WhatsApp Backups: ಗೂಗಲ್ನಿಂದ ವಾಟ್ಸ್ಆ್ಯಪ್ ಬಳಕೆದಾರರಿಗೆ ಶಾಕ್: ಇನ್ನುಂದೆ ಈ ಸೇವೆ ಸ್ಥಗಿತ
Google Drive: WaBetaInfo ವರದಿಯ ಪ್ರಕಾರ, ವಾಟ್ಸ್ಆ್ಯಪ್ ಬ್ಯಾಕಪ್‌ಗಳಿಗಾಗಿ ಗೂಗಲ್ ಅನಿಯಮಿತ ಸಂಗ್ರಹಣೆಯನ್ನು ನೀಡುವುದನ್ನು ನಿಲ್ಲಿಸಬಹುದು ಎಂದು ಹೇಳಿದೆ.
ವಾಟ್ಸ್ಆ್ಯಪ್ ಬ್ಯಾಕಪ್‌ಗಳಿಗಾಗಿ (WhatsApp Backups) ಗೂಗಲ್ ಅನಿಯಮಿತ ಸಂಗ್ರಹಣೆ ನೀಡುವುದನ್ನು ಸದ್ಯದಲ್ಲೇ ಸ್ಥಗಿತಗೊಳಿಸಲಿದೆ ಎಂಬ ಆಘಾತಕಾರಿ ಸುದ್ದಿಯೊಂದು ಹೊರಬಿದ್ದಿದೆ. ವಾಟ್ಸ್ಆ್ಯಪ್ (WhatsApp) ಬಳಕೆದಾರರಿಗೆ ಗೂಗಲ್ ಡ್ರೈವ್‌ನಲ್ಲಿ (Google Drive) ಬ್ಯಾಕಪ್ ಚಾಟ್ ಮಾಡಲು ಅನುಮತಿಸುತ್ತದೆ. ಅಂದರೆ ಒಂದು ಸಾಧನದಿಂದ ಇನ್ನೊಂದು ಸಾಧನಕ್ಕೆ ಬ್ಯಾಕಪ್ ಬದಲಾಯಿಸಲು ಗೂಗಲ್ ಡ್ರೈವ್ ಸಹಾಯ ಮಾಡುತ್ತಿತ್ತು. ಇದು ವಾಟ್ಸ್ಆ್ಯಪ್ ಬಳಕೆದಾರರಿಗೆ ಸುಲಭ ಮತ್ತು ಸರಳ ಮಾರ್ಗವಾಗಿತ್ತು. ಆದರೆ ಇನ್ಮುಂದೆ ಉಚಿತ ಸಂಗ್ರಹಣೆ ಲಭ್ಯವಾಗುವುದಿಲ್ಲ ಎಂದು ವರದಿಗಳು ತಿಳಿಸಿವೆ.
WaBetaInfo ವರದಿಯ ಪ್ರಕಾರ, ವಾಟ್ಸ್ಆ್ಯಪ್ ಬ್ಯಾಕಪ್‌ಗಳಿಗಾಗಿ ಗೂಗಲ್ ಅನಿಯಮಿತ ಸಂಗ್ರಹಣೆಯನ್ನು ನೀಡುವುದನ್ನು ನಿಲ್ಲಿಸಬಹುದು. ಬದಲಾಗಿ, ವಾಟ್ಸ್ಆ್ಯಪ್ ಬಳಕೆದಾರರನ್ನು ಸೀಮಿತ ಯೋಜನೆಗೆ ಬದಲಾಯಿಸಲು ಕೇಳಬಹುದು- ಪ್ರತಿ ಬಳಕೆದಾರರಿಗೆ 2000MB ಸಂಗ್ರಹ ಸಾಮರ್ಥ್ಯ ಸಿಗಬಹುದು ಎಂದು ಅಂದಾಜಿಸಿದೆ. ಅಂದಹಾಗೆಯೇ, ವಾಬೇಟಾ ಇನ್ಫೋ ಆನ್‌ಲೈನ್ ಪ್ಲಾಟ್‌ಫಾರ್ಮ್ ಆಗಿದ್ದು ಅದು ವಾಟ್ಸ್ಆ್ಯಪ್ ಮುಂಬರುವ ವೈಶಿಷ್ಟ್ಯಗಳು ಮತ್ತು ನವೀಕರಣಗಳನ್ನು ಟ್ರ್ಯಾಕ್ ಮಾಡುತ್ತದೆ.
