ರಾಹುಲ್ ದ್ರಾವಿಡ್ ಟೀಂ ಇಂಡಿಯಾ ಕೋಚ್ ಆಗಬಾರದು! ಅವರಿಗೆ ಈ ಜವಬ್ದಾರಿಯೇ ಸಾಕು: ವಾಸಿಮ್ ಜಾಫರ್

ಭಾರತೀಯ ಕ್ರಿಕೆಟ್ ತಂಡದ ಶ್ರೀಲಂಕಾ ಪ್ರವಾಸ ಏಕದಿನ ಸರಣಿಯೊಂದಿಗೆ ಕೊಲಂಬೊದಲ್ಲಿ ಕೆಲವೇ ದಿನಗಳಲ್ಲಿ ಪ್ರಾರಂಭವಾಗಲಿದೆ. ಈ ಪ್ರವಾಸಕ್ಕಾಗಿ ಭಾರತೀಯ ತಂಡದ ನಾಯಕತ್ವ ಶಿಖರ್ ಧವನ್ ಅವರ ಕೈಯಲ್ಲಿದ್ದರೆ, ರಾಹುಲ್ ದ್ರಾವಿಡ್ ಮುಖ್ಯ ಕೋಚ್ ಹುದ್ದೆ ವಹಿಸಿಕೊಂಡಿದ್ದಾರೆ. ಭಾರತದ ಮಾಜಿ ನಾಯಕ ದ್ರಾವಿಡ್ ಅವರನ್ನು ಟೀಮ್ ಇಂಡಿಯಾದ ಕೋಚ್ ಮಾಡಬೇಕೆಂದು ಅಭಿಮಾನಿಗಳು ಬಹಳ ಸಮಯದಿಂದ ಒತ್ತಾಯಿಸುತ್ತಿದ್ದಾರೆ. ಹೀಗಾಗಿ ಇದು ಶ್ರೀಲಂಕಾ ಪ್ರವಾಸದ ಕುತೂಹಲಕ್ಕೆ ಒಂದು ಕಾರಣವಾಗಿದೆ. ನಿಸ್ಸಂಶಯವಾಗಿ ಅಂತಹ ನಿರ್ಧಾರಕ್ಕೆ ಯಾರೂ ವಿರೋಧಿಸಲು ಸಾಧ್ಯವಿಲ್ಲ, ಆದರೆ ಭಾರತದ ಮಾಜಿ ಆರಂಭಿಕ ಆಟಗಾರ ವಾಸಿಮ್ ಜಾಫರ್ ವಿಭಿನ್ನ ಅಭಿಪ್ರಾಯವನ್ನು ಹೊರಹಾಕಿದ್ದಾರೆ. ದ್ರಾವಿಡ್ ಟೀಮ್ ಇಂಡಿಯಾದ ತರಬೇತುದಾರರಾಗಬಾರದು ಎಂಬ ಶಾಕಿಂಗ್ ಹೇಳಿಕೆ ನೀಡಿದ್ದಾರೆ.

2017 ರಿಂದ ನಿರಂತರವಾಗಿ ಈ ಜವಬ್ದಾರಿಯನ್ನು ನಿರ್ವಹಿಸುತ್ತಿರುವ ಮಾಜಿ ಆಲ್‌ರೌಂಡರ್ ರವಿಶಾಸ್ತ್ರಿ ಅವರ ಹೆಗಲ ಮೇಲೆ ಭಾರತೀಯ ತಂಡದ ಮುಖ್ಯ ಕೋಚ್ ಜವಾಬ್ದಾರಿ ಇದೆ. ಅವರ ಅಧಿಕಾರಾವಧಿ ಈ ವರ್ಷ ಟಿ 20 ವಿಶ್ವಕಪ್‌ನೊಂದಿಗೆ ಕೊನೆಗೊಳ್ಳಲಿದೆ. ಅಂತಹ ಪರಿಸ್ಥಿತಿಯಲ್ಲಿ, ದ್ರಾವಿಡ್ ಅವರನ್ನು ಮುಂದಿನ ಕೋಚ್ ಆಗಿ ಆಯ್ಕೆ ಮಾಡಬಹುದು ಎಂಬ ಊಹಾಪೋಹಗಳಿವೆ. ಅದಕ್ಕಾಗಿಯೇ ಅವರನ್ನು ಶ್ರೀಲಂಕಾ ಪ್ರವಾಸದಲ್ಲಿ ತಂಡದೊಂದಿಗೆ ಕಳುಹಿಸಲಾಗಿದೆ. ಹೀಗಾಗಿ ರಾಹುಲ್ ಅವರನ್ನು ಟೀಂ ಇಂಡಿಯಾ ಕೋಚ್ ಆಗಿ ನೇಮಿಸುತ್ತಾರಾ ಎಂಬುದು ಈ ವರ್ಷದ ನವೆಂಬರ್-ಡಿಸೆಂಬರ್​ನಲ್ಲಿ ತಿಳಿಯಲಿದೆ. ಆದರೆ ಪ್ರತಿಯೊಬ್ಬರೂ ಈ ವಿಷಯದ ಬಗ್ಗೆ ತಮ್ಮ ಅಭಿಪ್ರಾಯಗಳನ್ನು ನೀಡುತ್ತಿದ್ದಾರೆ.

