Best Laptops: ಭಾರತದಲ್ಲಿ ಸಿಗುತ್ತಿರುವ 30,000 ರೂ. ಒಳಗಿನ ಬೆಸ್ಟ್ ಲ್ಯಾಪ್ಟಾಪ್ಗಳು ಇಲ್ಲಿದೆ ನೋಡಿ
Best Laptops Under 30000: ಭಾರತದ ಮಾರುಕಟ್ಟೆಯಲ್ಲಿ ಸಾವಿರಾರು ಲ್ಯಾಪ್ಟಾಪ್ಗಳು ಬಿಡುಗಡೆ ಆಗಿವೆ. ಆದರೆ, ಇದರಲ್ಲಿ ಅತ್ಯುತ್ತಮವಾದೂದು ಯಾವುದು ಎಂಬುದೇ ದೊಡ್ಡ ಗೊಂದಲ. ಇಲ್ಲಿದೆ ನೋಡಿ 30,000 ರೂ. ಒಳಗೆ ಸಿಗುತ್ತಿರುವ ಉತ್ತಮ ಲ್ಯಾಪ್ಟಾಪ್.
Updated on: Aug 02, 2022 | 11:31 AM
ಇಂದಿನ ಟೆಕ್ನಾಲಜಿ ಯುಗದಲ್ಲಿ ಸ್ಮಾರ್ಟ್ಫೋನ್ (Smartphone) ಎಷ್ಟು ಮುಖ್ಯವೋ ಅದೇರೀತಿ ಲ್ಯಾಪ್ಟಾಪ್ ಕೂಡ ಜನರಿಗೆ ಹತ್ತಿರವಾಗುತ್ತಿದೆ. ಮೊದಲೆಲ್ಲ ಲ್ಯಾಪ್ಟಾಪ್ (Laptop) ಖರೀದಿಸುವುದಕ್ಕೆ ಬೆಲೆಯೇ ಒಂದು ದೊಡ್ಡ ವಿಚಾರವಾಗಿರುತ್ತಿತ್ತು. ಆದರೆ ಕಾಲಕ್ರಮೇಣ ಟ್ರೆಂಡ್ (trend) ಬದಲಾಗುತ್ತಾ ಬಂದಿದ್ದು ಈಗಂತು ಅತ್ಯಂತ ಕಡಿಮೆ ಬೆಲೆಯಲ್ಲಿ ಲ್ಯಾಪ್ಟಾಪ್ಗಳನ್ನು ಖರೀದಿಸಬಹುದು. ಕೊರೊನಾ (Corona) ಬಂದ ಮೇಲಂತು ಲ್ಯಾಪ್ಟಾಪ್ ಬಳಸುವವರ ಸಂಖ್ಯೆ ಅಧಿಕವಾಗಿದೆ. ಇದಕ್ಕೆ ವರ್ಕ್ ಫ್ರಮ್ ಹೋಮ್ ಕೂಡ ಒಂದು ಕಾರಣ ಎನ್ನಬಹುದು. ಭಾರತದ ಮಾರುಕಟ್ಟೆಯಲ್ಲಿ ಸಾವಿರಾರು ಲ್ಯಾಪ್ಟಾಪ್ಗಳು ಬಿಡುಗಡೆ ಆಗಿವೆ. ಆದರೆ, ಇದರಲ್ಲಿ ಅತ್ಯುತ್ತಮವಾದೂದು ಯಾವುದು ಎಂಬುದೇ ದೊಡ್ಡ ಗೊಂದಲ. ಹಾಗಾದರೆ ನೀವು 30,000 ರೂ. ಒಳಗೆ ಸಿಗುತ್ತಿರುವ ಈ ಒಳ್ಳೆಯ ಲ್ಯಾಪ್ಟಾಪ್ಗಳತ್ತ ಖಂಡಿತವಾಗಿಯೂ ಗಮನಹರಿಸಬಹುದು.
