ಭಾರತದಲ್ಲಿ ದಾಖಲೆಯ ಮಾರಾಟ ಕಂಡ ಸ್ಮಾರ್ಟ್‌ಫೋನ್ಸ್: ಯಾವ ಬ್ರಾಂಡ್ಗೆ ನಂಬರ್ ಒನ್ ಸ್ಥಾನ ಗೊತ್ತಾ?
ಕೌಂಟರ್‌ಪಾಯಿಂಟ್‌ನ ವರದಿಯ ಪ್ರಕಾರ, ಜನರು ಈಗ ದುಬಾರಿ ಫೋನ್‌ಗಳನ್ನು ಖರೀದಿಸುತ್ತಿರುವುದು ಸ್ಮಾರ್ಟ್‌ಫೋನ್ ಬೆಲೆ ಏರಿಕೆಗೆ ಕಾರಣವಾಗಿದೆ. ಅದೇ ಸಮಯದಲ್ಲಿ, ಈ ವರ್ಷ ಜನರು ಹಬ್ಬದ ಸೀಸನ್‌ನಲ್ಲಿ ಸಾಕಷ್ಟು ಫೋನ್‌ಗಳನ್ನು ಖರೀದಿಸಿರುವುದು ಮಾರಾಟದ ಹೆಚ್ಚಳಕ್ಕೆ ಕಾರಣವಂತೆ.
ಸ್ಮಾರ್ಟ್‌ಫೋನ್ ಇಂದು ಬಹುತೇಕ ಎಲ್ಲರೂ ಬಳಸುವ ಸಾಧನವಾಗಿದೆ. ಜನರು ಇತ್ತೀಚಿನ ಹೊಸ ಹೊಸ ವೈಶಿಷ್ಟ್ಯಗಳೊಂದಿಗೆ ಬರುವ ನೂತನ ಫೋನ್‌ಗಳನ್ನು ಖರೀದಿಸಲು ಇಷ್ಟಪಡುತ್ತಾರೆ. ಈ ವರ್ಷದ ಮೂರನೇ ತ್ರೈಮಾಸಿಕದಲ್ಲಿ (ಜುಲೈನಿಂದ ಸೆಪ್ಟೆಂಬರ್ 2024) ಭಾರತದಲ್ಲಿ ಸ್ಮಾರ್ಟ್‌ಫೋನ್ ಮಾರಾಟದಲ್ಲಿ ಶೇ. 3 ವಾರ್ಷಿಕ ಬೆಳವಣಿಗೆ ಕಂಡುಬಂದಿದೆ. ಅಲ್ಲದೆ, ಅವುಗಳ ಬೆಲೆಗಳಲ್ಲಿ ವಾರ್ಷಿಕ ಶೇ. 12 ಹೆಚ್ಚಳ ಆಗಿದೆ. ಇದು ಯಾವುದೇ ತ್ರೈಮಾಸಿಕದಲ್ಲಿ ಇದುವರೆಗಿನ ಅತ್ಯಧಿಕವಾಗಿದೆ. ಈ ತ್ರೈಮಾಸಿಕದಲ್ಲಿ, 5G ಫೋನ್‌ಗಳು ಪ್ರಾಬಲ್ಯ ಹೊಂದಿವೆ ಮತ್ತು ಅವುಗಳ ಮಾರಾಟ ಕೂಡ ಅತ್ಯಧಿಕವಾಗಿದೆ.
ಕೌಂಟರ್‌ಪಾಯಿಂಟ್‌ನ ವರದಿಯ ಪ್ರಕಾರ, ಜನರು ಈಗ ದುಬಾರಿ ಫೋನ್‌ಗಳನ್ನು ಖರೀದಿಸುತ್ತಿರುವುದು ಸ್ಮಾರ್ಟ್‌ಫೋನ್ ಬೆಲೆ ಏರಿಕೆಗೆ ಕಾರಣವಾಗಿದೆ. ಅದೇ ಸಮಯದಲ್ಲಿ, ಈ ವರ್ಷ ಜನರು ಹಬ್ಬದ ಸೀಸನ್‌ನಲ್ಲಿ ಸಾಕಷ್ಟು ಫೋನ್‌ಗಳನ್ನು ಖರೀದಿಸಿರುವುದು ಮಾರಾಟದ ಹೆಚ್ಚಳಕ್ಕೆ ಕಾರಣವಂತೆ.
