WTC Final Weather Update: ಸೌತಾಂಪ್ಟನ್ನಲ್ಲಿ ಕೊಂಚ ಬ್ರೇಕ್ ಪಡೆದ ವರುಣ! ಅರ್ಧ ಘಂಟೆ ಮುಂಚಿತವಾಗಿ ಪಂದ್ಯ ಆರಂಭ
WTC Final Weather Update: ಸೌತಾಂಪ್ಟನ್ನ ಹವಾಮಾನವು ಎರಡನೇ ದಿನ ಉತ್ತಮವಾಗಿದೆ ಹಾಗೂ ಸೂರ್ಯನ ಬೆಳಕು ಇರುತ್ತದೆ. ಈ ಪರಿಸ್ಥಿತಿ ಸ್ವಲ್ಪ ಸಮಯದವರೆಗೆ ಮುಂದುವರಿದರೆ, ಭಾರತ ಮತ್ತು ನ್ಯೂಜಿಲೆಂಡ್ ನಡುವಿನ ಬಹುನಿರೀಕ್ಷಿತ ಪಂದ್ಯವು ಪ್ರಾರಂಭವಾಗಬಹುದು.
Updated on: Jun 19, 2021 | 2:26 PM
ಭಾರತ ಮತ್ತು ನ್ಯೂಜಿಲೆಂಡ್ನ ಹೊರತಾಗಿ, ವಿಶ್ವದಾದ್ಯಂತ ಕ್ರಿಕೆಟ್ ಅಭಿಮಾನಿಗಳು ಕಾಯುತ್ತಿರುವ ಈ ಪಂದ್ಯಕ್ಕೆ ವರುಣ ವಿಲನ್ ಆಗಿದ್ದಾನೆ. ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ನ ಶೀರ್ಷಿಕೆ ಪಂದ್ಯವು ಜೂನ್ 18 ರಿಂದಲೇ ಪ್ರಾರಂಭವಾಗಬೇಕಿತ್ತು. ಆದರೆ ಸೌತಾಂಪ್ಟನ್ನಲ್ಲಿ ನಿರಂತರ ಮಳೆಯಿಂದಾಗಿ, ಮೊದಲ ದಿನದ ಆಟವು ರದ್ದಾಗಬೇಕಾಯ್ತು. ಇದರ ನಂತರ, ಟೆಸ್ಟ್ನ ಎರಡನೇ ದಿನವಾದ ಜೂನ್ 19 ರಂದು ಸೌತಾಂಪ್ಟನ್ನ ಹವಾಮಾನ ಹೇಗಿದೆ ಎಂಬುದರ ಬಗ್ಗೆ ಎಲ್ಲರ ಕಣ್ಣು ನೆಟ್ಟಿದೆ. ಆದ್ದರಿಂದ ಈ ಪ್ರಶ್ನೆಗೆ, ಪ್ರಸ್ತುತ ಭಾರತೀಯ ವಿಕೆಟ್ ಕೀಪರ್ ಮತ್ತು ನಿರೂಪಕನಾಗಿರುವ ದಿನೇಶ್ ಕಾರ್ತಿಕ್ ಉತ್ತರಿಸಿದ್ದಾರೆ. ಇವರ ಪ್ರಕಾರ, ಸೌತಾಂಪ್ಟನ್ನ ಹವಾಮಾನವು ಎರಡನೇ ದಿನ ಉತ್ತಮವಾಗಿದೆ ಹಾಗೂ ಸೂರ್ಯನ ಬೆಳಕು ಇರುತ್ತದೆ. ಈ ಪರಿಸ್ಥಿತಿ ಸ್ವಲ್ಪ ಸಮಯದವರೆಗೆ ಮುಂದುವರಿದರೆ, ಭಾರತ ಮತ್ತು ನ್ಯೂಜಿಲೆಂಡ್ ನಡುವಿನ ಬಹುನಿರೀಕ್ಷಿತ ಪಂದ್ಯವು ಪ್ರಾರಂಭವಾಗಬಹುದು.
