Google Pixel 8a: ಬರುತ್ತಿದೆ ಗೂಗಲ್ ಪಿಕ್ಸೆಲ್ 8a: ಸೋರಿಕೆ ಆಗಿದೆ ಫೀಚರ್ಸ್, ಏನಿದೆ ನೋಡಿ
Google Pixel 8a Renders Leaked: ಸೋರಿಕೆಯಾದ ರೆಂಡರ್‌ಗಳ ಪ್ರಕಾರ, ಪಿಕ್ಸೆಲ್ 8 ಎ ಹಿಂಭಾಗ ಪಿಕ್ಸೆಲ್ 8 ಮತ್ತು 8 ಪ್ರೊ ಅನ್ನು ಹೋಲುತ್ತದೆ. ಇದು ಎರಡು ಕ್ಯಾಮೆರಾಗಳನ್ನು ಹೊಂದಿದೆ ಎಂದು ತೋರುತ್ತದೆ. ಎಲ್ಇಡಿ ಫ್ಲ್ಯಾಷ್ ಮಾಡ್ಯೂಲ್ ಅನ್ನು ಸಹ 8 ಮತ್ತು 8 ಪ್ರೊ ಪ್ರೀಮಿಯಂ ಮಾದರಿಗಳಂತೆಯೇ ಇರಿಸಲಾಗಿದೆ.
ಗೂಗಲ್ ಕಂಪನಿ ಇತ್ತೀಚೆಗಷ್ಟೆ ಮೇಡ್ ಬೈ ಗೂಗಲ್ 2023 ಹಾರ್ಡ್‌ವೇರ್ ಲಾಂಚ್ ಈವೆಂಟ್‌ನಲ್ಲಿ ಪಿಕ್ಸೆಲ್ 8-ಸರಣಿಯ ಅಡಿಯಲ್ಲಿ ಪಿಕ್ಸೆಲ್ 8 ಮತ್ತು ಪಿಕ್ಸೆಲ್ 8 ಪ್ರೊ ಸ್ಮಾರ್ಟ್ಫೋನ್ ಅನ್ನು ಬಿಡುಗಡೆ ಮಾಡಿತ್ತು. ಇದಕ್ಕೆ ಉತ್ತಮ ಪ್ರತಿಕ್ರಿಯೆ ಕೇಳಿಬಂದ ಬೆನ್ನಲ್ಲೇ ಪಿಕ್ಸೆಲ್ 8a (Google Pixel 8a) ರೆಂಡರ್‌ಗಳು ಕಾಣಿಸಿಕೊಂಡಿವೆ. A-ಸರಣಿಯ ಪಿಕ್ಸೆಲ್ ಫೋನ್ ಈ ವರ್ಷದ ಕೊನೆಯಲ್ಲಿ ಅಥವಾ ಮುಂದಿನ ವರ್ಷದ ಆರಂಭದಲ್ಲಿ ಅನಾವರಣಗೊಳ್ಳುವ ನಿರೀಕ್ಷೆಯಿದೆ. ಈ ಫೋನಿನ ಕೆಲವು ಫೀಚರ್ಗಳು ಸೋರಿಕೆ ಆಗಿದ್ದು, ಮಾಹಿತಿಯ ಪ್ರಕಾರ ಪಿಕ್ಸೆಲ್ 8a ಗಾತ್ರವು ಪಿಕ್ಸೆಲ್ 8 ಗಿಂತ ದೊಡ್ಡದಾಗಿದೆ ಎಂದು ತಿಳಿದುಬಂದಿದೆ.
ಗೂಗಲ್ ಪಿಕ್ಸೆಲ್ 8a ವಿನ್ಯಾಸ:
ಆನ್‌ಲೀಕ್ಸ್‌ನಿಂದ (ಸ್ಮಾರ್ಟ್‌ಪ್ರಿಕ್ಸ್ ಮೂಲಕ) ಸೋರಿಕೆಯಾದ ರೆಂಡರ್‌ಗಳ ಪ್ರಕಾರ, ಪಿಕ್ಸೆಲ್ 8 ಎ ಹಿಂಭಾಗ ಪಿಕ್ಸೆಲ್ 8 ಮತ್ತು 8 ಪ್ರೊ ಅನ್ನು ಹೋಲುತ್ತದೆ. ಇದು ಎರಡು ಕ್ಯಾಮೆರಾಗಳನ್ನು ಹೊಂದಿದೆ ಎಂದು ತೋರುತ್ತದೆ. ಎಲ್ಇಡಿ ಫ್ಲ್ಯಾಷ್ ಮಾಡ್ಯೂಲ್ ಅನ್ನು ಸಹ 8 ಮತ್ತು 8 ಪ್ರೊ ಪ್ರೀಮಿಯಂ ಮಾದರಿಗಳಂತೆಯೇ ಇರಿಸಲಾಗಿದೆ.
Dolby Vision: ಡಾಲ್ಬಿ ವಿಷನ್ ಎಂದರೇನು?: ವಿಡಿಯೋಕ್ಕೆ ಇದನ್ನು ಬಳಸಿದ್ರೆ ಏನು ಬದಲಾವಣೆ ಆಗುತ್ತದೆ?
ಫೋನಿನ ಸೈಡ್ನಲ್ಲಿ ಪವರ್ ಬಟನ್, ವಾಲ್ಯೂಮ್ ರಾಕರ್, ಸಿಮ್ ಟ್ರೇ ಮತ್ತು ಸೆಲ್ಯುಲಾರ್ ಆಂಟೆನಾ ನೀಡಲಾಗಿದೆ. ಮೇಲಿನ ಭಾಗವು ಸಹ ಆಂಟೆನಾ ರೇಖೆಯನ್ನು ಹೊಂದಿದೆ. ನೀವು ಮೈಕ್ ಹೋಲ್ ಅನ್ನು ಸಹ ಪಡೆಯುತ್ತೀರಿ. ಕೆಳಭಾಗದಲ್ಲಿ USB-C ಪೋರ್ಟ್ ಮತ್ತು ಸ್ಪೀಕರ್ ಗ್ರಿಲ್ ಇದೆ.
ಗೂಗಲ್ ಪಿಕ್ಸೆಲ್ 8a ಫೀಚರ್ಸ್ (ಸೋರಿಕೆ ಆದ ಮಾಹಿತಿ)
ಡಿಸ್ ಪ್ಲೇ: ಹೊಸ ಗೂಗಲ್ ಪಿಕ್ಸೆಲ್ 8a ಸ್ಮಾರ್ಟ್ಫೋನ್ 6.1 ಇಂಚಿನ ಡಿಸ್ ಪ್ಲೇ ಹೊಂದಿರುವ ಸಾಧ್ಯತೆ ಇದೆ. ಇದು ಪಿಕ್ಸೆಲ್ 8 ರ 6.2-ಇಂಚಿನ ಪ್ಯಾನೆಲ್‌ಗಿಂತ ಚಿಕ್ಕದಾಗಿದೆ. ಪಿಕ್ಸೆಲ್ 8 ಮತ್ತು ಪಿಕ್ಸೆಲ್ 8 ಪ್ರೊಗೆ ಹೋಲಿಸಿದರೆ ಬೆಜೆಲ್‌ಗಳು ಹೆಚ್ಚು ಗಮನಾರ್ಹವಾಗಿವೆ. ಮುಂಭಾಗದ ಕ್ಯಾಮೆರಾಕ್ಕಾಗಿ ಪಂಚ್ ಹೋಲ್ ಕಟೌಟ್ ನೀಡಲಾಗಿದೆ.
CPU: ಗೂಗೂಲ್ನ ಈ ಸ್ಮಾರ್ಟ್ಫೋನ್ Tensor G3 SoC ನೊಂದಿಗೆ ಪವರ್ ಮಾಡುವ ನಿರೀಕ್ಷೆಯಿದೆ. ಇದು ಇತರ ಪಿಕ್ಸೆಲ್ 8 ಫೋನ್‌ಗಳಲ್ಲಿ ಕಂಡುಬರುವ ಚಿಪ್‌ನ ಅಂಡರ್‌ಲಾಕ್ಡ್ ಆವೃತ್ತಿ (ಗರಿಷ್ಠ ಆವರ್ತನ 2.91GHz) ಆಗಿರಬಹುದು. ಪಟ್ಟಿಯ ಪ್ರಕಾರ, ಈ ಫೋನ್ ಸಿಂಗಲ್-ಕೋರ್ ಟೆಸ್ಟ್ನಲ್ಲಿ 1218 ಪಾಯಿಂಟ್ ಮತ್ತು ಮಲ್ಟಿ-ಕೋರ್ ಕಾರ್ಯಕ್ಷಮತೆ ಪರೀಕ್ಷೆಯಲ್ಲಿ 3175 ಅಂಕಗಳನ್ನು ಗಳಿಸಿದೆ.
GPU ಮತ್ತು ಇತರ ವೈಶಿಷ್ಟ್ಯಗಳು: ಈ CPU ಅನ್ನು Mali-G715 GPU ಜೊತೆಗೆ ಜೋಡಿಸಬಹುದು. ನೀವು ಇಲ್ಲಿ Titan G2 ಭದ್ರತಾ ಚಿಪ್ ಮತ್ತು ಕೆಲವು AI ಟೆಕ್ನಾಲಜಿ ಪಡೆಯುವ ಸಾಧ್ಯತೆಯಿದೆ.
ಮೆಮೊರಿ-ಬಣ್ಣಗಳು: 8GB RAM ಅನ್ನು ಹೊಂದಿದೆ ಎಂದು ಬಹಿರಂಗವಾಗಿದೆ. ಇದು ನೀಲಿ ಬಣ್ಣದಲ್ಲಿ ಬರಬಹುದು.
ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 2:22 pm, Tue, 10 October 23
