Tecno Spark Slim: ವಿಶ್ವದ ಅತ್ಯಂತ ತೆಳ್ಳಗಿನ ಸ್ಮಾರ್ಟ್ಫೋನ್ ಬಿಡುಗಡೆ: ಆ್ಯಪಲ್-ಸ್ಯಾಮ್ಸಂಗ್ಗೆ ನಡುಕ
ಚೀನಾದ ಬ್ರ್ಯಾಂಡ್ ಟೆಕ್ನೋ, ಸ್ಪಾರ್ಕ್ ಸ್ಲಿಮ್ ಹೆಸರಿನ ತನ್ನ ಅತ್ಯಂತ ತೆಳ್ಳಗಿನ ಸ್ಮಾರ್ಟ್ಫೋನ್ ಅನ್ನು ಪರಿಚಯಿಸಿದೆ. ಈ ಫೋನ್ 6.78 ಇಂಚಿನ AMOLED ಡಿಸ್ಪ್ಲೇ ಹೊಂದಿದೆ. ಚೀನೀ ಕಂಪನಿಯ ಈ ಸ್ಲಿಮ್ ಸ್ಮಾರ್ಟ್ಫೋನ್ ಕೇವಲ 5.75 ಮಿಮೀ ತೆಳ್ಳಗಿದೆ. ಕಂಪನಿಯು ಇದನ್ನು ವಿಶ್ವದ ಅತ್ಯಂತ ತೆಳುವಾದ ಸ್ಮಾರ್ಟ್ಫೋನ್ ಎಂದು ಹೇಳಿಕೊಂಡಿದೆ. ಈ ಫೋನ್ ಆ್ಯಪಲ್ ಮತ್ತು ಸ್ಯಾಮ್ಸಂಗ್ನ ತೆಳುವಾದ ಫೋನ್ಗಳೊಂದಿಗೆ ಸ್ಪರ್ಧಿಸಲಿದೆ.
Updated on: Mar 04, 2025 | 9:45 AM
(ಬೆಂಗಳೂರು ಮಾ. 04): ಆ್ಯಪಲ್ (Apple) ಮತ್ತು ಸ್ಯಾಮ್ಸಂಗ್ಗಿಂತ ಮೊದಲೇ, ಚೀನಾದ ಕಂಪನಿಯು ವಿಶ್ವದ ಅತ್ಯಂತ ತೆಳ್ಳಗಿನ ಸ್ಮಾರ್ಟ್ಫೋನ್ ಅನ್ನು ಪರಿಚಯಿಸುವ ಮೂಲಕ ಸಂಚಲನ ಸೃಷ್ಟಿಸಿದೆ. ಸ್ಪೇನ್ ರಾಜಧಾನಿ ಬಾರ್ಸಿಲೋನಾದಲ್ಲಿ ಶುರುವಾಗಿರುವ ಮೊಬೈಲ್ ವರ್ಲ್ಡ್ ಕಾಂಗ್ರೆಸ್ (MWC) 2025 ಕ್ಕೆ ಮುಂಚಿತವಾಗಿ ಈ ಸ್ಲಿಮ್ ಫೋನ್ ಅನ್ನು ಪರಿಚಯಿಸಲಾಗಿದೆ. ಚೀನೀ ಕಂಪನಿಯ ಈ ಸ್ಲಿಮ್ ಸ್ಮಾರ್ಟ್ಫೋನ್ ಕೇವಲ 5.75 ಮಿಮೀ ತೆಳ್ಳಗಿದೆ. ಕಂಪನಿಯು ಇದನ್ನು ವಿಶ್ವದ ಅತ್ಯಂತ ತೆಳುವಾದ ಸ್ಮಾರ್ಟ್ಫೋನ್ ಎಂದು ಹೇಳಿಕೊಂಡಿದೆ. ಜನವರಿಯಲ್ಲಿ ನಡೆದ ಗ್ಯಾಲಕ್ಸಿ ಅನ್ಪ್ಯಾಕ್ಡ್ ಕಾರ್ಯಕ್ರಮದ ಸಂದರ್ಭದಲ್ಲಿ ಸ್ಯಾಮ್ಸಂಗ್ ತನ್ನ ಅತ್ಯಂತ ತೆಳುವಾದ ಸ್ಮಾರ್ಟ್ಫೋನ್ ಗ್ಯಾಲಕ್ಸಿ ಎಸ್ 25 ಎಡ್ಜ್ ಅನ್ನು ಟೀಸ್ ಮಾಡಿತು. ಅದೇ ಸಮಯದಲ್ಲಿ, ಆ್ಯಪಲ್ ಐಫೋನ್ 17 ಸ್ಲಿಮ್ ಅಥವಾ ಐಫೋನ್ 17 ಏರ್ನಲ್ಲಿಯೂ ಕಾರ್ಯನಿರ್ವಹಿಸುತ್ತಿದೆ.
ಟೆಕ್ನೋ ಸ್ಪಾರ್ಕ್ ಸ್ಲಿಮ್:
ಚೀನಾದ ಬ್ರ್ಯಾಂಡ್ ಟೆಕ್ನೋ, ಸ್ಪಾರ್ಕ್ ಸ್ಲಿಮ್ ಹೆಸರಿನ ತನ್ನ ಅತ್ಯಂತ ತೆಳ್ಳಗಿನ ಸ್ಮಾರ್ಟ್ಫೋನ್ ಅನ್ನು ಪರಿಚಯಿಸಿದೆ. ಈ ಫೋನ್ 6.78 ಇಂಚಿನ AMOLED ಡಿಸ್ಪ್ಲೇ ಹೊಂದಿದೆ. ಇದಲ್ಲದೆ, ಫೋನ್ನ ಹಿಂಭಾಗದಲ್ಲಿ 50MP ಡ್ಯುಯಲ್ ಕ್ಯಾಮೆರಾ ಸೆಟಪ್ ನೀಡಲಾಗಿದೆ. ಈ ಟೆಕ್ನೋ ಫೋನ್ ಮೊಬೈಲ್ ವರ್ಲ್ಡ್ ಕಾಂಗ್ರೆಸ್ನಲ್ಲಿ ಜಾಗತಿಕ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗಿದೆ. ಕಂಪನಿಯು ಫೋನ್ನ ವೈಶಿಷ್ಟ್ಯಗಳನ್ನು ದೃಢಪಡಿಸಿದೆ. ಈ ಫೋನ್ ಆ್ಯಪಲ್ ಮತ್ತು ಸ್ಯಾಮ್ಸಂಗ್ನ ತೆಳುವಾದ ಫೋನ್ಗಳೊಂದಿಗೆ ಸ್ಪರ್ಧಿಸಲಿದೆ.
ಈ ಸ್ಲಿಮ್ ಫೋನ್ 144Hz ರಿಫ್ರೆಶ್ ದರದ ಡಿಸ್ಪ್ಲೇಯೊಂದಿಗೆ ಬರುತ್ತದೆ. ಇದರಲ್ಲಿ ಕಂಪನಿಯು ಆಕ್ಟಾಕೋರ್ ಪ್ರೊಸೆಸರ್ ಅನ್ನು ಒದಗಿಸಿದೆ. ಆದಾಗ್ಯೂ, ಪ್ರೊಸೆಸರ್ ವಿವರಗಳನ್ನು ಬಹಿರಂಗಪಡಿಸಲಾಗಿಲ್ಲ. ಈ ಫೋನ್ 5,200mAh ಬ್ಯಾಟರಿಯೊಂದಿಗೆ ಬರುತ್ತದೆ. ಇದು ಸೆಲ್ಫಿ ಮತ್ತು ವಿಡಿಯೋ ಕರೆಗಾಗಿ 13MP ಕ್ಯಾಮೆರಾವನ್ನು ಹೊಂದಿದೆ. ಕಂಪನಿಯು 4.04mm ದಪ್ಪ ಬ್ಯಾಟರಿಯನ್ನು ಹೊಂದಿದೆ ಎಂದು ಹೇಳಿಕೊಂಡಿದೆ. ಈ ಫೋನಿನಲ್ಲಿ ಅಲ್ಯೂಮಿನಿಯಂ ಬಾಡಿ ಮತ್ತು ಸ್ಟೇನ್ಲೆಸ್ ಸ್ಟೀಲ್ ಫ್ರೇಮ್ ಬಳಸಲಾಗಿದೆ.
