ವರ್ಷದ ಮೊದಲ ಬಜೆಟ್ 5G ಫೋನ್ ಇಂದು ಬಿಡುಗಡೆ: ಯಾವುದು?, ಬೆಲೆ ಎಷ್ಟು ನೋಡಿ

ಈ ವರ್ಷದ 2025 ರ ಮೊದಲ ಬಜೆಟ್ 5G ಸ್ಮಾರ್ಟ್​ಫೋನ್ ರೆಡ್ಮಿ 14C ಅನ್ನು ಶವೋಮಿ ಬಿಡುಗಡೆ ಮಾಡುತ್ತಿದೆ. ಇದು ಭಾರತದಲ್ಲಿ ಪ್ರವೇಶ ಮಟ್ಟದಲ್ಲಿ ಬಿಡುಗಡೆ ಆಗುತ್ತಿರುವ ಈ ವರ್ಷದ ಮೊದಲ 5G ಸ್ಮಾರ್ಟ್‌ಫೋನ್ ಆಗಿದೆ. ಈ ಫೋನ್ ಭಾರತದಲ್ಲಿ ಇಂದು (6 ಜನವರಿ 2025) ಮಧ್ಯಾಹ್ನ 12 ಗಂಟೆಗೆ ಬಿಡುಗಡೆಯಾಗಲಿದೆ. ಈ ಫೋನ್‌ನ ವೈಶಿಷ್ಟ್ಯಗಳು ಅಮೆಜಾನ್​ನಲ್ಲಿ ಸೋರಿಕೆಯಾಗಿದೆ. ರೆಡ್ಮಿ 14C ಸ್ಮಾರ್ಟ್‌ಫೋನ್‌ನಲ್ಲಿ ಸ್ನಾಪ್​ಡ್ರಾಗನ್ 4 Gen 2 ಚಿಪ್‌ಸೆಟ್​​​ನೊಂದಿಗೆ ಬರಲಿದೆ. ಈ ಫೋನ್ ದೊಡ್ಡದಾದ 5160mAh ದೊಡ್ಡ ಬ್ಯಾಟರಿಯೊಂದಿಗೆ ಬರುತ್ತದೆ.

ಮೂರು ಬಣ್ಣ ಆಯ್ಕೆಗಳಲ್ಲಿ ಬರಲಿದೆ:

ರೆಡ್ಮಿ 14C ಸ್ಮಾರ್ಟ್‌ಫೋನ್ ಆಕರ್ಷಕವಾದ ವಿನ್ಯಾಸದಲ್ಲಿ ಬರಲಿದೆ ಎಂದು ಅಮೆಜಾನ್ ಮೈಕ್ರೋ ಸೈಟ್ ಬಹಿರಂಗಪಡಿಸಿದೆ. ವೃತ್ತಾಕಾರದ ಲೈಟ್ ಕ್ಯಾಮೆರಾ ವೈಶಿಷ್ಟ್ಯವನ್ನು ಫೋನ್‌ನಲ್ಲಿ ಒದಗಿಸಲಾಗಿದೆ. ಜೊತೆಗೆ ಡ್ಯುಯಲ್ ಕ್ಯಾಮೆರಾ ಸೆಟಪ್ ಇದರಲ್ಲಿದೆ. ಮೂರು ಬಣ್ಣ ಆಯ್ಕೆಗಳಲ್ಲಿ ಬರಲಿದೆ: ಸ್ಟಾರ್‌ಲೈಟ್ ಬ್ಲೂ, ಸ್ಟಾರ್‌ಲೈಟ್ ಪರ್ಪಲ್ ಮತ್ತು ಸ್ಟಾರ್‌ಗೇಜ್ ಕಪ್ಪು ಬಣ್ಣ. ಈ ಫೋನ್ IP52 ರೇಟಿಂಗ್​ನೊಂದಿಗೆ ಬರುತ್ತದೆ.

