತ್ತು ಆಗಸ್ಟ್ 31 ರಂದು ಹರಾಜು ಪ್ರಕ್ರಿಯೆ ಜರುಗಲಿದೆ.

ಎಷ್ಟು ಆಟಗಾರರಿಗೆ ಅವಕಾಶ? ಪಿಕೆಎಲ್ ಸೀಸನ್ 8 ಹರಾಜಿನಲ್ಲಿ, ಪಿಕೆಎಲ್ ಸೀಸನ್ 6 ಮತ್ತು 7 ರ ಎಲ್ಲಾ ತಂಡದ ಆಟಗಾರರಿಗೂ ಅವಕಾಶ ಇರಲಿದೆ. ಅಲ್ಲದೆ ಈ ಬಾರಿ 500 ಕ್ಕೂ ಅಧಿಕ ಕಬಡ್ಡಿ ಪ್ಲೇಯರ್​ಗಳು ಹರಾಜಿಗೆ ಹೆಸರು ನೊಂದಾಯಿಸಿಕೊಂಡಿದ್ದಾರೆ. ಜೊತೆಗೆ 2020 ಮತ್ತು 2021 ರ ಎಕೆಎಫ್‌ಐ ಹಿರಿಯ ಪುರುಷರ ರಾಷ್ಟ್ರೀಯ ಕಬಡ್ಡಿ ಚಾಂಪಿಯನ್‌ಶಿಪ್‌ನ ಭಾಗವಹಿಸಿದ ಅಗ್ರ 8 ಶ್ರೇಯಾಂಕಿತ ತಂಡಗಳ ಎಲ್ಲಾ ಆಟಗಾರರು ಹರಾಜಿನಲ್ಲಿ ಸ್ಥಾನ ಪಡೆದಿದ್ದಾರೆ.

ಫ್ರಾಂಚೈಸಿ ಒಟ್ಟು ಹರಾಜು ಮೊತ್ತವೆಷ್ಟು? ಪ್ರೊ ಕಬಡ್ಡಿ ಲೀಗ್​ ಸೀಸನ್ 8 ನಲ್ಲಿ ಪ್ರತಿ ಫ್ರಾಂಚೈಸಿ 4.4 ಕೋಟಿ ರೂ.ಗಳ ಒಳಗೆ ತಮ್ಮ ತಂಡವನ್ನು ರೂಪಿಸಿಕೊಳ್ಳಬಹುದು.

ಆಟಗಾರರ ಮೂಲ ಬೆಲೆ ಎಷ್ಟು? ಸೀಸನ್ 8 ಹರಾಜಿಗೆ ಆಟಗಾರರನ್ನು ನಾಲ್ಕು ಗುಂಪುಗಳಾಗಿ ವಿಂಗಡಿಸಲಾಗಿದೆ. ಅದರಂತೆ ದೇಶೀಯ ಸ್ಟಾರ್ ಆಟಗಾರರು, ವಿದೇಶಿ ಮತ್ತು ಯುವ ಹಾಗೂ ಹೊಸ ಆಟಗಾರನ್ನು ಎ, ಬಿ, ಸಿ ಮತ್ತು ಡಿ ಗುಂಪುಗಳಾಗಿ ವಿಭಾಗಿಸಲಾಗುತ್ತದೆ. ಎ ಗುಂಪಿನಲ್ಲಿರುವ ಆಟಗಾರರ ಮೂಲ ಬೆಲೆ 30 ಲಕ್ಷ ರೂ, ಬಿ ಗುಂಪಿನಲ್ಲಿ ಆಟಗಾರರ ಮೂಲ ಬೆಲೆ 20 ಲಕ್ಷ ರೂ, ಸಿ ಗ್ರೂಪ್ ಆಟಗಾರರಿಗೆ 10 ಲಕ್ಷ ರೂ. ಮತ್ತು ಡಿ ಗುಂಪಿನಲ್ಲಿರುವ ಆಟಗಾರರಿಗೆ 6 ಲಕ್ಷ ರೂ. ಮೂಲ ಬೆಲೆ ನಿಗದಿಪಡಿಸಲಾಗಿದೆ. ಅದರಂತೆ ಮೂಲ ಬೆಲೆಯೊಂದಿಗೆ ಆಟಗಾರರ ಹರಾಜು ನಡೆಯಲಿದೆ.

ಪಿಕೆಎಲ್ ಸೀಸನ್ 8 ಗಾಗಿ ಫ್ರಾಂಚೈಸಿಗಳು: – ಬೆಂಗಾಲ್ ವಾರಿಯರ್ಸ್ – ಬೆಂಗಳೂರು ಬುಲ್ಸ್ – ದಬಾಂಗ್ ದೆಹಲಿ – ಜೈಪುರ್ ಪಿಂಕ್ ಪ್ಯಾಂಥರ್ಸ್ – ಗುಜರಾತ್ ಫಾರ್ಚೂನ್ ಜೆಂಟ್ಸ್ – ತಮಿಳು ತಲೈವಾಸ್ – ತೆಲುಗು ಟೈಟಾನ್ಸ್ – ಯು ಮುಂಬಾ – ಹರಿಯಾಣ ಸ್ಟೀಲರ್ಸ್ – ಯುಪಿ ಯೋಧ – ಪಾಟ್ನಾ ಪೈರೇಟ್ಸ್ – ಪುನೇರಿ ಪಲ್ಟಾನ್

ಇದನ್ನೂ ಓದಿ:Mohammed Siraj: ಸಿ-ರಾಜ…ಗೆಟೌಟ್ ಅಂದವರೇ ಕಟೌಟ್ ನಿಲ್ಲಿಸಿದ್ರು 

ಇದನ್ನೂ ಓದಿ: Afghanistan Crisis: ತಾಲಿಬಾನ್ ಗ್ಯಾಂಗ್​ ಜೊತೆ ಕಾಣಿಸಿಕೊಂಡ ಅಫ್ಘಾನಿಸ್ತಾನ್ ಕ್ರಿಕೆಟಿಗ

ಇದನ್ನೂ ಓದಿ: ಲಕ್ಷ್ಮಣ್ ಅವರಿಂದ ಆಟೋಗ್ರಾಫ್ ಪಡೆಯುತ್ತಿರುವ ಟೀಮ್ ಇಂಡಿಯಾದ ಈ ಆಟಗಾರ ಯಾರೆಂದು ಗುರುತಿಸಬಲ್ಲಿರಾ?

(Pro Kabaddi League 2021: PKL Season 8 Auction Date, Rules)