Tech Tips: ಕ್ರಿಕೆಟ್ ನೋಡೋವಾಗ ಮೊಬೈಲ್ ಡೇಟಾ ಉಳಿಸಲು ಬಯಸುವಿರಾ?: ಹಾಗಿದ್ರೆ ಈ ಟ್ರಿಕ್ ಫಾಲೋ ಮಾಡಿ
ಈ ಫೋನ್ ಬೆಲೆ ಎಷ್ಟು ಎಂಬುದರ ಕುರಿತು ಟೆಕ್ನೋ ಇನ್ನೂ ಯಾವುದೇ ಸೂಚನೆಯನ್ನು ನೀಡಿಲ್ಲ. ಇದು ಕಾನ್ಸೆಪ್ಟ್ ಸ್ಮಾರ್ಟ್ಫೋನ್ ಎಂದು ಕಂಪನಿಯು ಬಹಳ ಸಮಯದಿಂದ ಹೇಳುತ್ತಿದೆ. ಹೆಚ್ಚಿನ ವಿವರಗಳು ಮೊಬೈಲ್ ವರ್ಲ್ಡ್ ಕಾಂಗ್ರೆಸ್ನಲ್ಲಿ ಲಭ್ಯವಿರುತ್ತವೆ ಎಂದು ಕಂಪನಿ ಘೋಷಿಸಿದೆ. ಮೊಬೈಲ್ ವರ್ಲ್ಡ್ ಕಾಂಗ್ರೆಸ್ ಮಾರ್ಚ್ 3 ರಿಂದ 6 ರವರೆಗೆ ನಡೆಯುತ್ತಿದೆ.
ಸ್ಯಾಮ್ಸಂಗ್ ಗ್ಯಾಲಕ್ಸಿ ಎಸ್25 ಎಡ್ಜ್:
ಇತ್ತೀಚಿನ ವರದಿಯ ಪ್ರಕಾರ, ಸ್ಯಾಮ್ಸಂಗ್ನ ಅತ್ಯಂತ ತೆಳ್ಳಗಿನ ಫೋನ್ ಮುಂದಿನ ತಿಂಗಳು ಅಂದರೆ ಏಪ್ರಿಲ್ನಲ್ಲಿ ಬಿಡುಗಡೆಯಾಗಬಹುದು. ಈ ಸ್ಯಾಮ್ಸಂಗ್ ಫೋನ್ನ ವೈಶಿಷ್ಟ್ಯಗಳು ಗ್ಯಾಲಕ್ಸಿ ಎಸ್ 25 ಅಲ್ಟ್ರಾದಂತೆಯೇ ಇರಬಹುದು. ಈ ಫೋನ್ 6.6-ಇಂಚಿನ AMOLED ಡಿಸ್ಪ್ಲೇಯೊಂದಿಗೆ ಬರಲಿದೆ. ಇದರಲ್ಲಿ ಕ್ವಾಲ್ಕಾಮ್ ಸ್ನಾಪ್ಡ್ರಾಗನ್ 8 ಎಲೈಟ್ ಪ್ರೊಸೆಸರ್ ನೀಡಬಹುದು. ಈ ಫೋನ್ 12GB RAM ಮತ್ತು 1TB ಸಂಗ್ರಹಣೆಯನ್ನು ಬೆಂಬಲಿಸುತ್ತದೆ.
ಈ ಸ್ಯಾಮ್ಸಂಗ್ ಫೋನ್ 200MP ಮುಖ್ಯ ಕ್ಯಾಮೆರಾದೊಂದಿಗೆ ಬರಲಿದೆ. ಇದರಲ್ಲಿ ಮತ್ತೊಂದು 50MP ಹಿಂಬದಿಯ ಕ್ಯಾಮೆರಾವನ್ನು ಕಾಣಬಹುದು. ಈ ಫೋನ್ ಸೆಲ್ಫಿ ಮತ್ತು ವಿಡಿಯೋ ಕರೆಗಾಗಿ 12MP ಕ್ಯಾಮೆರಾವನ್ನು ಹೊಂದಿರುತ್ತದೆ. ಈ ಫೋನ್ 4,000mAh ಬ್ಯಾಟರಿ ಮತ್ತು 45W ವೇಗದ ಚಾರ್ಜಿಂಗ್ ವೈಶಿಷ್ಟ್ಯವನ್ನು ಬೆಂಬಲಿಸುತ್ತದೆ. ಇದು ಆಂಡ್ರಾಯ್ಡ್ 15 ಆಧಾರಿತ OneUI 7 ಅನ್ನು ಹೊಂದಿರುತ್ತದೆ.
ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
