Tech Tips: ನಿಮ್ಮ ಸ್ಮಾರ್ಟ್ಫೋನ್ನಲ್ಲಿ ಪದೇ ಪದೇ ನೆಟ್ವರ್ಕ್ ಸಮಸ್ಯೆ ಆಗುತ್ತಾ?: ಈ ಸುಲಭ ವಿಧಾನಗಳಿಂದ ಸರಿಪಡಿಸಿ
Network issues Smartphone: ನಿಮ್ಮ ಸ್ಮಾರ್ಟ್ಫೋನ್ನಲ್ಲಿ ನೆಟ್ವರ್ಕ್ ಕಾಣಿಸದಿದ್ದಾಗ ಅಥವಾ ದುರ್ಬಲ ನೆಟ್ವರ್ಕ್ ಇದ್ದಾಗ ತೆಗೆದುಕೊಳ್ಳಬೇಕಾದ ಮೊದಲ ಹೆಜ್ಜೆ ನಿಮ್ಮ ಸ್ಥಳವನ್ನು ನೀವು ಬದಲಾಯಿಸುವುದು. ನೀವು ನೆಲಮಾಳಿಗೆಯಲ್ಲಿ, ಲಿಫ್ಟ್ನಲ್ಲಿ ಅಥವಾ ದಪ್ಪ ಗೋಡೆಗಳನ್ನು ಹೊಂದಿರುವ ಕಟ್ಟಡದಲ್ಲಿದ್ದರೆ, ಅಲ್ಲಿ ನೆಟ್ವರ್ಕ್ ಸಿಗ್ನಲ್ ದುರ್ಬಲವಾಗಿರಬಹುದು.
ಬೆಂಗಳೂರು (ಜು. 24): ನಿಮ್ಮ ಸ್ಮಾರ್ಟ್ಫೋನ್ (Smartphone) ಕರೆ ಕಡಿತ ಅಥವಾ ನಿಧಾನಗತಿಯ ಇಂಟರ್ನೆಟ್ನಂತಹ ನೆಟ್ವರ್ಕ್ ಸಮಸ್ಯೆಗಳನ್ನು ಆಗಾಗ್ಗೆ ಎದುರಿಸುತ್ತಿದ್ದರೆ, ಭಯಪಡುವ ಅಗತ್ಯವಿಲ್ಲ. ಕೆಲವೊಮ್ಮೆ ಈ ಸಮಸ್ಯೆ ದುರ್ಬಲ ಸಿಗ್ನಲ್ನಿಂದ ಉಂಟಾಗುತ್ತದೆ, ಆದರೆ ಕೆಲವು ಸುಲಭ ಮತ್ತು ಪರಿಣಾಮಕಾರಿ ಕ್ರಮಗಳನ್ನು ಅಳವಡಿಸಿಕೊಳ್ಳುವ ಮೂಲಕ ನೀವು ಈ ಸಮಸ್ಯೆಯನ್ನು ತೊಡೆದುಹಾಕಬಹುದು. ನಿಮ್ಮ ಫೋನ್ನ ನೆಟ್ವರ್ಕ್ ಅನ್ನು ಸುಧಾರಿಸುವ 5 ಸುಲಭ ಮಾರ್ಗಗಳನ್ನು ನಾವು ನಿಮಗೆ ಹೇಳುತ್ತೇವೆ.
ನಿಮ್ಮ ಸ್ಥಳವನ್ನು ಬದಲಾಯಿಸಿ
ದುರ್ಬಲ ನೆಟ್ವರ್ಕ್ ಇದ್ದಾಗ ತೆಗೆದುಕೊಳ್ಳಬೇಕಾದ ಮೊದಲ ಹೆಜ್ಜೆ ನಿಮ್ಮ ಸ್ಥಳವನ್ನು ನೀವು ಬದಲಾಯಿಸುವುದು. ನೀವು ನೆಲಮಾಳಿಗೆಯಲ್ಲಿ, ಲಿಫ್ಟ್ನಲ್ಲಿ ಅಥವಾ ದಪ್ಪ ಗೋಡೆಗಳನ್ನು ಹೊಂದಿರುವ ಕಟ್ಟಡದಲ್ಲಿದ್ದರೆ, ಅಲ್ಲಿ ನೆಟ್ವರ್ಕ್ ಸಿಗ್ನಲ್ ದುರ್ಬಲವಾಗಿರಬಹುದು. ಅಂತಹ ಪರಿಸ್ಥಿತಿಯಲ್ಲಿ, ಬಾಲ್ಕನಿಗೆ, ಕಿಟಕಿಯ ಬಳಿ ಅಥವಾ ತೆರೆದ ಜಾಗಕ್ಕೆ ಹೋಗುವುದರಿಂದ ನೆಟ್ವರ್ಕ್ ಸುಧಾರಿಸಬಹುದು.
ಫೋನ್ ಅನ್ನು ಮರುಪ್ರಾರಂಭಿಸಿ
ಫೋನ್ ಅನ್ನು ಒಮ್ಮೆ ಆಫ್ ಮಾಡಿ ನಂತರ ಮತ್ತೆ ಆನ್ ಮಾಡುವುದರಿಂದ ನೆಟ್ವರ್ಕ್ ಸುಧಾರಿಸಲು ಸಹಾಯಕವಾಗಬಹುದು. ಇದು ನೆಟ್ವರ್ಕ್ ಸಿಗ್ನಲ್ ಅನ್ನು ಮತ್ತೆ ಸಂಪರ್ಕಿಸುತ್ತದೆ ಮತ್ತು ಸಾಫ್ಟ್ವೇರ್ ಸಂಬಂಧಿತ ಸಣ್ಣ ಸಮಸ್ಯೆಗಳನ್ನು ಸಹ ಪರಿಹರಿಸುತ್ತದೆ.