ಕ್ರೀಡಾಂಗಣದಲ್ಲಿ ಸಾಕಷ್ಟು ಸೂರ್ಯನ ಬೆಳಕು ವಾಸ್ತವವಾಗಿ, ದಿನೇಶ್ ಕಾರ್ತಿಕ್ ಅವರು ಸೌತಾಂಪ್ಟನ್ನ ರೋಸ್ ಬೌಲ್ ಕ್ರೀಡಾಂಗಣದ ಚಿತ್ರವನ್ನು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದಾರೆ. ಇದರಲ್ಲಿ ಕ್ರೀಡಾಂಗಣದಲ್ಲಿ ಸಾಕಷ್ಟು ಸೂರ್ಯನ ಬೆಳಕು ಕಂಡುಬರುತ್ತದೆ. ಈ ಬಿಸಿಲು ಭಾರತ ಮತ್ತು ನ್ಯೂಜಿಲೆಂಡ್ನ ಆಟಗಾರರು ಸೇರಿದಂತೆ ಕ್ರಿಕೆಟ್ ಅಭಿಮಾನಿಗಳ ಮುಖದಲ್ಲಿ ಮಂದಹಾಸ ಮೂಡಿಸಿರಬೇಕು. ಅಂದಹಾಗೆ, ಹವಾಮಾನ ಇಲಾಖೆ ಸೌತಾಂಪ್ಟನ್ನಲ್ಲಿ ನಿರಂತರ ಮಳೆಯಾಗುವ ಮುನ್ಸೂಚನೆ ನೀಡಿದೆ. ಇದರ ಪ್ರಕಾರ, ಜೂನ್ 21 ಹೊರತುಪಡಿಸಿ, ಟೆಸ್ಟ್ ಚಾಂಪಿಯನ್ಶಿಪ್ನ ಫೈನಲ್ನ ಪ್ರತಿದಿನ ಮಳೆ ಬೀಳುವ ಸೂಚನೆ ಇದೆ. ಮೊದಲ ದಿನ, ಹವಾಮಾನ ಇಲಾಖೆಯ ಮುನ್ಸೂಚನೆಯು ನಿಖರವಾಗಿತ್ತು ಮತ್ತು ಒಂದು ಚೆಂಡನ್ನು ಸಹ ಬೌಲ್ ಮಾಡಲು ಸಾಧ್ಯವಾಗಲಿಲ್ಲ. ಪಂದ್ಯದ ಎರಡನೇ ದಿನ ಏನಾಗುತ್ತದೆ ಎಂಬುದನ್ನು ಈಗ ನೋಡಬೇಕಾಗಿದೆ.
Waking up to the sun ☀️#WTCFinal pic.twitter.com/ksizgYYwbB
— DK (@DineshKarthik) June 19, 2021
ಎರಡನೇ ದಿನದ ಆಟವು ಅರ್ಧ ಘಂಟೆ ಮುಂಚೆಯೇ ಪ್ರಾರಂಭ ಅಂದಹಾಗೆ, ಮೊದಲ ದಿನದ ಆಟವನ್ನು ಮಳೆಯಿಂದ ನಿಲ್ಲಿಸಲ್ಪಟ್ಟ ನಂತರ, ಎರಡನೇ ದಿನದ ಆಟ ಅರ್ಧ ಘಂಟೆಯ ಮುಂಚೆಯೇ ಪ್ರಾರಂಭವಾಗುತ್ತದೆ. ಅಂದರೆ ಭಾರತೀಯ ಸಮಯ ಮಧ್ಯಾಹ್ನ 2.30 ಕ್ಕೆ ಪಂದ್ಯ ಪ್ರಾರಂಭವಾಗಲಿದೆ. ಮಳೆ ಮಧ್ಯಪ್ರವೇಶಿಸದಿದ್ದರೆ, ಪ್ರೇಕ್ಷಕರು ಪೂರ್ಣ 98 ಓವರ್ಗಳ ಆಟವನ್ನು ನೋಡಬಹುದು. ಆದರೆ ನಾವು ಇಂಗ್ಲೆಂಡ್ನ ಹವಾಮಾನವನ್ನು ನಂಬುವಂತಿಲ್ಲ ಎರಡನೆಯ ದಿನದ ಆಟದ ಮಧ್ಯದಲ್ಲಿ ಮಳೆಯ ಆಗಮನವನ್ನು ತಳ್ಳಿಹಾಕಲಾಗುವುದಿಲ್ಲ. ದಿನ 60 ರಿಂದ 70 ಓವರ್ಗಳ ಆಟ ಸಾಧ್ಯ.
