WhatsApp New Feature: ವಾಟ್ಸ್ಆ್ಯಪ್ನಲ್ಲಿ ಬಂದಿದೆ ಅಚ್ಚರಿಯ ಶಾರ್ಟ್ಕಟ್ ಫೀಚರ್: ಚಾಟ್ ಮಾಡೋವಾಗ ಸಿಗುತ್ತೆ ಈ ಆಯ್ಕೆ
WhatsApp shortcut feature: ಶಾರ್ಟ್ ಕಟ್ ಫೀಚರ್ ಮೂಲಕ ನೀವು ವಾಟ್ಸ್ಆ್ಯಪ್ನ ಚಾಟ್ ಬಾಕ್ಸ್ನಲ್ಲಿ ಡೌನ್ಲೋಡ್ ಮಾಡದೆ ಸ್ಟಿಕ್ಕರ್ಗಳನ್ನು ಫಾರ್ವರ್ಡ್ ಮಾಡಬಹುದಾಗಿದೆ. ಈ ಹೊಸ ಆಯ್ಕೆ ವಾಟ್ಸ್ಆ್ಯಪ್ ಆಂಡ್ರಾಯ್ಡ್ನ ಬೇಟಾ ಬಳಕೆದಾರರಿಗೆ ಮಾತ್ರ ಲಭ್ಯವಾಗುತ್ತಿದೆ.
Updated on: Nov 29, 2021 | 3:18 PM
ವಿಶ್ವದಲ್ಲಿ ಕೋಟ್ಯಾಂತರ ಬಳಕೆದಾರರನ್ನು ಹೊಂದಿರುವ ಫೇಸ್ಬುಕ್ (facebook) ಒಡೆತನದ ಮೆಸೇಜಿಂಗ್ ಅಪ್ಲಿಕೇಶನ್ ವಾಟ್ಸ್ಆ್ಯಪ್ (WhatsApp) ಈಗೀಗ ಹೊಸ ಹೊಸ ಅಪ್ಡೇಟ್ಗಳನ್ನು ನೀಡುತ್ತಿದೆ. ಸದ್ಯ ಇದೀಗ ಬಳಕೆದಾರರಿಗೆ ಉತ್ತಮ ಅನುಭವವನ್ನು ನೀಡಲು ಹೊಸ ಫೀಚರ್ಸ್ ಪರಿಚಯಿಸಲು ವಾಟ್ಸ್ಆ್ಯಪ್ ಮುಂದಾಗಿದೆ. ಅದುವೇ ಶಾರ್ಟ್ ಕಟ್ ಫೀಚರ್ ಆಯ್ಕೆ. ಇದರ ಮೂಲಕ ನೀವು ವಾಟ್ಸ್ಆ್ಯಪ್ನ ಚಾಟ್ ಬಾಕ್ಸ್ನಲ್ಲಿ ಡೌನ್ಲೋಡ್ ಮಾಡದೆ ಸ್ಟಿಕ್ಕರ್ಗಳನ್ನು ಫಾರ್ವರ್ಡ್ ಮಾಡಬಹುದಾಗಿದೆ. ಅಂದರೆ ಚಾಟ್ನಿಂದ ನೇರವಾಗಿ ಈ ಸ್ಟಿಕ್ಕರ್ಗಳನ್ನು ಬೇರಯವರಿಗೆ ಫಾರ್ವರ್ಡ್ ಮಾಡಲು ಶಾರ್ಟ್ಕಟ್ ಆಯ್ಕೆ ಅನುವು ಮಾಡಿಕೊಡುತ್ತದೆ.
ಸದ್ಯಕ್ಕೆ ಈ ಹೊಸ ಆಯ್ಕೆ ವಾಟ್ಸ್ಆ್ಯಪ್ ಆಂಡ್ರಾಯ್ಡ್ನ ಬೇಟಾ ಬಳಕೆದಾರರಿಗೆ ಮಾತ್ರ ಲಭ್ಯವಾಗುತ್ತಿದೆ. ಕೆಲವೇ ದಿನಗಳಲ್ಲಿ ಎಲ್ಲ ಬಳಕೆದಾರರಿಗೆ ಇದು ಸಿಗಲಿದೆಯಂತೆ. ವಿಶೇಷ ಎಂದರೆ ಈ ಹೊಸ ಆಯ್ಕೆ ನಿಮ್ಮ ಫೋನ್ನ ಮೆಮೊರಿಯನ್ನು ಉಳಿಸುತ್ತದೆ. ಸ್ಟಿಕ್ಕರ್ನ ಮೇಲೆ ಲಾಂಗ್ಪ್ರೆಸ್ ಮಾಡಿದ ಮೇಲೆ ಸೆಲೆಕ್ಟ್ ಆಗುತ್ತದೆ. ಬಳಿಕ ಫಾರ್ವರ್ಡ್ ಕೀ ಕಾಣಲಿದೆ. ನಂತರ ನೀವು ಇತರರಿಗೆ ಸ್ಟಿಕ್ಟರ್ ಅನ್ನು ಕಳುಹಿಸಬಹುದು.
