ಅದ್ಭುತ ಕ್ಯಾಮೆರಾ, ಬಲಿಷ್ಠ ಪ್ರೊಸೆಸರ್: ಹಾನರ್ನಿಂದ 100, 100 ಪ್ರೊ ಸ್ಮಾರ್ಟ್ಫೋನ್ ಬಿಡುಗಡೆ
Honor 100 and the Honor 100 Pro Launched: ಪ್ರಸಿದ್ಧ ಹಾನರ್ ಕಂಪನಿಯು ಹಾನರ್ 100 ಮತ್ತು ಹಾನರ್ 100 ಪ್ರೊ ಎಂಬ ಎರಡು ಹೊಸ ಸ್ಮಾರ್ಟ್ಫೋನ್ಗಳನ್ನು ಬಿಡುಗಡೆ ಮಾಡಿದೆ. ಈ ಫೋನ್ನಲ್ಲಿ ಅದ್ಭುತ ಕ್ಯಾಮೆರಾ, ಬಲಿಷ್ಠವಾದ ಬ್ಯಾಟರಿ, ಪ್ರೊಸೆಸರ್ ಆಯ್ಕೆಯನ್ನು ನೀಡಲಾಗಿದೆ. ಸದ್ಯಕ್ಕೆ ಈ ಎರಡೂ ಫೋನುಗಳು ಚೀನಾ ಮಾರುಕಟ್ಟೆಯಲ್ಲಿ ರಿಲೀಸ್ ಆಗಿದೆ.
ಪ್ರಸಿದ್ಧ ಹಾನರ್ ಕಂಪನಿ ಎರಡು ಹೊಸ ಸ್ಮಾರ್ಟ್ಫೋನ್ನೊಂದಿಗೆ ಮಾರುಕಟ್ಟೆಗೆ ಮತ್ತೆ ಬಂದಿದೆ. ಹಾನರ್ 100 ಸರಣಿಯ (Honor 100 series) ಅಡಿಯಲ್ಲಿ ಹಾನರ್ 100 ಮತ್ತು ಹಾನರ್ 100 ಪ್ರೊ ಸ್ಮಾರ್ಟ್ಫೋನ್ಗಳು ಬಿಡುಗಡೆ ಆಗಿದೆ. ಈ ಫೋನ್‌ಗಳು 120Hz ಪೂರ್ಣ-HD+ OLED ಕ್ವಾಡ್-ಕರ್ವ್ ಡಿಸ್‌ಪ್ಲೇಗಳೊಂದಿಗೆ ಬರುತ್ತದೆ. ಅದ್ಭುತ ಕ್ಯಾಮೆರಾ, ಬಲಿಷ್ಠವಾದ ಬ್ಯಾಟರಿ, ಪ್ರೊಸೆಸರ್ ಆಯ್ಕೆಯನ್ನು ಕೂಡ ನೀಡಲಾಗಿದೆ. ಸದ್ಯಕ್ಕೆ ಈ ಎರಡೂ ಫೋನುಗಳು ಚೀನಾ ಮಾರುಕಟ್ಟೆಯಲ್ಲಿ ರಿಲೀಸ್ ಆಗಿದೆ. ಮುಂದಿನ ದಿನಗಳಲ್ಲಿ ಭಾರತಕ್ಕೂ ಬರಲಿದೆ. ಇದರ ಬೆಲೆ, ಫೀಚರ್ಸ್ ಕುರಿತ ಸಂಪೂರ್ಣ ಮಾಹಿತಿ ಇಲ್ಲಿದೆ.
ಹಾನರ್ 100 ಮತ್ತು ಹಾನರ್ 100 ಪ್ರೊ ಬೆಲೆ, ಲಭ್ಯತೆ:
ಹಾನರ್ 100 ಫೋನ್ ಒಟ್ಟು ಮೂರು RAM ಮತ್ತು ಸ್ಟೋರೇಜ್ ರೂಪಾಂತರಗಳಲ್ಲಿ ಬರುತ್ತದೆ. ಇದರ 12GB + 256GB ಆಯ್ಕೆಗಳು CNY 2,499 (ಸುಮಾರು ರೂ. 29,200), 16GB + 256GB ಮತ್ತು 16GB + 512GB ರೂಪಾಂತರಗಳಿಗೆ ಕ್ರಮವಾಗಿ CNY 2,799 (ಸುಮಾರು ರೂ. 32,700), CNY 2,999 (ಸುಮಾರು ರೂ. 35,000) ಇದೆ.
