Tech Tips: ಇನ್​ಸ್ಟಾಗ್ರಾಮ್​ನಲ್ಲಿ ವೈರಲ್ ಆಗಲು ದಿನಕ್ಕೆ ಎಷ್ಟು ರೀಲ್ಸ್ ಹಾಕಬೇಕು?: ತಜ್ಞರ ಟಿಪ್ಸ್ ಇಲ್ಲಿದೆ

ಇನ್​ಸ್ಟಾಗ್ರಾಮ್​ನಲ್ಲಿ (Instagram) ಹಂಚಿಕೊಳ್ಳುವ ವಿಡಿಯೋ ವೈರಲ್ ಆಗಬೇಕೆಂದು ಪ್ರತಿಯೊಬ್ಬರು ಬಯಸುತ್ತಾರೆ. ಆದರೆ, ಇದಕ್ಕಾಗಿ ಸಾಧ್ಯವಿರುವ ಎಲ್ಲ ವಿಧಾನವನ್ನು ಪ್ರಯತ್ನಿಸಿದ ನಂತರವೂ ನೀವು ವಿಫಲವಾದರೆ ಈ ಮಾಹಿತಿಯು ನಿಮಗೆ ಉಪಯುಕ್ತವಾಗಿರುತ್ತದೆ. ಇನ್‌ಸ್ಟಾಗ್ರಾಮ್‌ನಲ್ಲಿ ಕೇವಲ ರೀಲ್‌ಗಳನ್ನು ಪೋಸ್ಟ್ ಮಾಡಿದರೆ ಸಾಕಾಗುವುದಿಲ್ಲ, ನೀವು ಇತರ ಹಲವು ವಿಷಯಗಳನ್ನು ಮನಸ್ಸಿನಲ್ಲಿಟ್ಟುಕೊಳ್ಳಬೇಕು. ಇನ್​ಸ್ಟಾಗ್ರಾಮ್​ನಲ್ಲಿ ವೈರಲ್ ಆಗಲು ಯಾವ ವಿಷಯಗಳನ್ನು ಮನಸ್ಸಿನಲ್ಲಿಟ್ಟುಕೊಳ್ಳಬೇಕು ಎಂಬುದನ್ನು ಇಲ್ಲಿ ತಜ್ಞರಿಂದ ತಿಳಿಯಿರಿ.

ಒಂದು ದಿನದಲ್ಲಿ ನೀವು ಎಷ್ಟು ರೀಲ್‌ಗಳನ್ನು ಪೋಸ್ಟ್ ಮಾಡಬೇಕು, ಯಾವ ಹ್ಯಾಶ್‌ಟ್ಯಾಗ್‌ಗಳು ಮತ್ತು ರೀಲ್‌ಗಳಲ್ಲಿ ಯಾವ ಶೀರ್ಷಿಕೆಯನ್ನು ಬಳಸಬೇಕು ಎಂಬುದರ ಕುರಿತು ತಜ್ಞರ ಅಭಿಪ್ರಾಯ ಇಲ್ಲಿದೆ.

ಬೇಸಿಗೆ ಅಥವಾ ಚಳಿಗಾಲವಿರಲಿ, ಈ ಹಾಟ್-ಕೋಲ್ಡ್ ಎಸಿ ಜನರ ಮೊದಲ ಆಯ್ಕೆ: ಬೆಲೆ ಕೂಡ ಕಡಿಮೆ

ಇನ್​ಸ್ಟಾಗ್ರಾಮ್​ ಫಾಲೋವರ್ಸ್:

ಇನ್​ಸ್ಟಾಗ್ರಾಮ್​ನಲ್ಲಿ ಯಾರಾದರೂ ನಿಮ್ಮನ್ನು ಏಕೆ ಅನುಸರಿಸುತ್ತಾರೆ ಎಂಬುದನ್ನು ಅರ್ಥಮಾಡಿಕೊಳ್ಳುವುದು ಮುಖ್ಯ. ನಿಮ್ಮ ಸ್ನೇಹಿತರು ಮತ್ತು ಕುಟುಂಬವನ್ನು ಹೊರತುಪಡಿಸಿ ಅಪರಿಚಿತ ಬಳಕೆದಾರರನ್ನು ನಿಮ್ಮನ್ನು ಅನುಸರಿಸಲು ಏನು ಮಾಡಬೇಕು ಎಂಬುದನ್ನು ತಿಳಿದುಕೊಳ್ಳಿ. ಜನರು ಅನೇಕ ಕಾರಣಗಳಿಗಾಗಿ ನಿಮ್ಮನ್ನು ಫಾಲೋ ಮಾಡುತ್ತಾರೆ. ಕೆಲವರು ನಿಮ್ಮ ದೈನಂದಿನ ಚಟುವಟಿಕೆಗಳನ್ನು ನೋಡಲು ಇಷ್ಟಪಡುತ್ತಾರೆ. ಇನ್ನು ಕೆಲವರು ಉತ್ತಮ ಮಾಹಿತಿಗಾಗಿ ಅಥವಾ ಜನರಿಗೆ ಮನರಂಜನೆ ನೀಡಬೇಕು.

ಇನ್​ಸ್ಟಾಗ್ರಾಮ್​ನಲ್ಲಿ ವೈರಲ್ ಆಗಲು ಏನು ಮಾಡಬೇಕು?:

ಇನ್​ಸ್ಟಾಗ್ರಾಮ್​ನಲ್ಲಿ ವೈರಲ್ ಆಗಲು, ನೀವು ನೆನಪಿನಲ್ಲಿಟ್ಟುಕೊಳ್ಳಬೇಕಾದ ಮೊದಲ ವಿಷಯವೆಂದರೆ ಸ್ಥಿರವಾಗಿ ಪೋಸ್ಟ್ ಮಾಡುವುದು ಬಹಳ ಮುಖ್ಯ. ಅನೇಕ ಜನರು ಒಂದು ದಿನ ರೀಲ್ ಅನ್ನು ಪೋಸ್ಟ್ ಮಾಡುತ್ತಾರೆ. ನಂತರ ತಿಂಗಳುಗಳವರೆಗೆ ಯಾವುದೇ ಪೋಸ್ಟ್ ಮಾಡುವುದಿಲ್ಲ. ಈ ಕಾರಣದಿಂದಾಗಿ ಫಾಲೋವರ್ಸ್ ಬರುವುದಿಲ್ಲ ಮತ್ತು ಇರುವವರನ್ನು ಕಳೆದುಕೊಳ್ಳುತ್ತಾರೆ. ರೀಲ್‌ಗಳಲ್ಲಿ ಸಂಬಂಧಿತ ಹ್ಯಾಶ್‌ಟ್ಯಾಗ್‌ಗಳು ಮತ್ತು ಶೀರ್ಷಿಕೆಗಳನ್ನು ಬಳಸುವುದು ಬಹಳ ಮುಖ್ಯ. ಇದಲ್ಲದೆ, ನಿಮ್ಮ ಪೋಸ್ಟ್ ಮಾಡುವ ಸಮಯವು ಮುಖ್ಯವಾಗಿದೆ.

ಟೆಲಿಕಾಂ ಕಂಪನಿಗಳಿಗೆ ಬಿಗ್ ಶಾಕ್ ನೀಡಿದ ಟ್ರಾಯ್: ಬರೋಬ್ಬರಿ 110 ಕೋಟಿ ರೂ. ದಂಡ

ಒಂದು ದಿನದಲ್ಲಿ ಎಷ್ಟು ರೀಲ್‌ಗಳನ್ನು ಪೋಸ್ಟ್ ಮಾಡಬೇಕು?:

ಈ ವಿಷಯದ ಕುರಿತು ನಾವು ಸಾಮಾಜಿಕ ಮಾಧ್ಯಮದ ಪ್ರಭಾವಿ ಅಲ್ಕಾಪ್ರಿಯಾ ಶೇಖರ್ ಅವರೊಂದಿಗೆ ಮಾತನಾಡಿದ್ದೇವೆ, ಅವರು ಇನ್​ಸ್ಟಾಗ್ರಾಮ್​ನಲ್ಲಿ 252k ಅನುಯಾಯಿಗಳನ್ನು ಹೊಂದಿದ್ದಾರೆ. ಅಲ್ಕಾಪ್ರಿಯಾ ಪ್ರಕಾರ, ನೀವು ಇನ್​ಸ್ಟಾಗ್ರಾಮ್​ನಲ್ಲಿ ವೈರಲ್ ಆಗಲು ಬಯಸಿದರೆ, ಆರಂಭದಲ್ಲಿ ದಿನಕ್ಕೆ 2 ರಿಂದ 3 ರೀಲ್‌ಗಳನ್ನು ಪೋಸ್ಟ್ ಮಾಡಬೇಕು. ಆದರೆ ನೀವು ಸರಿಯಾದ ಸಮಯದಲ್ಲಿ (ಅನುಯಾಯಿಗಳು ಸಕ್ರಿಯವಾಗಿರುವ ಸಮಯದಲ್ಲಿ) ಆ ರೀಲ್ ಅನ್ನು ಅಪ್‌ಲೋಡ್ ಮಾಡಬೇಕು ಎಂಬುದನ್ನು ನೆನಪಿನಲ್ಲಿಡಿ.

ರೀಲ್‌ಗಳನ್ನು ಪೋಸ್ಟ್ ಮಾಡುವಾಗ, ಅದಕ್ಕೆ ಸಂಬಂಧಿಸಿದ ಶೀರ್ಷಿಕೆಗಳು ಮತ್ತು ಹ್ಯಾಶ್‌ಟ್ಯಾಗ್‌ಗಳನ್ನು ನೆನಪಿನಲ್ಲಿಡಿ. ಎಲ್ಲಿಂದಲಾದರೂ ಹ್ಯಾಶ್‌ಟ್ಯಾಗ್‌ಗಳನ್ನು ನಕಲಿಸಬೇಡಿ. ಅಗತ್ಯವಿರುವಂತೆ ಸಂಬಂಧಿತ ಹ್ಯಾಶ್‌ಟ್ಯಾಗ್‌ಗಳನ್ನು ಮಾತ್ರ ಬಳಸಿ.

ಟ್ರೆಂಡಿಂಗ್ ವಿಷಯದತ್ತ ಗಮನ ಹರಿಸಿ, ಪ್ರತಿ ಬಾರಿಯೂ ಒಂದೇ ವಿಷಯವನ್ನು ಪೋಸ್ಟ್ ಮಾಡುವುದು ಪ್ರೇಕ್ಷಕರಿಗೆ ಬೇಸರ ತರಿಸುತ್ತದೆ. ನಿಮ್ಮ ಬಳಕೆದಾರರ ಯಾವ ವಿಷಯವನ್ನು ಹೆಚ್ಚು ವೀಕ್ಷಿಸುತ್ತಿದ್ದಾರೆ ಎಂಬುದನ್ನು ಅರ್ಥಮಾಡಿಕೊಳ್ಳುವುದು ಮುಖ್ಯವಾಗಿದೆ.

ನೀವು ಪ್ರತಿದಿನ ಪೋಸ್ಟ್ ಮಾಡಿದ ರೀಲ್‌ಗಳ ಸಂಖ್ಯೆಯನ್ನು ನಂತರದಲ್ಲಿ ಹೆಚ್ಚಿಸಬಹುದು. ರೀಲ್‌ಗಳನ್ನು ಪೋಸ್ಟ್ ಮಾಡುವುದಕ್ಕೆ ಯಾವುದೇ ಮಿತಿಯಿಲ್ಲ. ಆದರೆ ಇದರಲ್ಲಿ ಅತ್ಯಂತ ಮುಖ್ಯವಾದ ವಿಷಯವೆಂದರೆ ಸ್ಥಿರತೆ ಇರಬೇಕು.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