ರೆಡ್ಮಿ 14C ಫೋನಿನ ವೈಶಿಷ್ಟಗಳು:

ಈ ಫೋನ್ 6.88 ಇಂಚಿನ ಡಿಸ್​ಪ್ಲೇಯನ್ನು ಹೊಂದಿದೆ. 120Hz ರಿಫ್ರೆಶ್ ರೇಟ್ ಬೆಂಬಲದೊಂದಿಗೆ ಬರುತ್ತದೆ. ಅತಿ ಕಡಿಮೆ ಬೆಲೆಗೆ ಲಭ್ಯವಿರುವ ಕೆಲವೇ ಕೆಲವು ಫೋನುಗಳ ಪೈಕಿ ದೊಡ್ಡ ಡಿಸ್​ಪ್ಲೇಯನ್ನು ಹೊಂದಿರುವ ಫೋನ್ ಇದಾಗಿದೆ. ರೆಡ್ಮಿ 14C ಸ್ಮಾರ್ಟ್‌ಫೋನ್‌ನಲ್ಲಿ ಸ್ನಾಪ್​ಡ್ರಾಗನ್ 4 Gen 2 ಚಿಪ್‌ಸೆಟ್ ಅನ್ನು ಒದಗಿಸಲಾಗಿದೆ. ಆಂಡ್ರಾಯ್ಡ್ 14 ಆಧಾರಿತ HyperOS ಆಪರೇಟಿಂಗ್ ಸಿಸ್ಟಮ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಈ ಫೋನ್‌ನಲ್ಲಿ 4nm ಪ್ರಕ್ರಿಯೆ ಚಿಪ್‌ಸೆಟ್ ಅನ್ನು ಒದಗಿಸಲಾಗಿದೆ.

ರೆಡ್ಮಿ 14C ಬ್ಯಾಟರಿ ಮತ್ತು ಚಾರ್ಜರ್:

ಈ ಫೋನ್ ದೊಡ್ಡದಾದ 5160mAh ಬ್ಯಾಟರಿಯೊಂದಿಗೆ 18W ಚಾರ್ಜಿಂಗ್ ಬೆಂಬಲವನ್ನು ಹೊಂದಿರುತ್ತದೆ. ಇದು ಡ್ಯುಯಲ್ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದೆ. ಅಲ್ಲದೆ, ಕ್ಯಾಮೆರಾಕ್ಕಾಗಿ ಫೋನ್‌ನಲ್ಲಿ 50 ಮೆಗಾಪಿಕ್ಸೆಲ್ ಮುಖ್ಯ ಕ್ಯಾಮೆರಾವನ್ನು ಒದಗಿಸಲಾಗಿದೆ. ಈ ಫೋನ್‌ನಲ್ಲಿ ಕೆಲವು AI ವೈಶಿಷ್ಟ್ಯಗಳನ್ನು ನೀಡಲಾಗಿದೆ. ರೆಡ್ಮಿ 14C 5G ವಿನ್ಯಾಸ ಮತ್ತು ಸೋರಿಕೆಯಾದ ವಿವರಗಳು ರೆಡ್ಮಿ 14R 5G ಯ ​​ಮರುಬ್ಯಾಡ್ಜ್ ಆವೃತ್ತಿಯಾಗಿರಬಹುದು ಎಂದು ಹೇಳಲಾಗಿದೆ. ಇದನ್ನು ಸೆಪ್ಟೆಂಬರ್ 2024 ರಲ್ಲಿ ಚೀನಾದಲ್ಲಿ ಅನಾವರಣಗೊಳಿಸಲಾಗಿತ್ತು.

ಇದನ್ನೂ ಓದಿ:

ರೆಡ್ಮಿ 14C ಬೆಲೆ:

ಈ ಫೋನ್‌ನ 4GB RAM ಮತ್ತು 128GB ಸ್ಟೋರೇಜ್ ರೂಪಾಂತರದ ಬೆಲೆ ರೂ. 13,999 ಆಗಿರಬಹುದು. ಇದು ವಿಶೇಷ ಲಾಂಚ್ ಆಫರ್‌ನಲ್ಲಿ, ನೀವು ಫೋನ್ ಅನ್ನು ರೂ. 10,999 ಅಥವಾ ರೂ. 11,999 ಕ್ಕೆ ಖರೀದಿಸಲು ಸಾಧ್ಯವಾಗುತ್ತದೆ.

ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್  ಮಾಡಿ