ಮಾರುಕಟ್ಟೆಗೆ ಬಂತು ಅದ್ಭುತ ಕ್ಯಾಮೆರಾ, ಫಾಸ್ಟ್ ಚಾರ್ಜರ್ನ ಒಪ್ಪೋ ರೆನೋ 11 ಸರಣಿ ಸ್ಮಾರ್ಟ್ಫೋನ್
OPPO Reno 11 and OPPO Reno 11 Pro Launched: ಒಪ್ಪೋ ರೆನೋ 11 ಸರಣಿಯು ವಿಶೇಷವಾಗಿ ಕ್ಯಾಮೆರಾ ವಿಭಾಗಕ್ಕೆ ಹೆಚ್ಚು ಒತ್ತು ಕೊಡಲಾಗಿದ್ದು, ಆಂಡ್ರಾಯ್ಡ್ 14 OS ನೊಂದಿಗೆ ಬರುತ್ತವೆ. 32MP ಸೆಲ್ಫಿ ಕ್ಯಾಮೆರಾ ಕೂಡ ಇದೆ. ಈ ಫೋನುಗಳ ಬೆಲೆ, ಫೀಚರ್ಸ್ ಕುರಿತ ಮಾಹಿತಿ ಇಲ್ಲಿದೆ.
Updated on: Nov 23, 2023 | 4:04 PM
ಚೀನಾ ಮೂಲದ ಪ್ರಸಿದ್ಧ ಸ್ಮಾರ್ಟ್ಫೋನ್ ತಯಾರಿಕ ಕಂಪನಿ ಒಪ್ಪೋ ಇದೀಗ ಹೊಸ ಮೊಬೈಲ್ನೊಂದಿಗೆ ಮಾರುಕಟ್ಟೆಗೆ ಬಂದಿದೆ. ಇಂದು ಚೀನಾ ಮಾರುಕಟ್ಟೆಯಲ್ಲಿ ಒಪ್ಪೋ ರೆನೋ 11 ಸರಣಿ (OPPO Reno 11 Series) ಬಿಡುಗಡೆ ಆಗಿದೆ. ಇದರಲ್ಲಿ ಒಪ್ಪೋ ರೆನೋ 11 ಮತ್ತು ಒಪ್ಪೋ ರೆನೋ 11 ಪ್ರೊ ಎಂಬ ಎರಡು ಸ್ಮಾರ್ಟ್ಫೋನ್ಗಳಿವೆ. ಇವುಗಳು ಒಪ್ಪೋ ರೆನೋ 10 ರ ಉತ್ತರಾಧಿಕಾರಿಯಾಗಿದೆ. ರೆನೋ 11 ಸರಣಿಯಲ್ಲಿ ವಿಶೇಷವಾಗಿ ಕ್ಯಾಮೆರಾ ವಿಭಾಗಕ್ಕೆ ಹೆಚ್ಚು ಒತ್ತು ಕೊಡಲಾಗಿದ್ದು, ಆಂಡ್ರಾಯ್ಡ್ 14 OS ನೊಂದಿಗೆ ಬರುತ್ತವೆ. ಈ ಫೋನುಗಳ ಬೆಲೆ, ಫೀಚರ್ಸ್ ಕುರಿತ ಮಾಹಿತಿ ಇಲ್ಲಿದೆ.
ಒಪ್ಪೋ ರೆನೋ 11 5G ಸರಣಿಯ ಬೆಲೆ:
ಒಪ್ಪೋ ರೆನೋ 11 ಪ್ರೊ 5G ಎರಡು ಸ್ಟೋರೇಜ್ ಆಯ್ಕೆಯಲ್ಲಿ ಲಭ್ಯವಿದೆ. ಇದರ 12GB + 256GB ಸ್ಟೋರೇಜ್ ಆಯ್ಕೆಗೆ RMB 3,499 (ಸುಮಾರು ರೂ. 41,100) ಮತ್ತು 12GB + 512GB ರೂಪಾಂತರಕ್ಕೆ RMB 3,799 (ಅಂದಾಜು ರೂ. 45,100).
ಮಾರುಕಟ್ಟೆಗೆ ಬಂತು 108MP ಕ್ಯಾಮೆರಾದ ಹೊಸ ಸ್ಮಾರ್ಟ್ಫೋನ್: ರೆಡ್ಮಿ ನೋಟ್ 13R ಪ್ರೊ ಬಿಡುಗಡೆ
ಇನ್ನು ರೆನೋ 11 5G ಫೋನ್ ಮೂರು ಸ್ಟೋರೇಜ್ ಆಯ್ಕೆಯಲ್ಲಿ ಅನಾವರಣಗೊಂಡಿದೆ. ಇದರ 8GB + 256GB ಸ್ಟೋರೇಜ್ ಆಯ್ಕೆಗೆ RMB 2,499 (ಸುಮಾರು 29,700 ರೂ.), 12GB + 256GB ಮಾದರಿಗೆ RMB 2,799 (ರೂ. 32,900) ಮತ್ತು 12GB + 512GB ಮಾಡೆಲ್ಗೆ RMB 2,999 (ರೂ. 35,300) ನಿಗದಿ ಮಾಡಲಾಗಿದೆ.