ನಂಬರ್ ಒನ್ ಕಂಪನಿ ಯಾವುದು?:
ಸ್ಯಾಮ್‌ಸಂಗ್ ಭಾರತೀಯ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಬಲವಾದ ಹಿಡಿತ ಸಾಧಿಸಿದೆ. 2024 ರ ಮೂರನೇ ತ್ರೈಮಾಸಿಕದಲ್ಲಿ ಅತಿ ಹೆಚ್ಚು ಫೋನುಗಳನ್ನು ಮಾರಾಟ ಮಾಡಿದ ಬ್ರ್ಯಾಂಡ್ ಆಗಿದೆ. ಇದರ ಮಾರುಕಟ್ಟೆ ಪಾಲು ಶೇ. 22.8 ಆಗಿದೆ. ಕೌಂಟರ್‌ಪಾಯಿಂಟ್‌ನ ಹಿರಿಯ ವಿಶ್ಲೇಷಕರಾದ ಪ್ರಾಚಿರ್ ಸಿಂಗ್, “ಸ್ಯಾಮ್ಸಂಗ್ನ ಮಾರುಕಟ್ಟೆ ಪಾಲು ಶೇ. 23 ಆಗಿದೆ, ಇದು ಅತ್ಯಧಿಕವಾಗಿದೆ. ಕಂಪನಿಯು ತನ್ನ ಪ್ರಮುಖ ಗ್ಯಾಲಕ್ಸಿ S ಸರಣಿಯ ಮೇಲೆ ಕೇಂದ್ರೀಕರಿಸುತ್ತಿದೆ ಮತ್ತು ಕಡಿಮೆ ಬೆಲೆಯ ಫೋನ್‌ಗಳನ್ನು ಉತ್ತಮಗೊಳಿಸುತ್ತಿದೆ. ಮುಖ್ಯವಾಗಿ ಮಧ್ಯಮ ಬೆಲೆಗೆ ಒಳ್ಳೆಯ ಫೋನ್ ತರುತ್ತಿದೆ. ಗ್ಯಾಲಕ್ಸಿ A-ಸರಣಿ ಫೋನ್‌ಗಳಲ್ಲಿ AI ವೈಶಿಷ್ಟ್ಯಗಳನ್ನು ಸಹ ನೀಡುತ್ತಿದೆ, ಇದು ದುಬಾರಿ ಫೋನ್‌ಗಳನ್ನು ಖರೀದಿಸಲು ಜನರನ್ನು ಪ್ರೇರೇಪಿಸುತ್ತಿದೆ” ಎಂದರು.
ಇದನ್ನೂ ಓದಿ: ಈಗ ನೀವು ಹೆಲಿಕಾಪ್ಟರ್ ಕೂಡ ಖರೀದಿಸಬಹುದು: ಬೆಲೆ ತಿಳಿದರೆ ಎಷ್ಟೊಂದು ಕಡಿಮೆ ಎನ್ನುತ್ತೀರಿ
ಆಪಲ್ ಎರಡನೇ ಸ್ಥಾನ:
2024 ರ ಮೂರನೇ ತ್ರೈಮಾಸಿಕದಲ್ಲಿ ಅತಿ ಹೆಚ್ಚು ಫೋನುಗಳನ್ನು ಮಾರಾಟ ಮಾಡಿದ ಬ್ರ್ಯಾಂಡ್ನಲ್ಲಿ ಆಪಲ್ ಎರಡನೇ ಸ್ಥಾನದಲ್ಲಿದೆ. ಇದರ ಮಾರುಕಟ್ಟೆ ಪಾಲು ಶೇ. 22 ಆಗಿದೆ. ಆಪಲ್ ಕೂಡ ಸಣ್ಣ ಪಟ್ಟಣಗಳತ್ತ ಹೆಚ್ಚಿನ ಗಮನ ಹರಿಸುತ್ತಿದೆ, ಇದರಿಂದಾಗಿ ಹೊಸ ಐಫೋನ್‌ಗಳ ಮಾರಾಟವು ಹೆಚ್ಚುತ್ತಿದೆ. ಹಬ್ಬದ ಸೀಸನ್‌ಗೆ ಮುಂಚಿತವಾಗಿ ಐಫೋನ್ 15 ಮತ್ತು ಐಫೋನ್ 16 ರ ಉತ್ತಮ ಮಾರಾಟದಿಂದ ಆಪಲ್ ಲಾಭ ಪಡೆದಿದೆ. ವರದಿಯ ಪ್ರಕಾರ, ಜನರು ಈಗ ದುಬಾರಿ ಫೋನ್‌ಗಳನ್ನು ಖರೀದಿಸುತ್ತಿದ್ದಾರೆ ಮತ್ತು ಭಾರತದಲ್ಲಿ ದುಬಾರಿ ಫೋನ್‌ಗಳನ್ನು ಖರೀದಿಸುವವರಿಗೆ ಆಪಲ್ ಮೊದಲ ಆಯ್ಕೆಯಾಗಿದೆ. ಇದಕ್ಕೆ ಕಾರಣ ಆಪಲ್ನ ಬ್ರ್ಯಾಂಡ್ ಇಮೇಜ್.
ಮೌಲ್ಯದ ಷೇರಿನ ವಿಷಯದಲ್ಲಿ, ಒಪ್ಪೋ ಮತ್ತು ಶವೋಮಿ, ವಿವೋ ಹಿಂದೆ ಬಿದ್ದಿದ್ದು ಮೂರನೇ, ನಾಲ್ಕನೇ ಮತ್ತು ಐದನೇ ಸ್ಥಾನದಲ್ಲಿದೆ. ಇನ್ನು 10,000 ಮತ್ತು 15,000 ನಡುವಿನ ಫೋನ್‌ಗಳಲ್ಲಿ 5G ಲಭ್ಯ ಇರುವುದರಿಂದ ಇದರ ಮಾರಾಟವು ಶೇ. 93 ರಷ್ಟು ತಲುಪಿದೆ. ಇಂದು ಕಂಪನಿಗಳು ಅಗ್ಗದ ಫೋನ್‌ಗಳಲ್ಲಿ 5G ಸಂಪರ್ಕ ನೀಡುತ್ತಿರುವುದು ಇದಕ್ಕೆ ಕಾರಣ.
ಮತ್ತಷ್ಟು ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