ದ್ರಾವಿಡ್ ಎನ್‌ಸಿಎಯಲ್ಲಿ ಮಾತ್ರ ಕೆಲಸ ಮಾಡಬೇಕು ಭಾರತೀಯ ಕ್ರಿಕೆಟ್ ತಂಡದ ಮಾಜಿ ಟೆಸ್ಟ್ ಓಪನರ್ ಮತ್ತು ಮುಂಬೈನ ಖ್ಯಾತ ಬ್ಯಾಟ್ಸ್‌ಮನ್ ವಾಸಿಮ್ ಜಾಫರ್ ಅವರು ದ್ರಾವಿಡ್ ಅವರನ್ನು ಕೋಚ್ ಆಗಿ ನೇಮಕ ಮಾಡುವ ಬಗ್ಗೆ ಸಂಪೂರ್ಣವಾಗಿ ವಿಭಿನ್ನ ಅಭಿಪ್ರಾಯವನ್ನು ಹೊರಹಾಕಿದ್ದಾರೆ. ಹಿರಿಯ ತಂಡದ ಕೋಚ್ ಆಗಿ ದ್ರಾವಿಡ್ ಬರಬಾರದು ಎಂದು ಹೇಳಿಕೊಂಡಿದ್ದಾರೆ. ತನ್ನ ಯೂಟ್ಯೂಬ್ ಚಾನೆಲ್‌ನಲ್ಲಿ ಪೋಸ್ಟ್ ಮಾಡಿದ ವೀಡಿಯೊವೊಂದರಲ್ಲಿ, ಜಾಫರ್ ಈ ಕಾರಣವನ್ನು ವಿವರಿಸುತ್ತಾ, ಅವರು ರಾಷ್ಟ್ರೀಯ ತಂಡಕ್ಕೆ ತರಬೇತುದಾರರಾಗಬಾರದು. ಅವರು ಎನ್‌ಸಿಎಯಲ್ಲಿ ಭಾರತೀಯ ಅಂಡರ್ -19 ಮತ್ತು ಇಂಡಿಯಾ ಎ ಆಟಗಾರರೊಂದಿಗೆ ಕೆಲಸ ಮಾಡುತ್ತಿರಬೇಕು ಎಂದು ನಾನು ಭಾವಿಸುತ್ತೇನೆ ಎಂದಿದ್ದಾರೆ.

?NEW VIDEO?

Unpopular Opinion: Rahul Dravid shouldn't become India coach full time cos couple of other teams need him more.

Link: https://t.co/hgd0a6zWdn #SLvIND #RahulDravid pic.twitter.com/QQaR9bbw3c

— Wasim Jaffer (@WasimJaffer14) July 9, 2021

ದ್ರಾವಿಡ್ ಅವರ ಮಾರ್ಗದರ್ಶನದಲ್ಲಿ ಬೆಂಚ್ ಸ್ಟ್ರೆಂತ್ ಹೆಚ್ಚಾಗುತ್ತದೆ ಜೂನಿಯರ್ ಮಟ್ಟದಲ್ಲಿ ಆಟಗಾರರಿಗೆ ದ್ರಾವಿಡ್ ಅವರಂತಹ ದಂತಕಥೆಯಿಂದ ಹೆಚ್ಚಿನ ಕೋಚಿಂಗ್ ಅಗತ್ಯವಿದೆ. ಇದು ಭಾರತದ ಬೆಂಚ್ ಸಾಮರ್ಥ್ಯವನ್ನು ಸುಧಾರಿಸುತ್ತದೆ ಎಂದು ಜಾಫರ್ ಹೇಳಿದ್ದಾರೆ. ರಾಹುಲ್ ದ್ರಾವಿಡ್ ಅವರ ಮಾರ್ಗದರ್ಶನ ಮತ್ತು ಸಲಹೆಯು ಅಂಡರ್ -19 ಮತ್ತು ಇಂಡಿಯಾ ಎ ಮಟ್ಟದಲ್ಲಿ ಹೆಚ್ಚು ಅಗತ್ಯವಿದೆ. ಅವರಿಗೆ, ಉನ್ನತ ಮಟ್ಟವನ್ನು ತಲುಪಲು ದ್ರಾವಿಡ್ ತೋರಿಸುವ ಮಾರ್ಗ ಬಹಳ ಮುಖ್ಯ. ಹಾಗಾಗಿ ಅವರು ಎನ್‌ಸಿಎಯಲ್ಲಿ ದೀರ್ಘಕಾಲ ಇರಬೇಕೆಂದು ನಾನು ಭಾವಿಸುತ್ತೇನೆ ಇದರಿಂದ ನಮ್ಮ ಬೆಂಚ್ ಸಾಮರ್ಥ್ಯವು ಉತ್ತಮಗೊಳ್ಳುತ್ತದೆ ಎಂದಿದ್ದಾರೆ.