ಹಾನರ್ 100 ಪ್ರೊ ಫೋನಿನ 12GB + 256GB ಆಯ್ಕೆಗೆ CNY 3,399 (ಸುಮಾರು ರೂ. 39,700) ಇದೆ. ಅಂತೆಯೆ 16GB RAM ಹೊಂದಿರುವ 256GB, 512GB ಮತ್ತು 1TB ಸಂಗ್ರಹಣೆಯೊಂದಿಗೆ CNY 3,699 (ಸುಮಾರು ರೂ. 43,200), CNY 3,999 (ಸರಿಸುಮಾರು ರೂ. 46,700) ಮತ್ತು CNY 4,399 (ಸುಮಾರು ರೂ. 51,400).
ಮಾರುಕಟ್ಟೆಗೆ ಬಂತು ಅದ್ಭುತ ಕ್ಯಾಮೆರಾ, ಫಾಸ್ಟ್ ಚಾರ್ಜರ್ನ ಒಪ್ಪೋ ರೆನೋ 11 ಸರಣಿ ಸ್ಮಾರ್ಟ್ಫೋನ್
ಹಾನರ್ 100 ಮತ್ತು ಹಾನರ್ 100 ಪ್ರೊ ಸ್ಮಾರ್ಟ್ಫೋನ್ ಬ್ರೈಟ್ ಬ್ಲ್ಯಾಕ್, ಬಟರ್‌ಫ್ಲೈ ಬ್ಲೂ, ಮೊನೆಟ್ ಪರ್ಪಲ್ ಮತ್ತು ಮೂನ್ ಶ್ಯಾಡೋ ವೈಟ್ ಬಣ್ಣ ಆಯ್ಕೆಗಳಲ್ಲಿ ಬರುತ್ತದೆ. ಈ ಫೋನ್‌ಗಳು ಚೀನಾದಲ್ಲಿ ಮುಂಗಡ-ಆರ್ಡರ್‌ಗಳಿಗೆ ಲಭ್ಯವಿವೆ ಮತ್ತು ಡಿಸೆಂಬರ್ 1 ರಿಂದ ಮಾರಾಟವಾಗಲಿದೆ.
ಹಾನರ್ 100 ಮತ್ತು ಹಾನರ್ 100 ಪ್ರೊ ಫೀಚರ್ಸ್:
ಹಾನರ್ 100 ಫೋನ್ 6.7-ಇಂಚಿನ ಪೂರ್ಣ-HD+ (2,664 x 1,200 ಪಿಕ್ಸೆಲ್‌ಗಳು) OLED ಕ್ವಾಡ್ ಕರ್ವ್ಡ್ ಡಿಸ್ಪ್ಲೇ ಜೊತೆಗೆ 120Hz ರಿಫ್ರೆಶ್ ರೇಟ್ನೊಂದಿಗೆ ಬರುತ್ತದೆ. ಅದೇ, ಹಾನರ್ 100 ಪ್ರೊ 6.78-ಇಂಚಿನ ಪೂರ್ಣ-HD+ (2,700 x 1,224 ಪಿಕ್ಸೆಲ್‌ಗಳು) OLED ಕ್ವಾಡ್ ಡಿಸ್ ಪ್ಲೇಯನ್ನು ಹೊಂದಿದೆ.
ಹಾನರ್ 100 4nm ಕ್ವಾಲ್ಕಂ ಸ್ನಾಪ್ಡ್ರಾಗನ್ 7 Gen 3 ಚಿಪ್‌ಸೆಟ್ ಅನ್ನು Adreno 720 GPU ನೊಂದಿಗೆ ಜೋಡಿಸಲಾಗಿದೆ, ಹಾನರ್ 100 ಪ್ರೊ ನಲ್ಲಿ Adreno 740 GPU ಜೊತೆಗೆ ಸ್ನಾಪ್ಡ್ರಾಗನ್ 8 Gen 2 SoC ಅನ್ನು ನೀಡಲಾಗಿದೆ. ಎರಡೂ ಮಾದರಿಗಳು ಆಂಡ್ರಾಯ್ಡ್ 13-ಆಧಾರಿತ MagicOS 7.2 ಔಟ್-ಆಫ್-ದಿ-ಬಾಕ್ಸ್ ಮೂಲಕ ರನ್ ಆಗುತ್ತವೆ.
