Asus Chromebook CX1101: ಆಸುಸ್ನಿಂದ ಕೇವಲ 19,999 ರೂ. ಗೆ ಹೊಸ ಲ್ಯಾಪ್ಟಾಪ್ ಬಿಡುಗಡೆ: ಇದರಲ್ಲಿದೆ ಆಕರ್ಷಕ ಫೀಚರ್ಸ್
ಆಸುಸ್ ಕ್ರೋಮ್‌ಬುಕ್‌ CX1101 HD ಲ್ಯಾಪ್ಟಾಪ್ 1366x768 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್ ಸಾಮರ್ಥ್ಯದ 11.6 ಇಂಚಿನ ಆಂಟಿ-ಗ್ಲೇರ್ LCD ಡಿಸ್‌ಪ್ಲೇಯನ್ನು ಹೊಂದಿದೆ. ವಿಶೇಷವಾಗಿ ಇದು ಮೆಟಲ್ ರೇಯ್ನ್ ಫೊರ್ಸ್ಡ್ ಹಿಂಗೀಸ್ ಅನ್ನು ಹೊಂದಿದೆ.
Updated on: Dec 14, 2021 | 2:45 PM
ಹೊಸ ವರ್ಷಕ್ಕೆ (New Year 2022) ಇನ್ನೇನು ಕೆಲವೇ ದಿನಗಳಷ್ಟೆ ಬಾಕಿಯಿದೆ. ಈಗಂತು ಹೆಚ್ಚಿನವರು ಮನೆಯಿಂದ ಕೆಲಸ ಮಾಡುತ್ತಿರುವುದರಿಂದ ಲ್ಯಾಪ್ಟಾಪ್ ತಯಾರಿಕೆ ಮಾಡುವ ಕಂಪನಿಗಳಿಗೆ ಬೇಡಿಕೆ ಕೂಡ ಹೆಚ್ಚಾಗಿದೆ. ಈ ವರ್ಷ ಮಾರುಕಟ್ಟೆಗೆ ಅನೇಕ ಪ್ರಸಿದ್ಧ ಕಂಪನಿಯ ಲ್ಯಾಪ್ಟಾಪ್ಗಳು (Laptop) ಲಗ್ಗೆಯಿಟ್ಟಿವೆ. ಇದೀಗ ವರ್ಷದ ಕೊನೆಯಲ್ಲಿ ಆಸುಸ್ ಕಂಪನಿ ತನ್ನ ಕ್ರೋಮ್‌ಬುಕ್‌ CX1101 (Asus Chromebook CX1101) ಹೆಸರಿನ ಹೊಸ ಕ್ರೋಮ್‌ಬುಕ್‌ ಅನ್ನು ಭಾರತದಲ್ಲಿ ಬಿಡುಗಡೆ ಮಾಡಿದೆ. 11.6-ಇಂಚಿನ ಡಿಸ್‌ಪ್ಲೇ, ಎಡ್ಜ್-ಟು-ಎಡ್ಜ್ ಸ್ಪಿಲ್-ರೆಸಿಸ್ಟೆಂಟ್ ಕೀಬೋರ್ಡ್, 180-ಡಿಗ್ರಿ ಲೇ-ಫ್ಲಾಟ್ ಮೆಟಲ್ ಬಲವರ್ಧಿತ ಹಿಂಜ್ ಅನ್ನು ಹೊಂದಿ ಸಾಕಷ್ಟು ವಿಶೇಷತೆಗಳಿಂದ ಕೂಡಿದೆ. ಅಲ್ಲದೆ ಅತಿಮ ಕಡಿಮೆ ಬೆಲೆಗೆ ಈ ಲ್ಯಾಪ್ಟಾಪ್ ಖರೀದಿಗೆ ಸಿಗುತ್ತಿದೆ.
ಆಸುಸ್ ಕ್ರೋಮ್‌ಬುಕ್‌ CX1101 HD ಲ್ಯಾಪ್ಟಾಪ್ 1366×768 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್ ಸಾಮರ್ಥ್ಯದ 11.6 ಇಂಚಿನ ಆಂಟಿ-ಗ್ಲೇರ್ LCD ಡಿಸ್‌ಪ್ಲೇಯನ್ನು ಹೊಂದಿದೆ. ಇಂಟೆಲ್‌ Celeron N4020 ಡ್ಯುಯಲ್-ಕೋರ್ ಪ್ರೊಸೆಸರ್‌ ಬಲವನ್ನು ಪಡೆದುಕೊಂಡಿರುವ ಈ ಲ್ಯಾಪ್ಟಾಪ್ Chrome OS ಅನ್ನು ರನ್ ಮಾಡುತ್ತದೆ. ಜೊತೆಗೆ ಈ ಲ್ಯಾಪ್ಟಾಪ್ 4GB RAM ಮತ್ತು 64GB ಇಂಟರ್‌ ಸ್ಟೋರೇಜ್‌ ಸಾಮರ್ಥ್ಯವನ್ನು ಪಡೆದಿದೆ. ಇದಲ್ಲದೆ ಮೈಕ್ರೊ SD ಬಳಸಿಕೊಂಡು 2TB ವರೆಗೆ ಸಂಗ್ರಹ ಸಾಮರ್ಥ್ಯವನ್ನು ವಿಸ್ತರಿಸಬಹುದಾಗಿದೆ.
