ICC Test Rankings: ಟೆಸ್ಟ್ ಕ್ರಿಕೆಟ್ ಆಲ್ರೌಂಡರ್ ರ್ಯಾಂಕಿಂಗ್ನಲ್ಲಿ ಮೊದಲ ಸ್ಥಾನಕ್ಕೇರಿದ ರವೀಂದ್ರ ಜಡೇಜಾ!
Ravindra Jadeja : ಇಲ್ಲಿಯವರೆಗೆ, ಟೆಸ್ಟ್ ಆಲ್ರೌಂಡರ್ಗಳ ಐಸಿಸಿ ಶ್ರೇಯಾಂಕದಲ್ಲಿ ಎರಡನೇ ಸ್ಥಾನದಲ್ಲಿದ್ದ ಜಡೇಜಾ ಈಗ ಪ್ರಥಮ ಸ್ಥಾನದಲ್ಲಿದ್ದಾರೆ.
Updated on: Jun 23, 2021 | 3:15 PM
ಸೌತಾಂಪ್ಟನ್ನಲ್ಲಿ ಭಾರತ ಮತ್ತು ನ್ಯೂಜಿಲೆಂಡ್ ನಡುವಿನ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ನ ಕೊನೆಯ ದಿನ ಇಂದು ಮತ್ತು ಟೆಸ್ಟ್ ಕ್ರಿಕೆಟ್ನ ಮೊದಲ ವಿಶ್ವ ಚಾಂಪಿಯನ್ ಯಾರು ಎಂದು ನಿರ್ಧರಿಸಬೇಕಾಗಿದೆ. ಪಂದ್ಯವು ಅತ್ಯಂತ ಕುತೂಹಲಕಾರಿ ಘಟದಲ್ಲಿದೆ. ಎರಡೂ ತಂಡಗಳಿಗೂ ಪಂದ್ಯ ಗೆಲ್ಲುವ ಸಾಕಷ್ಟು ಅವಕಾಶಗಳಿವೆ. ಇದರಲ್ಲಿ ಎರಡೂ ತಂಡಗಳ ಕೆಲವು ಆಟಗಾರರು ಅದ್ಭುತ ಕೊಡುಗೆ ನೀಡಿದ್ದಾರೆ. ಆದಾಗ್ಯೂ, ಕೆಲವು ಆಟಗಾರರಿಗೆ ಇನ್ನೂ ಹೆಚ್ಚಿನ ಪರಿಣಾಮ ಬೀರಲು ಸಾಧ್ಯವಾಗಿಲ್ಲ ಅಥವಾ ಅವರಿಗೆ ಹೆಚ್ಚಿನ ಅವಕಾಶ ಸಿಕ್ಕಿಲ್ಲ. ಅಂತಹವರಲ್ಲಿ ಒಬ್ಬರು ಭಾರತದ ಆಲ್ರೌಂಡರ್ ರವೀಂದ್ರ ಜಡೇಜಾ, ಜಡೇಜಾಗೆ ಹೆಚ್ಚಿನ ಅವಕಾಶ ಸಿಗಲಿಲ್ಲ. ಇದರ ಹೊರತಾಗಿಯೂ, ಫೈನಲ್ ಪಂದ್ಯದ ನಿರ್ಣಾಯಕ ದಿನದ ಮೊದಲು ಜಡೇಜಾ ದೊಡ್ಡ ಸಾಧನೆ ಮಾಡಿದ್ದಾರೆ. ಇತ್ತೀಚಿನ ಐಸಿಸಿ ಟೆಸ್ಟ್ ಶ್ರೇಯಾಂಕದಲ್ಲಿ, ಭಾರತೀಯ ಸೂಪರ್ಸ್ಟಾರ್ ಆಲ್ರೌಂಡರ್ಗಳಲ್ಲಿ ಮೊದಲ ರ್ಯಾಂಕ್ ಪಡೆದಿದ್ದಾರೆ.
ಅಂತಿಮ ಪಂದ್ಯದಲ್ಲಿ ಭಾರತ ತಂಡ ತಮ್ಮ ಎರಡೂ ಪ್ರಮುಖ ಸ್ಪಿನ್ನರ್ಗಳನ್ನು ಆಡಿಸಿತು. ರವಿಚಂದ್ರನ್ ಅಶ್ವಿನ್ ಮತ್ತು ಜಡೇಜಾ ಅವರೊಂದಿಗೆ ತಂಡ ಕಟ್ಟಿಕೊಂಡಿತು. ಆದಾಗ್ಯೂ, ಇಬ್ಬರೂ ಬೌಲಿಂಗ್ನಲ್ಲಿ ಹೆಚ್ಚಿನ ಅವಕಾಶಗಳನ್ನು ಪಡೆಯಲಿಲ್ಲ, ಆದರೂ ಇಬ್ಬರೂ ವಿಕೆಟ್ ಪಡೆಯುವಲ್ಲಿ ಯಶಸ್ವಿಯಾದರು. ರವೀಂದ್ರ ಜಡೇಜಾ ಮೊದಲ ಇನ್ನಿಂಗ್ಸ್ನಲ್ಲಿ ಕೇವಲ 7.2 ಓವರ್ಗಳನ್ನು ಎಸೆದರು ಮತ್ತು ಟಿಮ್ ಸೌಥಿ ವಿಕೆಟ್ ಪಡೆರು. ಇದಕ್ಕೂ ಮೊದಲು ಜಡೇಜಾ ಮೊದಲ ಇನ್ನಿಂಗ್ಸ್ನಲ್ಲಿ ಬ್ಯಾಟಿಂಗ್ ವೇಳೆ 15 ರನ್ ಗಳಿಸಿದ್ದರು.
