Viral Video: ಟಿವಿ ನೋಡುತ್ತಾ ಡ್ರಮ್ಮಿಂಗ್ ಅಭ್ಯಾಸ ಮಾಡಿದ 3ರ ಬಾಲಕ, ಆತನ ಮುಖಭಾವಕ್ಕೆ ನೆಟ್ಟಿಗರು ಫಿದಾ

ಸಣ್ಣ ಮಕ್ಕಳು ಹಿರಿಯರನ್ನು ನೋಡಿ ಬೇಗನೇ ಅನುಕರಿಸುತ್ತಾರೆ. ಇದು ಸಾಮಾನ್ಯವಾಗಿದ್ದರೂ ಕೆಲವು ಮಕ್ಕಳು ಕಷ್ಟದ ಸಂಗತಿಗಳನ್ನು ಅನುಕರಿಸಿ ಅಚ್ಚರಿ ಮೂಡಿಸುತ್ತಾರೆ. ಇದೀಗ ಟಿವಿಯಲ್ಲಿ ಡ್ರಮ್ಮರ್ ವಾದಕರೊಬ್ಬರನ್ನು ಅನುಕರಣೆ ಮಾಡಿದ 3 ವರ್ಷದ ಬಾಲಕನ ವಿಡಿಯೋ ವೈರಲ್ (Video Viral) ಆಗುತ್ತಿದೆ. ಬಾಲಕನ ಸಣ್ಣ ವಯಸ್ಸಿನ ಟಾಲೆಂಟ್​ಗೆ ಸಾಮಾಜಿಕ ಜಾಲತಾಣದಲ್ಲಿ ನೆಟ್ಟಿಗರು ಫಿದಾ ಆಗಿದ್ದಾರೆ. ವಿಡಿಯೋವನ್ನು ಜೆನ್ನಿ ಥಾಮಸ್ ಮೆಕಿಂತೋಷ್ ಅವರು ಇನ್ಸ್ಟಾಗ್ರಾಮ್​ನಲ್ಲಿ ಹಂಚಿಕೊಂಡಿದ್ದು, ”ಜೋಸಿಯಾ ಪ್ರತಿದಿನ ಗಂಟೆಗಳ ಕಾಲ ತನ್ನ ನೆಚ್ಚಿನ ಡ್ರಮ್ಮರ್ ಡೇನಿಯಲ್ ಬರ್ನಾರ್ಡ್ ಜೊತೆ ಅಭ್ಯಾಸ ಮಾಡುತ್ತಾನೆ! ಅವನ ಮುಖಭಾವವು ಅತ್ಯುತ್ತಮವಾಗಿದೆ!” ಎಂದು ಶೀರ್ಷಿಕೆಯನ್ನೂ ನೀಡಿದ್ದಾರೆ. ಈ ವಿಡಿಯೋ 13 ಸಾವಿರ ವೀಕ್ಷಣೆಗಳು ಮತ್ತು 940 ಲೈಕ್‌ಗಳನ್ನು ಪಡೆದುಕೊಂಡಿದೆ.

ಸಂಗೀತವಾಗಲಿ ಅಥವಾ ಕ್ರೀಡೆಯಾಗಲಿ ಚಿಕ್ಕ ವಯಸ್ಸಿನಲ್ಲೇ ಕಲಿಯುವುದು ಸುಲಭಕರವಲ್ಲ. ಅದಾಗ್ಯೂ ಚಿಕ್ಕ ವಯಸ್ಸಿನಲ್ಲೇ ತಮ್ಮ ಉತ್ಸಾಹವನ್ನು ಕಂಡುಕೊಳ್ಳುವ ಕೆಲವು ಮಕ್ಕಳಿದ್ದಾರೆ. ಅಂತಹ ದಟ್ಟಗಾಲಿಡುವವರ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿರುತ್ತದೆ. ಈ ಪೈಕಿ ಜೋಸಿಯಾ ಕೂಡ ಒಬ್ಬ. ಇದನ್ನೂ ಓದಿ: Viral Video: ಗಾಯಗೊಂಡ ತಂದೆಯನ್ನು ಆರೈಕೆ ಮಾಡಿದ ಅಂಬೆಗಾಲಿಡುವ ಮಗು! ನೆಟ್ಟಿಗರು ಫಿದಾ

ವಿಡಿಯೋ ಗಮನಿಸಿದಂತೆ, ಡೇನಿಯಲ್ ಬರ್ನಾರ್ಡ್ ಅವರು ಡ್ರಮ್ಮರ್ ಬಾರಿಸುವುದು ಟಿವಿಯಲ್ಲಿ ಪ್ರಸಾರವಾಗುತ್ತಿರುತ್ತದೆ. ಇದನ್ನು ಸಂಪೂರ್ಣವಾಗಿ ಅನುಕರಿಸಿದ ಜೋಸಿಯಾ, ಎರಡು ಸ್ಟಿಕ್​ಗಳನ್ನು ಹಿಡಿದುಕೊಂಡು ಗಾಜಿನ ಮೇಜಿಗೆ, ತಟ್ಟೆಗಳಿಗೆ ಹೊಡೆಯುವುದನ್ನು ಕಾಣಬಹುದು. ಅಷ್ಟೇ ಅಲ್ಲ ಬಾರಿಸುವಾಗ ಸಾಮಾನ್ಯವಾಗಿ ಡ್ರಮ್ಮರ್ ಯಾವ ರೀತಿ ಮುಖಭಾವ ಮಾಡುತ್ತಾರೋ ಅದೇ ರೀತಿ ಮಾಡುತ್ತಾರೆ. ಇದು ನೆಟ್ಟಿಗರ ಮನಸ್ಸು ಗೆದ್ದಿದೆ. ಇದನ್ನೂ ಓದಿ: Viral Video: ದೈತ್ಯಾಕಾರದ ಹೆಬ್ಬಾವನ್ನು ಭುಜದ ಮೇಲೆ ಹೊತ್ತು ತಿರುಗಾಡಿದ ವ್ಯಕ್ತಿ!

View this post on Instagram

A post shared by Jenny Thomas McIntosh (@jennylynnmcintosh)

ಈ ಹಿಂದೆ ಸಣ್ಣ ಬಾಲಕಿಯೊಬ್ಬಳು ವೇದಿಕೆಯಲ್ಲಿ ನೃತ್ಯ ಮಾಡುತ್ತಿದ್ದ ಶಿಕ್ಷಕಿಯನ್ನು ಅನುರಿಸುತ್ತಾ ಡಾನ್ಸ್ ಮಾಡಿದ ವಿಡಿಯೋ ವೈರಲ್ ಆಗಿತ್ತು. ನೃತ್ಯ ಶಿಕ್ಷಕಿಯೊಬ್ಬರು ವಯಸ್ಕರಿಗೆ ನೃತ್ಯ ಕಲಿಸುತ್ತಿರುವಾಗ ಶಿಕ್ಷಕಿಯನ್ನು ಅನುಸರಿಸಿದ ಮುದ್ದಾದ ಬಾಲಕಿಯೊಬ್ಬಳು, ಅವರಂತೆಯೇ ಸಖತ್ ಆಗಿ ಸ್ಟೆಪ್ ಹಾಕಿದ್ದಾಳೆ. ಇದರ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್ ಆಗಿತ್ತು. ವಿಡಿಯೋ ವೀಕ್ಷಿಸಿ:

ಹೆಚ್ಚಿನ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಪ್ರಮುಖ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 10:32 am, Sun, 12 June 22