ಇತ್ತೀಚೆಗಷ್ಟೆ ವಾಟ್ಸ್ಆ್ಯಪ್ನ PC ಮತ್ತು Mac ಬಳಕೆದಾರರಿಗೆ ಸ್ಟಿಕ್ಕರ್ ತಯಾರಕ ಸಾಧನದ ಆಗಮನವನ್ನು ಪ್ರಕಟಿಸಿತ್ತು. ವಾಟ್ಸ್ಆ್ಯಪ್ ವೆಬ್ ಬಳಕೆದಾರರು ತಮ್ಮದೇ ಆದ ಕಸ್ಟಮ್ ಸ್ಟಿಕ್ಕರ್ಗಳನ್ನು ರಚಿಸಲು ಹೊಸ ಫೀಚರ್ ಒಂದನ್ನು ಪರಿಚಯಿಸಿ, ಮ್ಯಾಕ್ ಮತ್ತು ಪಿಸಿ ಪ್ಲಾಟ್ಫಾರ್ಮ್ ಬಳಕೆದಾರರಿಗೆ ಈ ವೈಶಿಷ್ಟ್ಯವನ್ನು ಲಭ್ಯವಾಗುವಂತೆ ಮಾಡಿದೆ. ಡೆಸ್ಕ್ಟಾಪ್ ಬಳಕೆದಾರರಿಗಾಗಿ ಮುಂಬರುವ ವಾರದಲ್ಲಿ ಈ ಫೀಚರ್ ಲಭ್ಯವಾಗಬಹುದು ಎಂದು ವರದಿಗಳು ತಿಳಿಸಿವೆ. ಈ ಮೂಲಕ ವಾಟ್ಸ್ಆ್ಯಪ್ ಬಳಕೆದಾರರು ಕಸ್ಟಮ್ ಸ್ಟಿಕ್ಕರ್ಗಳನ್ನು ಪರಿಚಯಿಸಲು ಮೂರನೇ ವ್ಯಕ್ತಿಯ ಅಪ್ಲಿಕೇಶನ್ಗಳನ್ನು ಬಳಸಬೇಕಾದ ಅಗತ್ಯತೆಗೆ ಕೊನೆಹಾಡಲಾಗಿದೆ.
ಇನ್ನು ವಾಟ್ಸ್ಆ್ಯಪ್ ಶೀಘ್ರದಲ್ಲೇ ಫೇಸ್ಬುಕ್ನಲ್ಲಿರುವಂತೆಯೆ ಮೆಸೇಜ್ ರಿಯಾಕ್ಷನ್ ಫೀಚರ್ಸ್ ಅನ್ನು ಪರಿಚಯಿಸಲಿದೆ. ಈಗಾಗಲೇ ಇದರ ಪರೀಕ್ಷಾ ಹಂತಕೂಡ ಮುಕ್ತಾಯಗೊಂಡಿದ್ದು, ಮುಂದಿನ ಅಪ್ಡೇಟ್ನಲ್ಲಿ ಬಳಕೆದಾರರಿಗೆ ಸಿಗುವ ಅಂದಾಜಿದೆ. ಈಗಾಗಲೇ ಇನ್ಸ್ಟಾಗ್ರಾಮ್, ಫೇಸ್ಬುಕ್, ಐಮೆಸೇಜ್ ಮತ್ತು ಲಿಂಕ್ಡಿನ್ನಲ್ಲಿ ಇರುವಂತಹ ಜನಪ್ರಿಯ ಅಪ್ಲಿಕೇಶನ್ಗಳು ಬಳಕೆದಾರರಿಗೆ ಮೆಸೇಜ್ ರಿಯಾಕ್ಷನ್ ಫೀಚರ್ಸ್ಗಳನ್ನು ನೀಡುತ್ತಿವೆ. ಇದೇ ಕಾರಣಕ್ಕೆ ವಾಟ್ಸ್ಆ್ಯಪ್ ಕೂಡ ಸದ್ಯದಲ್ಲೇ ತನ್ನ ಪ್ಲಾಟ್ಫಾರ್ಮ್ನಲ್ಲಿ ಮೆಸೇಜ್ ರಿಯಾಕ್ಷನ್ ಸೇರಿಸಲು ಸಿದ್ಧತೆ ನಡೆಸಿದೆ.
Jio Tariff Hike: ಏರ್ಟೆಲ್, ವಿ ಬಳಿಕ ಈಗ ಜಿಯೋದಿಂದ ಗ್ರಾಹಕರಿಗೆ ಬಿಗ್ ಶಾಕ್: ಪ್ಲಾನ್ಗಳ ಬೆಲೆಯಲ್ಲಿ ಏರಿಕೆ
UAN Aadhaar Link: ಯುಎಎನ್ ಜೊತೆ ಆಧಾರ್ ಲಿಂಕ್ ಮಾಡಲು ನವೆಂಬರ್ 30 ಕಡೇ ದಿನ: ಲಿಂಕ್ ಮಾಡುವುದು ಹೇಗೆ?
(WhatsApp new feature will make it simpler for users to forward stickers to their contacts)
