OnePlus TV: ಒನ್​ಪ್ಲಸ್​ನಿಂದ ಸ್ಮಾರ್ಟ್ 4K ಟಿವಿ U1S ಬಿಡುಗಡೆ; ಬೆಲೆ, ವೈಶಿಷ್ಟ್ಯ ಮತ್ತಿತರ ಮಾಹಿತಿ ಇಲ್ಲಿದೆ

OnePlus TV: ಒನ್​ಪ್ಲಸ್​ನಿಂದ ಸ್ಮಾರ್ಟ್ 4K ಟಿವಿ U1S ಬಿಡುಗಡೆ; ಬೆಲೆ, ವೈಶಿಷ್ಟ್ಯ ಮತ್ತಿತರ ಮಾಹಿತಿ ಇಲ್ಲಿದೆ
ಒನ್​ಪ್ಲಸ್ 4K ಟಿವಿ

ಒನ್​ಪ್ಲಸ್​ನಿಂದ ಹೊಸ ಸ್ಮಾರ್ಟ್​ ಟೀವಿ ಬಿಡುಗಡೆ ಮಾಡಲಾಗಿದ್ದು, ಒನ್​ಪ್ಲಸ್ ಟಿವಿ U1S ಎಂದು ಇದಕ್ಕೆ ಹೆಸರಿಡಲಾಗಿದೆ. 50 ಇಂಚಿನ ಟೀವಿಯ ಬೆಲೆ ರೂ. 39,999, ಇನ್ನು 55 ಇಂಚಿನ ಟೀವಿ ರೂ. 47,999 ಹಾಗೂ 65 ಇಂಚಿನದ್ದಕ್ಕೆ 62,999 ರೂಪಾಯಿ ಆಗುತ್ತದೆ.

TV9kannada Web Team

| Edited By: Srinivas Mata

Jun 10, 2021 | 9:52 PM

ಒನ್​ಪ್ಲಸ್​ನಿಂದ ಹೊಸ ಸ್ಮಾರ್ಟ್​ ಟೀವಿ ಬಿಡುಗಡೆ ಮಾಡಲಾಗಿದ್ದು, ಒನ್​ಪ್ಲಸ್ ಟಿವಿ U1S ಎಂದು ಇದಕ್ಕೆ ಹೆಸರಿಡಲಾಗಿದೆ. ಹೊಸ 4K ಸ್ಮಾರ್ಟ್ ಟೀವಿ ಸಿರೀಸ್ ಅನ್ನು ಮೂರು ಅಳತೆಯಲ್ಲಿ, 50 ಇಂಚು, 55 ಇಂಚು ಹಾಗೂ 65 ಇಂಚುಗಳಲ್ಲಿ ಲಭ್ಯವಿದೆ. ಒನ್​ಪ್ಲಸ್ U1S 50 ಇಂಚಿನ ಟೀವಿಯ ಬೆಲೆ ರೂ. 39,999, ಇನ್ನು 55 ಇಂಚಿನ ಟೀವಿ ರೂ. 47,999 ಹಾಗೂ 65 ಇಂಚಿನದ್ದಕ್ಕೆ 62,999 ರೂಪಾಯಿ ಆಗುತ್ತದೆ. ಅಮೆಜಾನ್ ಪ್ರೈಮ್, ಫ್ಲಿಪ್​ಕಾರ್ಟ್ ಪ್ಲಸ್ ಮತ್ತು ಆರ್​ಸಿಸಿ ಸದಸ್ಯರು ಈ ಹೊಸ ಟೀವಿಯನ್ನು ಜೂನ್ 10, 2021ರ ರಾತ್ರಿ 9 ಗಂಟೆಯಿಂದ ಖರೀದಿ ಮಾಡಬಹುದು.