ಎಲ್ಲಾದರೂ ವಾಟ್ಸ್ಆ್ಯಪ್ ಬ್ಯಾಕಪ್ ಮಿತಿಯನ್ನು ಮೀರಿದರೆ, ಅದು ನಿಮ್ಮ ಡ್ರೈವ್ ಕೋಟಾದ ವಿರುದ್ಧವಾಗಬಹುದು. ಮುಂಬರುವ ಬ್ಯಾಕಪ್ ಸೈಜ್ ಮ್ಯಾನೇಜರ್ ನಿಮ್ಮ ವಾಟ್ಸ್ಆ್ಯಪ್ ಚಾಟ್ ಬ್ಯಾಕಪ್‌ನಲ್ಲಿ ಫೋಟೋಗಳು, ಆಡಿಯೋ, ವಿಡಿಯೋಗಳು, ಡಾಕ್ಯುಮೆಂಟ್‌ಗಳು ಮತ್ತು ಇತರ ಮಾಧ್ಯಮಗಳನ್ನು ಸೇರಿಸಲು ಅಥವಾ ಹೊರಗಿಡಲು ಆಯ್ಕೆ ಮಾಡುತ್ತದೆ. ಆಂಡ್ರಾಯ್ಡ್‌ನಲ್ಲಿ ವಾಟ್ಸ್ಆ್ಯಪ್ ಬೀಟಾ 2.21.21.7 ಆವೃತ್ತಿಯಲ್ಲಿ ಈ ವೈಶಿಷ್ಟ್ಯವನ್ನು ಗುರುತಿಸಲಾಗಿದೆ. ಇದು ಇನ್ನೂ ಬೀಟಾ ಪರೀಕ್ಷಕರಿಗೆ ಲಭ್ಯವಿಲ್ಲದಿರಬಹುದು. ಆದರೆ, ಶೀಘ್ರದಲ್ಲೇ ಇತಂಹ ಬದಲಾವಣೆಯು ವಾಟ್ಸ್ಆಪ್ ಬಳಕೆದಾರರಿಗೆ ಕಾಣಲಿದೆ ಎಂದು ವರದಿಯಾಗಿದೆ,
ವಾಟ್ಸ್ಆ್ಯಪ್ ಚಾಟ್ ಬ್ಯಾಕಪ್ ಸಮಸ್ಯೆ ನಿರ್ವಹಣೆಗಾಗಿ ಕೆಲಸ ಮಾಡುತ್ತಿದೆ. ಮಾತ್ರವಲ್ಲದೆ, ಅದಕ್ಕೆಂದೇ ಹೊಸ ವಿಭಾಗವೊಂದನ್ನು ಪರಿಚಯಿಸಲಿದೆ. ಅದರ ಮೂಲಕ ಬ್ಯಾಕಪ್ ಗಾತ್ರವನ್ನು ನಿರ್ವಹಿಸಲು ಅನುಮತಿಸಲಿದೆ. ಮತ್ತೊಂದು ವಿಚಾರವೆಂದರೆ ವಾಟ್ಸ್ಆ್ಯಪ್ ಬ್ಯಾಕಪ್ಗಾಗಿ ಗೂಗಲ್ ಡ್ರೈವ್ ಬೆಂಬಲ ಪಡೆದಿತ್ತು. ಆದರೆ ಒಂದು ವೇಳೆ ವಾಟ್ಸ್ಆ್ಯಪ್ ತನ್ನದೇ ಹೊಸ ವಿಭಾಗ ತೆರೆದರೆ ಈ ಸಮಸ್ಯೆ ನಿವಾರಣೆಯಾಗಲಿದೆ.
ವಾಟ್ಸ್ಆ್ಯಪ್ ಬ್ಯಾಕಪ್‌ಗಳು ಆರಂಭದಲ್ಲಿ ಗೂಗಲ್ ಡ್ರೈವ್ ಶೇಖರಣಾ ಕೋಟಾದ ಒಂದು ಭಾಗವಾಗಿತ್ತು. ಆದರೆ 2018 ರಲ್ಲಿ ಫೇಸ್‌ಬುಕ್ ಒಡೆತನದ ಪ್ಲಾಟ್‌ಫಾರ್ಮ್ ಗೂಗಲ್‌ನೊಂದಿಗೆ ಪಾಲುದಾರಿಕೆ ಹೊಂದಿದಾಗ ಗೂಗಲ್ ಡ್ರೈವ್‌ನಲ್ಲಿ ಶೇಖರಣಾ ಕೋಟಾದಿಂದ ಸ್ವತಂತ್ರವಾಗಿ ವಾಟ್ಸ್ಆ್ಯಪ್ ಬ್ಯಾಕಪ್‌ಗಳನ್ನು ನೀಡುತ್ತ ಬರುತ್ತಿದೆ.
Best SmartPhones: 10,000 ರೂ. ಒಳಗೆ ಖರೀದಿಸಬಹುದಾದ ಅತ್ಯುತ್ತಮ ಸ್ಮಾರ್ಟ್ಫೋನ್ಗಳು ಇಲ್ಲಿದೆ ನೋಡಿ
(Google could soon limit WhatsApp backups for WhatsApp users)