ಹೋಲ್ಡರ್ ಹಿಂದಿಕ್ಕಿದ ಜಡ್ಡು ಇಲ್ಲಿಯವರೆಗೆ, ಟೆಸ್ಟ್ ಆಲ್ರೌಂಡರ್ಗಳ ಐಸಿಸಿ ಶ್ರೇಯಾಂಕದಲ್ಲಿ ಎರಡನೇ ಸ್ಥಾನದಲ್ಲಿದ್ದ ಜಡೇಜಾ ಈಗ ಪ್ರಥಮ ಸ್ಥಾನದಲ್ಲಿದ್ದಾರೆ. ಆದಾಗ್ಯೂ, ತನ್ನದೇ ಆದ ಪ್ರದರ್ಶನಕ್ಕಿಂತ ಹೆಚ್ಚಾಗಿ, ದಕ್ಷಿಣ ಆಫ್ರಿಕಾ ವಿರುದ್ಧದ ಎರಡು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ ಹೆಚ್ಚು ಪ್ರಭಾವ ಬೀರಲು ಸಾಧ್ಯವಾಗದ ಮಾಜಿ ನಂಬರ್ ಒನ್ ಆಲ್ರೌಂಡರ್ ಜೇಸನ್ ಹೋಲ್ಡರ್ ಅವರ ಕಳಪೆ ಪ್ರದರ್ಶನದಿಂದ ಜಡೇಜಾ ಲಾಭ ಪಡೆದರು. ದಕ್ಷಿಣ ಆಫ್ರಿಕಾ ವಿರುದ್ಧದ ಈ ಸರಣಿಯಲ್ಲಿ, ಹೋಲ್ಡರ್ ಕೇವಲ 34 ರನ್ ಗಳಿಸಿದರು ಮತ್ತು ಕೇವಲ 6 ವಿಕೆಟ್ ಮಾತ್ರ ಅವರ ಖಾತೆಯಲ್ಲಿ ಬಂದಿತು. ಇದು ಆಲ್ ರೌಂಡರ್ ನಂಬರ್ ಒನ್ ಆಗಿ ಮಾರ್ಪಟ್ಟಿರುವ ಜಡೇಜಾಗೆ ಲಾಭವಾಯಿತು. ಈ ಹೊಸ ಸಾಧನೆಯೊಂದಿಗೆ, ಜಡೇಜಾ ಕೊನೆಯ ದಿನದಲ್ಲಿ ಇನ್ನಷ್ಟು ಉತ್ಸಾಹದಿಂದ ಭಾರತೀಯ ತಂಡವನ್ನು ಟೆಸ್ಟ್ ಕ್ರಿಕೆಟ್ನ ಚಾಂಪಿಯನ್ ಮಾಡಲು ಪ್ರಯತ್ನಿಸಲಿದ್ದಾರೆ.
ಟಾಪ್ 10 ರಲ್ಲಿ ಕ್ವಿಂಟನ್ ಡಿ ಕಾಕ್ ಮತ್ತೊಂದೆಡೆ, ನಾವು ಬ್ಯಾಟ್ಸ್ಮನ್ಗಳ ಶ್ರೇಯಾಂಕದ ಬಗ್ಗೆ ಮಾತನಾಡಿದರೆ, ದಕ್ಷಿಣ ಆಫ್ರಿಕಾದ ವಿಕೆಟ್ಕೀಪರ್-ಬ್ಯಾಟ್ಸ್ಮನ್ ಕ್ವಿಂಟನ್ ಡಿ ಕಾಕ್ ಅಗ್ರ 10 ಕ್ಕೆ ಪ್ರವೇಶಿಸಿದ್ದಾರೆ. ಎಡಗೈ ಬ್ಯಾಟ್ಸ್ಮನ್ ಡಿ ಕಾಕ್ ವೆಸ್ಟ್ ಇಂಡೀಸ್ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಅತ್ಯುತ್ತಮ ಬ್ಯಾಟಿಂಗ್ ಮಾಡಿದರು. ಡಿ ಕಾಕ್ ಮೊದಲ ಟೆಸ್ಟ್ನಲ್ಲಿ ಅಜೇಯ ಇನ್ನಿಂಗ್ಸ್ ಆಡಿದಲ್ಲದೆ 141 ರನ್ ಗಳಿಸಿ ತಮ್ಮ ತಂಡವನ್ನು ಉತ್ತಮ ಸ್ಕೋರ್ಗೆ ಕೊಂಡೊಯ್ದರು. ಅದೇ ಸಮಯದಲ್ಲಿ, ಎರಡನೇ ಟೆಸ್ಟ್ನ ಮೊದಲ ಇನ್ನಿಂಗ್ಸ್ನಲ್ಲಿ ಅವರು ಅತ್ಯುತ್ತಮವಾದ 96 ರನ್ ಗಳಿಸಿದರು.