10000mAh Battery Smartphones: ಮಾರುಕಟ್ಟೆಯನ್ನೇ ಬೆಚ್ಚಿಬೀಳಿಸಿದ 10,000mAh ಬ್ಯಾಟರಿಯ ಸ್ಮಾರ್ಟ್ಫೋನ್
ಏರ್ಪ್ಲೇನ್ ಮೋಡ್ ಬಳಸಿ
ಇನ್ನೊಂದು ಸುಲಭ ಉಪಾಯವೆಂದರೆ ಫೋನ್ ಅನ್ನು ಕೆಲವು ಸೆಕೆಂಡುಗಳ ಕಾಲ ಏರ್ಪ್ಲೇನ್ ಮೋಡ್ನಲ್ಲಿ ಇರಿಸಿ ನಂತರ ಅದನ್ನು ಆಫ್ ಮಾಡುವುದು. ಇದು ಫೋನ್ ಅನ್ನು ಮತ್ತೆ ನೆಟ್ವರ್ಕ್ಗಾಗಿ ಹುಡುಕುವಂತೆ ಮಾಡುತ್ತದೆ ಮತ್ತು ನೆಟ್ವರ್ಕ್ಗೆ ಸಂಪರ್ಕವನ್ನು ಮರುಹೊಂದಿಸುತ್ತದೆ. ಹಲವು ಬಾರಿ ಇದು ಸಿಗ್ನಲ್ ಸಮಸ್ಯೆಯನ್ನು ತಕ್ಷಣವೇ ಸರಿಪಡಿಸುತ್ತದೆ. ಹೆಚ್ಚಿನವರು ಈ ವಿಧಾನವನ್ನು ಅನುಸರಿಸುತ್ತಾರೆ.
ಮೊಬೈಲ್ ಕವರ್
ಮೊಬೈಲ್ ಕವರ್ ಸಹ ನೆಟ್ವರ್ಕ್ ಇಲ್ಲದಿರಲು ಕಾರಣ ಇರಬಹುದು. ಹೌದು, ಅಚ್ಚರಿಯಾದರೂ ಇದು ಸತ್ಯ. ತಜ್ಞರ ಪ್ರಕಾರ ಮೊಬೈಲ್ ಮೇಲೆ ರಕ್ಷಣೆಗೆ ಹಾಕುವ ಕವರ್ ಸಹ ಸಿಗ್ನಲ್ಗೆ ತೊಂದರೆ ಅಡಚಣೆ ಉಂಟುಮಾಡುತ್ತದಂತೆ. ಹಾಗಾಗಿ, ನೆಟ್ವರ್ಕ್ ಕ್ಷಿಣವಾಗಿರುವ ಪ್ರದೇಶದಲ್ಲಿ ಮೊಬೈಲ್ ಕವರ್ ತೆಗೆದು ಒಮ್ಮೆ ಟ್ರೈ ಮಾಡಿನೋಡಿ.
ಸಿಮ್ ಕಾರ್ಡ್ ಪರಿಶೀಲಿಸಿ
ನೆಟ್ವರ್ಕ್ ಸಮಸ್ಯೆ ಮುಂದುವರಿದರೆ, ಸಿಮ್ ಕಾರ್ಡ್ ಅನ್ನು ತೆಗೆದುಹಾಕಿ, ಒಮ್ಮೆ ಸ್ವಚ್ಛಗೊಳಿಸಿ ಮತ್ತು ಸರಿಯಾಗಿ ಮರುಸೇರಿಸಿ. ಹಳೆಯ ಅಥವಾ ಹಾನಿಗೊಳಗಾದ ಸಿಮ್ ಕಾರ್ಡ್ ಸಹ ನೆಟ್ವರ್ಕ್ ತೊಂದರೆಗೆ ಕಾರಣ ಆಗುತ್ತದೆ. ಅಗತ್ಯವಿದ್ದರೆ ಸಿಮ್ ಅನ್ನು ಬದಲಾಯಿಸ ಬೇಕಾ ಎಂಬುದನ್ನು ನೋಡಿ.
ಸಾಫ್ಟ್ವೇರ್ ನವೀಕರಿಸಿ
ಮೊಬೈಲ್ ಕಂಪನಿಗಳು ನಿಯತಕಾಲಿಕವಾಗಿ ಹೊಸ ಸಾಫ್ಟ್ವೇರ್ ನವೀಕರಣಗಳನ್ನು ಬಿಡುಗಡೆ ಮಾಡುತ್ತವೆ, ಇದರಲ್ಲಿ ನೆಟ್ವರ್ಕ್ ಸುಧಾರಣೆಗಳಿಗೆ ಸಂಬಂಧಿಸಿದ ಪರಿಹಾರಗಳು ಸಹ ಸೇರಿವೆ. ಫೋನ್ ಸೆಟ್ಟಿಂಗ್ಸ್ಗೆ ಹೋಗಿ ಸಾಫ್ಟ್ವೇರ್ ನವೀಕರಣಗಳಿಗಾಗಿ ಪರಿಶೀಲಿಸಿ ಮತ್ತು ಹೊಸ ಆವೃತ್ತಿ ಲಭ್ಯವಿದ್ದರೆ, ಅದನ್ನು ಇನ್ಸ್ಟಾಲ್ ಮಾಡಿ.
ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 11:58 am, Thu, 24 July 25