ಏಸಸ್ ವಿವೊಬುಕ್ 15 ಲ್ಯಾಪ್ಟಾಪ್ ನಿಮ್ಮ ಎಲ್ಲಾ ದೈನಂದಿನ ಕೆಲಸದ ಅಗತ್ಯಗಳನ್ನು ಪೂರೈಸಬಲ್ಲದು. ಇದು 39.62 ಸೆಂಮೀ ಎಲ್ಇಡಿ – ಬ್ಯಾಕ್ಲಿಟ್ ಎಲ್ಸಿಡಿ ಹೊಂದಿದೆ. ಇದು 256GB ಸ್ಟೋರೇಜ್ ಅವಕಾಶ ಹೊಂದಿದೆ. ತುಂಬಾ ತೆಳುವಾದ ಮತ್ತು ಕಡಿಮೆ ತೂಕದ ಲ್ಯಾಪ್ಟಾಪ್ ಇದಾಗಿದೆ. ಇದರಲ್ಲಿ, ನಿಮಗೆ ಪ್ರಿ ಲೋಡೆಡ್ ಆಗಿರುವ, ಲೈಫ್ ಟೈಮ್ ವ್ಯಾಲಿಡಿಟಿ ಹೊಂದಿರುವ ವಿಂಡೋಸ್ 11 ಹೋಮ್, ಎಂಎಸ್ ಆಫೀಸ್ ಹೋಮ್ ಸಾಫ್ಟ್‌ವೇರ್ಗಳು ಸಿಗುತ್ತವೆ. ಇಂಟೆಲ್ ಸೆಲೆರಾನ್ N4020 ಪ್ರೊಸೆಸರ್ ಅಳವಡಿಸಲಾಗಿದೆ. ಇದರ ಬೆಲೆ 25,990 ರೂ. ಆಗಿದೆ.
ಹೆಚ್ಪಿ ಕ್ರೋಮ್ ಬುಕ್ 14 ಲ್ಯಾಪ್ಟಾಪ್ ಟಚ್ ಸ್ಕ್ರೀನ್ ಹೊಂದಿರುವ ಉತ್ತಮ ಗುಣಮಟ್ಟದ ಲ್ಯಾಪ್ಟಾಪ್ ಆಗಿದೆ. ಇದರಲ್ಲಿ ವಾಯ್ಸ್ ಎನೆಬಲ್ಡ್ ಗೂಗಲ್ ಅಸಿಸ್ಟೆಂಟ್ ಸಹ ಇರುವುದರಿಂದ ನೀವು ನಿಮ್ಮ ಕೈಗಳಿಂದ ಕಂಪ್ಯೂಟರ್ ಟಚ್ ಮಾಡದೆಯೇ ಯಾವುದೇ ಕಮಾಂಡ್ ನೀಡಬಹುದು. ಇದರಲ್ಲಿ, ರಿಮೈಂಡರ್ಗಳನ್ನು ಸೆಟ್ ಮಾಡಬಹುದು ಹಾಗೂ ನಿಮ್ಮ ಸ್ಮಾರ್ಟ್ ಹೋಂ ವ್ಯವಸ್ಥೆಯನ್ನು ಕೂಡ ನೀವಿದರ ಮೂಲಕ ನಿಯಂತ್ರಿಸಬಹುದು. 30 ಸಾವಿರ ರೂಪಾಯಿ ಬಜೆಟ್ ಒಳಗಡೆ ಸಿಗುತ್ತಿರುವ ಈ ಲ್ಯಾಪ್ಟಾಪ್ 4GB RAM ಮತ್ತು 64GB SSD ಸ್ಟೋರೇಜ್ ಇದೆ. ನೀವು ವರ್ಕ್ ಫ್ರಂ ಹೋಂ ಮಾಡುತ್ತಿದ್ದರೆ ಈ ಲ್ಯಾಪ್ಟಾಪ್ ನಿಮ್ಮ ಕೆಲಸವನ್ನು ಸಾಕಷ್ಟು ಹಗುರಗೊಳಿಸುತ್ತದೆ. ಇದರ ಬೆಲೆ 23,200 ರೂ. ಆಗಿದೆ.
