ನೀವು ಬಿಎಸ್​ಎನ್​ಎಲ್​ಗೆ ಪೋರ್ಟ್ ಮಾಡುತ್ತಿದ್ದರೆ ಮೊದಲು FRC ಬಗ್ಗೆ ತಿಳಿಯಿರಿ: ಇಲ್ಲಾಂದ್ರೆ ಸಿಮ್ ಆನ್ ಆಗಲ್ಲ

ಖಾಸಗಿ ಕಂಪನಿಗಳ ದುಬಾರಿ ಯೋಜನೆಗಳಿಂದ ನೀವು ಬೇಸರಗೊಂಡಿದ್ದರೆ, ನಿಮ್ಮ ಸಿಮ್ ಅನ್ನು ಬಿಎಸ್​ಎನ್​ಎಲ್​ಗೆ ಪೋರ್ಟ್ ಮಾಡಬಹುದು. ಅಗ್ಗದ ರೀಚಾರ್ಜ್ ಯೋಜನೆಗಳಿಗಾಗಿ ಕಳೆದ 4 ತಿಂಗಳಲ್ಲಿ ಸುಮಾರು 55 ಲಕ್ಷ ಬಳಕೆದಾರರು BSNL ಗೆ ಸೇರಿದ್ದಾರೆ. ನೀವು ಕೂಡ ನಿಮ್ಮ ಸಂಖ್ಯೆಯನ್ನು ಬಿಎಸ್​ಎನ್​ಎಲ್​ಗೆ ಪೋರ್ಟ್ ಮಾಡಲು ಪ್ಲ್ಯಾನ್ ಹಾಕಿಕೊಂಡಿದ್ದರೆ FRC ಅಂದರೆ ಫಸ್ಟ್ ರೀಚಾರ್ಜ್ ಕೂಪನ್ ಬಗ್ಗೆ ತಿಳಿದಿರಬೇಕು.

ಹೊಸ ಸಂಖ್ಯೆಯನ್ನು ತೆಗೆದುಕೊಂಡಾಗ ಅಥವಾ ನೀವು ಒಂದು ಸಿಮ್ ಅನ್ನು ಮತ್ತೊಂದು ಸಿಮ್​ಗೆ ಪೋರ್ಟ್ ಮಾಡಿದಾಗ, ಮೊದಲು ಮಾಡಬೇಕಾದದ್ದು FRC ರೀಚಾರ್ಜ್ ಆಗಿದೆ. FRC ಗಳು ನಿಮ್ಮ ಸಂಖ್ಯೆಯನ್ನು ಸಕ್ರಿಯಗೊಳಿಸುವ ಯೋಜನೆಗಳಾಗಿವೆ. ಇದನ್ನು ಮಾಡಿದರೆ ಮಾತ್ರ ನಿಮ್ಮ ಸಿಮ್ ಆ್ಯಕ್ಟಿವ್ ಆಗುತ್ತದೆ.

ಮುನ್ನುಗ್ಗುತ್ತಿದೆ ಬಿ ಎಸ್ ​ಎನ್ ​ಎಲ್​:

ಗ್ರಾಹಕರನ್ನು ಸೆಳೆಯಲು ಬಿಎಸ್​ಎನ್​ಎಲ್​ ವೇಗವಾಗಿ ಹೊಸ ಸೇವೆಗಳನ್ನು ಪ್ರಾರಂಭಿಸುತ್ತಿದೆ. ಕಳೆದ ಕೆಲವು ತಿಂಗಳುಗಳಲ್ಲಿ, ಬಿ ಎಸ್ ​ಎನ್ ​ಎಲ್​ ಭಾರತದಾದ್ಯಂತ 4G ಟವರ್‌ಗಳ ಸ್ಥಾಪನೆಯ ಕೆಲಸವನ್ನು ವೇಗಗೊಳಿಸಿದೆ. ಇಷ್ಟೇ ಅಲ್ಲ, ಕಂಪನಿಯು ಗ್ರಾಹಕರಿಗೆ ಕಡಿಮೆ ಬೆಲೆಯಲ್ಲಿ ದೀರ್ಘಾವಧಿಯ ಪ್ಲಾನ್‌ಗಳನ್ನು ನೀಡುತ್ತಿದೆ. ಅಂತಹ ಪರಿಸ್ಥಿತಿಯಲ್ಲಿ, ನೀವು ನಿಮ್ಮ ಸಂಖ್ಯೆಯನ್ನು BSNL ಗೆ ಪೋರ್ಟ್ ಮಾಡಿದರೆ ನೀವು ದುಬಾರಿ ರೀಚಾರ್ಜ್ ಯೋಜನೆಗಳ ಟೆನ್ಶನ್​ನಿಂದ ಮುಕ್ತರಾಗಬಹುದು. ಬಿಎಸ್​ಎನ್​ಎಲ್​ನ FRC ಯೋಜನೆಗಳ ಬಗ್ಗೆ ಇಲ್ಲಿದೆ ನೋಡಿ ಮಾಹಿತಿ.

ಬಿಎಸ್​ಎನ್​ಎಲ್​ 108 FRC ಯೋಜನೆ:

ಬಿಎಸ್​ಎನ್​ಎಲ್​ನ ಅಗ್ಗದ FRC ಯೋಜನೆಯು ರೂ. 108 ನಲ್ಲಿ ಬರುತ್ತದೆ. ಈ ರೀಚಾರ್ಜ್ ಯೋಜನೆಯಲ್ಲಿ, ಕಂಪನಿಯು ನಿಮಗೆ 28 ​​ದಿನಗಳ ಮಾನ್ಯತೆಯನ್ನು ನೀಡುತ್ತದೆ. ನೀವು ಯಾವುದೇ ನೆಟ್‌ವರ್ಕ್‌ಗೆ ಅನಿಯಮಿತ ಉಚಿತ ಕರೆ ಮಾಡಬಹುದು. ಇದರಲ್ಲಿ ನೀವು 28 ದಿನಗಳವರೆಗೆ ಒಟ್ಟು 28GB ಡೇಟಾವನ್ನು ಪಡೆಯುತ್ತೀರಿ. ಅಂದರೆ ನೀವು ಪ್ರತಿದಿನ 1GB ಡೇಟಾವನ್ನು ಬಳಸಬಹುದು. ಈ ಯೋಜನೆಯಲ್ಲಿ ನೀವು ಉಚಿತ SMS ಸೌಲಭ್ಯವನ್ನು ಪಡೆಯುವುದಿಲ್ಲ.

ಇದನ್ನೂ ಓದಿ: ಏರ್‌ಟೆಲ್ ಇಲ್ಲಿಯವರೆಗೆ ಎಷ್ಟು ಸ್ಪ್ಯಾಮ್ ಕರೆಗಳನ್ನು ಪತ್ತೆ ಮಾಡಿದೆ ಗೊತ್ತೇ?: ಶಾಕಿಂಗ್ ವರದಿ ಇಲ್ಲಿದೆ

ಬಿಎಸ್​ಎನ್​ಎಲ್​ 249 FCR ಯೋಜನೆ:

249 ರೂ. ಗಳ FRC ರೀಚಾರ್ಜ್ ಯೋಜನೆಯು ನಿಮಗೆ 45 ದಿನಗಳ ದೀರ್ಘಾವಧಿಯ ಮಾನ್ಯತೆಯನ್ನು ನೀಡಲಾಗುತ್ತದೆ. ಈ ಯೋಜನೆಯಲ್ಲಿ ನಿಮಗೆ ಎಲ್ಲಾ ನೆಟ್‌ವರ್ಕ್‌ಗಳಿಗೆ ಅನಿಯಮಿತ ಉಚಿತ ಕರೆಯನ್ನು ಮಾಡಬಹುದು. ಹೆಚ್ಚು ಡೇಟಾವನ್ನು ಬಳಸುವ ಬಳಕೆದಾರರಿಗೆ ಈ FRC ರೀಚಾರ್ಜ್ ಯೋಜನೆಯು ಅತ್ಯುತ್ತಮ ಆಯ್ಕೆಯಾಗಿದೆ. ಇದರಲ್ಲಿ ನಿಮಗೆ ಪ್ರತಿದಿನ 2GB ಡೇಟಾವನ್ನು ನೀಡಲಾಗುತ್ತದೆ. ಅಂದರೆ ನೀವು 45 ದಿನಗಳಲ್ಲಿ ಒಟ್ಟು 90GB ಡೇಟಾವನ್ನು ಬಳಸಬಹುದು. ಬಿಎಸ್​ಎನ್​ಎಲ್​ಈ ಯೋಜನೆಯಲ್ಲಿ ಗ್ರಾಹಕರಿಗೆ ಪ್ರತಿದಿನ 100 ಉಚಿತ SMS ನೀಡುತ್ತದೆ.

ಮತ್ತಷ್ಟು ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