ಒಪ್ಪೋ ರೆನೋ 11 5G ಸರಣಿ ಫೀಚರ್ಸ್:
ಡಿಸ್ ಪ್ಲೇ: ರೆನೋ 11 2,412 X 1,080 ಪಿಕ್ಸೆಲ್ಗಳ ಸ್ಕ್ರೀನ್ ರೆಸಲ್ಯೂಶನ್, 800 nits ಗರಿಷ್ಠ ಬ್ರೈಟ್ನೆಸ್ನೊಂದಿಗೆ 120Hz ರಿಫ್ರೆಶ್ ದರದೊಂದಿಗೆ 6.7-ಇಂಚಿನ ಡಿಸ್ ಪ್ಲೇಯನ್ನು ಹೊಂದಿದೆ. ರೆನೋ 11 ಪ್ರೊ 120Hz ರಿಫ್ರೆಶ್ ದರ ಮತ್ತು 240Hz ಟಚ್ ಸ್ಯಾಂಪ್ಲಿಂಗ್ ದರದೊಂದಿಗೆ 6.74-ಇಂಚಿನ FHD+ ಡಿಸ್ ಪ್ಲೇಯೊಂದಿಗೆ ಬರುತ್ತದೆ.
ಪ್ರೊಸೆಸರ್ : ರೆನೋ 11 ಮೀಡಿಯಾಟೆಕ್ ಡೈಮೆನ್ಸಿಟಿ 8200 SoC ನಿಂದ ಚಾಲಿತವಾಗುತ್ತದೆ. ಅಂತೆಯೆ ರೆನೋ 11 ಪ್ರೊನಲ್ಲಿ ಸ್ನಾಪ್ಡ್ರಾಗನ್ 8+ Gen 1 SoC ಅನ್ನು Adreno GPU ನೊಂದಿಗೆ ಜೋಡಿಸಲಾಗಿದೆ.
RAM/ಸಂಗ್ರಹಣೆ : ರೆನೋ 11 ಅನ್ನು 8GB/256GB, 12GB/256GB, ಮತ್ತು 12GB/512GB ಸಂಗ್ರಹಣೆಯಲ್ಲಿ ನೀಡಲಾಗುತ್ತದೆ. ರೆನೋ 11 ಪ್ರೊ ಕೇವಲ ಎರಡು ರೂಪಾಂತರಗಳಲ್ಲಿ ಬರಲಿದೆ: 12GB/256GB, ಮತ್ತು 12GB/512GB ಸಂಗ್ರಹಣೆ.
OS : ರೆನೋ 11 ಸರಣಿಯು ಆಂಡ್ರಾಯ್ಡ್ 14 OS ನಲ್ಲಿ ಕಾರ್ಯನಿರ್ವಹಿಸುತ್ತದೆ.
ಕ್ಯಾಮೆರಾ : ರೆನೋ 11 ಸ್ಮಾರ್ಟ್ಫೋನ್ 50MP ಪ್ರಾಥಮಿಕ ಕ್ಯಾಮೆರಾ, 32MP ಸೆಕೆಂಡರಿ ಲೆನ್ಸ್ ಮತ್ತು 8MP ಮೂರನೇ ಸಂವೇದಕದೊಂದಿಗೆ ಬರುತ್ತದೆ. ಮುಂಭಾಗದಲ್ಲಿ 32MP ಸೆಲ್ಫಿ ಕ್ಯಾಮೆರಾ ನೀಡಲಾಗಿದೆ. ರೆನೋ 11 ಪ್ರೊನಲ್ಲಿ 50MP ಪ್ರಾಥಮಿಕ ಕ್ಯಾಮೆರಾದೊಂದಿಗೆ f/1.8 ಅಪರ್ಚರ್, OIS, 32MP ಪೋರ್ಟ್ರೇಟ್ ಸೆನ್ಸಾರ್ ಮತ್ತು 2x ಹೈಬ್ರಿಡ್ ಜೂಮ್ ಮತ್ತು 20x ಡಿಜಿಟಲ್ ನೊಂದಿಗೆ 8MP ಮೂರನೇ ಕ್ಯಾಮೆರಾ ನೀಡಲಾಗಿದೆ. 32MP ಸೆಲ್ಫಿ ಕ್ಯಾಮೆರಾ ಕೂಡ ಇದೆ.
ಬ್ಯಾಟರಿ : ರೆನೋ 11 5G 67W ವೇಗದ ಚಾರ್ಜಿಂಗ್ನೊಂದಿಗೆ 4,800mAh ಬ್ಯಾಟರಿಯನ್ನು ಪ್ಯಾಕ್ ಮಾಡುತ್ತದೆ, ಆದರೆ ಪ್ರೊ ಆವೃತ್ತಿಯು 4,700mAh ಬ್ಯಾಟರಿ ಮತ್ತು 80W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ.
ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ
