ಸತತ 4ನೇ ಬಾರಿಗೂ ಕ್ಯಾಲೆಂಡರ್ ವರ್ಷದಲ್ಲಿ ಕೊಹ್ಲಿಯೇ ಕಿಂಗ್!

ವಿರಾಟ್ ಕೊಹ್ಲಿ ಐಸಿಸಿಯ ಕ್ಯಾಲೆಂಡರ್ ವರ್ಷದಲ್ಲಿ (2016, 2017 ಮತ್ತು 2018) ಸತತ ಮೂರು ವರ್ಷ ಅತ್ಯಧಿಕ ರನ್​ ಗಳಿಸಿದ ಆಟಗಾರನಾಗಿ ಹೊರ ಹೊಮ್ಮಿದ್ದಾರೆ. ಅಂದ್ರೆ ರನ್ ​ಗಳಿಕೆಯಲ್ಲೂ ಅಪರೂಪದ ಹ್ಯಾಟ್ರಿಕ್ ಸಾಧನೆ ಮಾಡಿ ಕೊಹ್ಲಿ, ಕಿಂಗ್ ಎನಿಸಿಕೊಂಡಿದ್ದಾರೆ.

ವೆಸ್ಟ್ ಇಂಡೀಸ್ ವಿರುದ್ಧದ ಅಂತಿಮ ಏಕದಿನ ಪಂದ್ಯಕ್ಕೂ ಮುನ್ನ ರೋಹಿತ್ ಶರ್ಮಾ, ಕೊಹ್ಲಿಗಿಂತ ಮುಂದಿದ್ರು. ಆದ್ರೆ ಅಂತಿಮ ಪಂದ್ಯದಲ್ಲಿ 85 ರನ್​ಗಳಿಸಿದ ವಿರಾಟ್, ರೋಹಿತ್ ಶರ್ಮಾರನ್ನೇ ಹಿಂದಿಕ್ಕಿ ಕಿಂಗ್ ಆಗಿ ಹೊರ ಹೊಮ್ಮಿದ್ದಾರೆ.

ಸತತ 4ನೇ ಬಾರಿಗೆ ಕ್ಯಾಲೆಂಡರ್ ವರ್ಷದಲ್ಲಿ ಕೊಹ್ಲಿಯೇ ಕಿಂಗ್!
2016ರಿಂದ ಕ್ಯಾಲೆಂಡರ್ ವರ್ಷದಲ್ಲಿ ಸಾಮ್ರಾಟನಾಗಿ ಮೆರೆದಾಡುತ್ತಿರೋ ವಿರಾಟ್, ಈ ವರ್ಷವೂ ಕ್ಯಾಲೆಂಡರ್ ಇಯರ್​ನಲ್ಲಿ ಕಿಂಗ್ ಆಗಿ ಹೊರ ಹೊಮ್ಮಿದ್ದಾರೆ. ಆ ಮೂಲಕ ರನ್​ ಗಳಿಕೆಯಲ್ಲಿ ವಿರಾಟ್ ನನ್ನನ್ನ ಮಣಿಸುವವರೇ ಇಲ್ಲ ಅನ್ನೋದನ್ನ ಈ ವರ್ಷವೂ ಪ್ರೂವ್ ಮಾಡಿದ್ದಾರೆ.

2019ರಲ್ಲಿ ಕೊಹ್ಲಿ ಸಾಧನೆ:
ಹಾಲಿ ಕ್ಯಾಲೆಂಡರ್ ವರ್ಷದಲ್ಲಿ ಟೆಸ್ಟ್, ಏಕದಿನ ಮತ್ತು ಟಿ-ಟ್ವೆಂಟಿ ಸೇರಿದಂತೆ ಮೂರು ಫಾರ್ಮೆಟ್​ನಲ್ಲೂ 44 ಪಂದ್ಯಗಳನ್ನಾಡಿರುವ ವಿರಾಟ್ ಕೊಹ್ಲಿ 2,455 ರನ್​ ಗಳಿಸಿ, ಅತ್ಯಧಿಕ ರನ್​ ಗಳಿಸಿದ ಬ್ಯಾಟ್ಸ್​ಮನ್ ಆಗಿ ಹೊರ ಹೊಮ್ಮಿದ್ದಾರೆ.

2019ರಲ್ಲಿ ರೋಹಿತ್ ಸಾಧನೆ:
ಅದೇ ರೋಹಿತ್ ಶರ್ಮಾ ಈ ಬಾರಿಯ ಕ್ಯಾಲೆಂಡರ್ ವರ್ಷದಲ್ಲಿ ಮೂರು ಫಾರ್ಮೆಟ್​ನಲ್ಲಿ 47 ಪಂದ್ಯಗಳನ್ನಾಡಿದ್ದು 2442 ರನ್​ಗಳಿಸಿ ಕೊಹ್ಲಿ ನಂತರದ ಸ್ಥಾನದಲ್ಲಿದ್ದಾರೆ.

ದಶಕದ ಸಾಧನೆಯಲ್ಲೂ ವಿರಾಟ್ ಸರ್ವಶ್ರೇಷ್ಠ!
ಇನ್ನು 2010ರಿಂದ 2020ರ ವರೆಗೆ ಅಂದ್ರೆ ಒಂದು ದಶಕದಲ್ಲಿ ರನ್ ​ಗಳಿಕೆಯ ವಿಚಾರದಲ್ಲಿ ವಿರಾಟ್ ವಿಶ್ವ ದಾಖಲೆಯನ್ನೇ ಬರೆದಿದ್ದಾರೆ. ಈ ಅವಧಿಯಲ್ಲಿ ವಿರಾಟ್ 20 ಸಾವಿರಕ್ಕೂ ಅಧಿಕ ರನ್​ಗಳಿಸಿದ್ದಾರೆ. ಹಾಗೇ ವೇಗವಾಗಿ 20 ಸಾವಿರ ರನ್​ ಗಳಿಸಿದ ವಿಶ್ವದ ಮೊದಲ ಬ್ಯಾಟ್ಸ್​ಮನ್ ಅನ್ನೋ ಹಿರಿಮೆಯನ್ನ ಕೊಹ್ಲಿ ತಮ್ಮದಾಗಿಸಿಕೊಂಡಿದ್ದಾರೆ.

ಐಸಿಸಿ ಱಂಕಿಂಗ್​ನಲ್ಲೂ ಕೊಹ್ಲಿ ನಂ.1:
ಇದರ ಜೊತೆಯಲ್ಲೇ ಐಸಿಸಿ ಬಿಡುಗಡೆ ಮಾಡಿರುವ ರ್ಯಾಂಕಿಂಗ್​ನಲ್ಲಿ ಕ್ಯಾಪ್ಟನ್ ಕೊಹ್ಲಿ ಟೆಸ್ಟ್ ಮತ್ತು ಏಕದಿನ ಕ್ರಿಕೆಟ್​ನಲ್ಲಿ ಅಗ್ರಸ್ಥಾನವನ್ನೇ ಅಲಂಕರಿಸಿದ್ದಾರೆ. ಆ ಮೂಲಕ ಐಸಿಸಿ ರ್ಯಾಂಕಿಂಗ್​ನಲ್ಲೂ ವಿರಾಟ್ ನಂಬರ್ ಒನ್ ಕ್ರಿಕೆಟಿಗನಾಗಿ ಗುರುತಿಸಿಕೊಂಡಿದ್ದಾರೆ.

2016ರಿಂದ ಐಸಿಸಿ ಕ್ಯಾಲೆಂಡರ್ ಇಯರ್ ಮತ್ತು ಐಸಿಸಿ ರ್ಯಾಂಕಿಂಗ್​ನಲ್ಲಿ ವಿರಾಟ್ ಸ್ಥಿರತೆಯನ್ನ ಕಾಪಾಡಿಕೊಂಡು ಬರ್ತಿದ್ದಾರೆ. ಆ ಮೂಲಕ ಮಾಡ್ರನ್ ಕ್ರಿಕೆಟ್​ಗೆ ನಾನೇ ಕಿಂಗ್ ಅನ್ನೋದನ್ನ ವಿರಾಟ್ ಕ್ರಿಕೆಟ್ ಜಗತ್ತಿಗೆ ಸಾರಿ ಹೇಳಿದ್ದಾರೆ.