ವಿಶೇಷವಾಗಿ ಇದು ಮೆಟಲ್ ರೇಯ್ನ್ ಫೊರ್ಸ್ಡ್ ಹಿಂಗೀಸ್ ಅನ್ನು ಹೊಂದಿದೆ. ಇದು ಎಡ್ಜ್-ಟು-ಎಡ್ಜ್ ಸ್ಪಿಲ್-ರೆಸಿಸ್ಟೆಂಟ್ ಕೀಬೋರ್ಡ್ ಅನ್ನು ಒಳಗೊಂಡಿದೆ. ಈ ಕ್ರೋಮ್‌ಬುಕ್‌ US MIL-STD 810H ಪ್ರಮಾಣೀಕರಿಸಲ್ಪಟ್ಟಿದೆ. ಇದು Google ನ ಟೈಟಾನ್ C ಭದ್ರತಾ ಚಿಪ್‌ನೊಂದಿಗೆ ಅಂತರ್ನಿರ್ಮಿತವಾಗಿದೆ. ಅಲ್ಲದೆ ಟ್ರ್ಯಾಕ್‌ಪ್ಯಾಡ್ ಬಹು-ಗೆಸ್ಚರ್ ಬೆಂಬಲದೊಂದಿಗೆ ಬರುತ್ತದೆ. ಇದನ್ನು ನೀವು 180-ಡಿಗ್ರಿ ಕೋನದಲ್ಲಿ ತೆರೆಯಬಹುದು. CX1101 3-ಸೆಲ್ 42Whr ಬ್ಯಾಟರಿಯನ್ನು ಹೊಂದಿದೆ. ಇದು 13 ಗಂಟೆಗಳವರೆಗೆ ಇರುತ್ತದೆ ಎಂದು ಕಂಪನಿ ಹೇಳುತ್ತದೆ. ಜೊತೆಗೆ USB-ಟೈಪ್ C ಮೂಲಕ 45W ಚಾರ್ಜಿಂಗ್ ಬೆಂಬಲದೊಂದಿಗೆ ಬರುತ್ತದೆ.
ಇನ್ನು ಈ ಲ್ಯಾಪ್ಟಾಪ್ ಎರಡು USB 3.2 ನೊಂದಿಗೆ ಬರುತ್ತದೆ. ಟೈಪ್-ಸಿ ಪೋರ್ಟ್‌ಗಳು, ಎರಡು ಯುಎಸ್‌ಬಿ 3.2 ಟೈಪ್-ಎ ಪೋರ್ಟ್‌ಗಳು, ಮೈಕ್ರೊ ಎಸ್‌ಡಿ ಕಾರ್ಡ್ ರೀಡರ್ ಮತ್ತು 3.5 ಎಂಎಂ ಆಡಿಯೊ ಜ್ಯಾಕ್ ಅನ್ನು ಬೆಂಬಲಿಸಲಿದೆ. ಈ ಲ್ಯಾಪ್ಟಾಪ್ ಇಂಟೆಲ್‌ HD ಗ್ರಾಫಿಕ್ಸ್ 600 ಗ್ರಾಫಿಕ್ಸ್ ಅನ್ನು ನೋಡಿಕೊಳ್ಳುತ್ತದೆ. ಈ ಲ್ಯಾಪ್ಟಾಪ್ ಅಂತರ್ನಿರ್ಮಿತ ಮೈಕ್ರೊಫೋನ್, Google ವಾಯ್ಸ್‌ ಅಸಿಸ್ಟೆಂಟ್‌ ಅನ್ನು ಬೆಂಬಲಿಸಲಿದೆ.
ಆಸುಸ್ ಕ್ರೋಮ್‌ಬುಕ್‌ CX1101 ಡಿಸೆಂಬರ್ 15ರಿಂದ ಭಾರತೀಯ ಇ-ಕಾಮರ್ಸ್ ಪ್ಲಾಟ್‌ಫಾರ್ಮ್‌ನಲ್ಲಿ ಪ್ರತ್ಯೇಕವಾಗಿ ಲಭ್ಯವಿರುತ್ತದೆ. ಕ್ರೋಮ್ ಓಎಸ್ ಚಾಲಿತ ಲ್ಯಾಪ್ಟಾಪ್ ಕೇವಲ 19,999 ರೂ. ಬೆಲೆಯನ್ನು ಹೊಂದಿದೆ. ಕ್ರೋಮ್‌ಬುಕ್‌ CX1101 ರಿಟೇಲ್ ಸೇಲ್‌ನಲ್ಲಿ 18,990 ರೂ.ಗಳ ವಿಶೇಷ ರಿಯಾಯಿತಿ ದರದಲ್ಲಿ ಸೇಳ್ ಕಾಣಲಿದೆ.
Best Laptop 2021: 2021 ರಲ್ಲಿ ಬಿಡುಗಡೆ ಆಗಿ ದೂಳೆಬ್ಬಿಸಿದ ಲ್ಯಾಪ್ಟಾಪ್ಗಳು ಯಾವುವು?: ಇಲ್ಲದೆ ನೋಡಿ
(Asus has launched its Chromebook lineup with the launch of the all-new Chromebook CX1 CX1101 in India)