ಏಸರ್ ಅಸ್ಪೀರ್ 3 ಲ್ಯಾಪ್ಟಾಪ್ 30,000 ರೂ. ಒಳಗೆ ಮಾರಾಟ ಆಗುತ್ತಿರುವ ಬೆಸ್ಟ್ ಲ್ಯಾಪ್ಟಾಪ್ ಆಗಿದೆ. ಇದು 1TB ವರೆಗಿನ ಹಾರ್ಡ್ ಡಿಸ್ಕ್ ಅನ್ನು ಹೊಂದಿದ್ದು 4GB RAM ಹೊಂದಿದೆ. ಹೆಚ್ ಡಿ ಡಿಸ್ ಪ್ಲೇ ಇರುವುದು ಏಸರ್ ಅಸ್ಪೀರ್ 3ಯ ವಿಶೇಷತೆ. ಇದರಲ್ಲಿ ಮೂರು ಯುಎಸ್ಬಿ ಪೋರ್ಟ್ ಮತ್ತಿ ಒಂದು HDMI ಪೋರ್ಡ್ ಇದೆ. ಈ ಲ್ಯಾಪ್ಟಾಪ್ ಬೆಲೆ 24,990 ರೂ. ಆಗಿದೆ.
ಮೈಕ್ರೋ ಸಾಫ್ಟ್ ಸರ್ಫೇಸ್ ಗೋ (MHN-00015) ಲ್ಯಾಪ್ಟಾಪ್ ಇಂಟೆಲ್ ಪ್ರೀಮಿಯಂ ಗೋಲ್ಡ್ ಪ್ರೊಸೆಸರ್ ಜೊತೆಗೆ 4GB RAM ಮತ್ತು 64GB eMMC ಸ್ಟೋರೇಜ್ ವ್ಯವಸ್ಥೆಯನ್ನು ಹೊಂದಿದೆ. ಈ ಮಾಡೆಲ್ ಕಾಂಪ್ಯಾಕ್ಟ್ 10-ಇಂಚಿನ ಟಚ್ ಸ್ಕ್ರೀನ್ ಹೊಂದಿದೆ ಮತ್ತು ಇದರ ಬೆಲೆ 29,990 ರೂಪಾಯಿ. ಇದನ್ನು ಸ್ಟ್ಯಾಂಡ್ ಅಲೋನ್ ಟ್ಯಾಬ್ಲೆಟ್ ನಂತೆ ಇದನ್ನು ಬಳಕೆ ಮಾಡಬಹುದು ಅಥವಾ ಎಕ್ಸ್ಟರ್ನಲ್ ಕೀಬೋರ್ಡ್ ಫೋಲಿಯೋವನ್ನು ಈ ಲ್ಯಾಪ್ ಟಾಪ್ ಗೆ ಕನೆಕ್ಟ್ ಮಾಡಿಕೊಳ್ಳಬಹುದು.
ಏಸಸ್ ನೋಟ್ಬುಕ್ 12 ಲ್ಯಾಪ್ಟಾಪ್ ಇಂಟೆಲ್ ಸೆಲೆರಾನ್ N4500 ಪ್ರೊಸೆಸರ್ ಮತ್ತು 128GB ಸ್ಟೋರೇಜ್ ಹೊಂದಿದೆ. ತುಂಬಾ ತೆಳುವಾದ ಮತ್ತು ಕಡಿಮೆ ತೂಕದ ಲ್ಯಾಪ್ಟಾಪ್ ಇದಾಗಿದೆ. ಇದು 11.6 ಡಿಸ್ ಪ್ಲೇ ಹೊಂದಿದೆ. ಟಚ್ ಸ್ಕ್ರೀನ್ ಅವಕಾಶ ಕೂಡ ನೀಡಲಾಗಿದೆ. ಇದರ ಬೆಲೆ 29,990 ರೂ. ಆಗಿದೆ.