ಒನ್​ಪ್ಲಸ್ ಟಿವಿಗೆ ವಾಯ್ಸ್-ಕಂಟ್ರೋಲ್ ಆಯ್ಕೆ ಬರುತ್ತದೆ. ಧ್ವನಿ ಕಮ್ಯಾಂಡ್ ಮೂಲಕವೇ ಬಳಕೆದಾರರು ಟಿವಿಯ ಇಂಟರ್​ಫೇಸ್ ನೇವಿಗೇಟ್ ಮಾಡಬಹುದು. ವೇರಬಲ್​ ಸಾಧನಗಳಿಂದಲೂ ಟೀವಿಯನ್ನು ನಿಯಂತ್ರಿಸಬಹುದು. 4K ಡಿಸ್​ಪ್ಲೇ ಪ್ಯಾನೆಲ್​ಗೆ ಗಾಮಾ ಎಂಜಿನ್ ಆಪ್ಟಿಮೈಸೇಷನ್ ಬರುತ್ತದೆ. ಆ ಮೂಲಕ ಕಡಿಮೆ ರೆಸಲ್ಯೂಷನ್​ನಲ್ಲೂ ಉತ್ತಮ ವಿಶ್ಯುಯಲ್ಸ್​ ಬರುತ್ತದೆ. ಈ ಟೀವಿಯಲ್ಲಿ ಕ್ಯಾಮೆರಾ ಬರಲಿದ್ದು, ವಿಡಿಯೋ ಕಾಲ್ ಮಾಡಬಹುದು.

ಈ ಟೀವಿಯಲ್ಲಿ 30W ಸ್ಪೀಕರ್​ಗಳು ಬರುತ್ತವೆ. ಕಂಪೆನಿಯು ಡೈನಾ ಆಡಿಯೋ ಕ್ಯಾಲಿಬರೇಟೆಡ್ ಸ್ಪೀಕರ್​ಗಳೊಂದಿಗೆ ಬಂದಿದೆ. ಇದರ ಜತೆಗೆ ಡಾಲ್ಬಿ ಅಟ್ಮೋಸ್ ಸರೌಂಡ್ ಸೌಂಡ್ ಅನುಭವ ಕೊಡುತ್ತದೆ. ಟಿವಿಯು HDR10+ ಸರ್ಟಿಫೈಡ್ ಆಗಿದೆ. ಇನ್ನು ಸ್ಪೀಕ್ ನೌ ಎಂಬ ವೈಶಿಷ್ಟ್ಯ ಈ ಟೀವಿಯಲ್ಲಿ ಇದ್ದು, ಇದರ ಮೂಲಕ ಗೂಗಲ್ ವಾಯ್ಸ್ ಅಸಿಸ್ಟೆಂಟ್​ಗೆ ಯಾವುದೇ ಬಟನ್​ ಒತ್ತದೆ ಸಂಪರ್ಕ ಪಡೆಯಬಹುದು. ಇನ್ನು ಕಿಡ್ಸ್ ಮೋಡ್ (ಮಕ್ಕಳಿಗಾಗಿ ಇರುವಂಥದ್ದು) ಎಂಬುದಿದ್ದು, ಕೆಲವು ವೀಕ್ಷಣೆ ಸೆಷನ್​ಗಳಿಗೆ ಸಮಯದ ಮಿತಿಯನ್ನು ನಿಗದಿ ಮಾಡುತ್ತದೆ. ಬಳಕೆದಾರರು ಸಮಯ ಮತ್ತು ಡೇಟಾ ಮಿತಿಯನ್ನು ತಮ್ಮ ಅಗತ್ಯಕ್ಕೆ ತಕ್ಕಂತೆ ನಿಗದಿ ಮಾಡಬಹುದು.

ಇದನ್ನೂ ಓದಿ: OnePlus 9, OnePlus 9R: ಭಾರತಕ್ಕೆ ಬಂತು ಒನ್​ಪ್ಲಸ್ 9, ಒನ್​ಪ್ಲಸ್ 9R; ಫೋನ್ ಬಗ್ಗೆ ಇಲ್ಲಿದೆ ಫುಲ್ ಡೀಟೇಲ್ಸ್

(OnePlus 4K TV U1S launch in India on June 10, 2021. Here is the price and other details)

Follow us on

Related Stories

Most Read Stories

Click on your DTH Provider to Add TV9 Kannada