ಕ್ಯಾಮೆರಾ ವಿಚಾರಕ್ಕೆ ಬಂದರೆ, ಹಾನರ್ 100 ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಶನ್ (OIS) ಜೊತೆಗೆ 50-ಮೆಗಾಪಿಕ್ಸೆಲ್ ಸೋನಿ IMX906 1/1.56 ಪ್ರಾಥಮಿಕ ಸಂವೇದಕವನ್ನು ಹೊಂದಿದೆ. 12-ಮೆಗಾಪಿಕ್ಸೆಲ್ ಸಂವೇದಕವನ್ನು ಹೊಂದಿರುವ ಅಲ್ಟ್ರಾ-ವೈಡ್-ಆಂಗಲ್ ಲೆನ್ಸ್ ಇದೆ. ಸೆಲ್ಫಿ ಮತ್ತು ವಿಡಿಯೋ ಕರೆಗಳಿಗಾಗಿ, ಮುಂಭಾಗದಲ್ಲಿ 50-ಮೆಗಾಪಿಕ್ಸೆಲ್ ಕ್ಯಾಮೆರಾ ನೀಡಲಾಗಿದೆ. ಹಾನರ್ 100 ಪ್ರೊ ಡ್ಯುಯಲ್ ಫ್ರಂಟ್ ಕ್ಯಾಮೆರಾ ಸೆಟಪ್‌ನೊಂದಿಗೆ ಬರುತ್ತದೆ, ಇದು 50-ಮೆಗಾಪಿಕ್ಸೆಲ್ ಸೋನಿ IMX816 ಮುಖ್ಯ ಸಂವೇದಕ ಮತ್ತು 2-ಮೆಗಾಪಿಕ್ಸೆಲ್ ಡೆಪ್ತ್ ಸೆನ್ಸಾರ್ ಒಳಗೊಂಡಿದೆ. 2.5x ಆಪ್ಟಿಕಲ್ ಜೂಮ್ ಮತ್ತು 50x ಹೈಬ್ರಿಡ್ ಜೂಮ್ ಜೊತೆಗೆ ಹೆಚ್ಚುವರಿ 32-ಮೆಗಾಪಿಕ್ಸೆಲ್ OIS-ಬೆಂಬಲಿತ ಟೆಲಿಫೋಟೋ ಕ್ಯಾಮೆರಾ ಕೂಡ ಇದೆ.
ಹಾನರ್ 100 ನ ಎರಡೂ ಮಾದರಿಗಳು ಡ್ಯುಯಲ್ ನ್ಯಾನೊ-SIM, 5G, ಡ್ಯುಯಲ್ 4G VoLTE, Wi-Fi 802.1, ಬ್ಲೂಟೂತ್ 5.2, GPS, USB ಟೈಪ್-C ಮತ್ತು NFC ಸಂಪರ್ಕವನ್ನು ಬೆಂಬಲಿಸುತ್ತವೆ. ಭದ್ರತೆಗಾಗಿ, ಇನ್-ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಸೆನ್ಸರ್‌ಗಳನ್ನು ಹೊಂದಿವೆ. ಹಾನರ್ 100 ಸರಣಿಯು 5,000mAh ಬ್ಯಾಟರಿಗಳನ್ನು 100W ವೈರ್ಡ್ ಫಾಸ್ಟ್ ಚಾರ್ಜಿಂಗ್ ಬೆಂಬಲದೊಂದಿಗೆ ಪ್ಯಾಕ್ ಮಾಡುತ್ತದೆ. ಹಾನರ್ 100 ಪ್ರೊನಲ್ಲಿ 66W ವೈರ್‌ಲೆಸ್ ಚಾರ್ಜಿಂಗ್ ಕೂಡ ಇದೆ.
ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 1:52 pm, Sat, 25 November 23
