Viral Video: 73 ವರ್ಷದ ವೈದ್ಯರಿಗೆ ಮೊದಲ ಸಲ ಹಾಡಲು ವೇದಿಕೆ ಸಿಕ್ಕಾಗ…

Singer : ಹುಣಸೆ ಮರ ಮುಪ್ಪಾದರೆ ಹುಳಿಗೆ ಮುಪ್ಪೇ? ಜೀವ ಹಳತಾದರೂ ಒಳಗೆ ತುಡಿಯುವ ಜೀವಸೆಲೆ ಕ್ಷಣಕ್ಷಣಕ್ಕೂ ಹೊಸತೇ. “ಸಂಗೀತ ನಿಮ್ಮ ಧಮನಿಗಳಲ್ಲಿದ್ದರೆ ಅದನ್ನು ವಯಸ್ಸು ತಡೆಯಲಾರದು’.’ 73 ವರ್ಷ ಕೇರಳದ ಡಾ. ಸುರೇಶ್ ನಂಬಿಯಾರ್ (Dr. Suresh Nambiar) ಹುರುಪಿನಿಂದ ಹಾಡುತ್ತಿರುವ ವಿಡಿಯೋ ಅನ್ನು Nims ಎಂಬ ಟ್ವಿಟರ್​ ಖಾತೆದಾರರು ಹಂಚಿಕೊಂಡಿದ್ದಾರೆ. ಹಳೆಯ ಜನಪ್ರಿಯ ಹಿಂದೀ (Bollywood Song) ಹಾಡೊಂದನ್ನು ಖ್ಯಾತ ಬಾಲಿವುಡ್ ಗಾಯಕ ಶಾನ್ (Shaan) ಅವರೊಂದಿಗೆ ಹಾಡಿದ್ದಾರೆ. ಇದೀಗ ಈ ವಿಡಿಯೋ ಸ್ವಾಭಾವಿಕವಾಗಿ ಇದು ನೋಡುಗರ ಮನವನ್ನು ಗೆದ್ದಿದೆ. ಒಮ್ಮೆ ನೋಡಿದವರು ಪದೇಪದೇ ನೋಡುತ್ತ ಇತರರೊಂದಿಗೆ ಹಂಚಿಕೊಳ್ಳುತ್ತ ಇದು ವೈರಲ್ ಆಗಿದೆ.

If music flows in your veins, age will never be a bar!

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

Ladies and gentlemen, Dr. Suresh Nambiar! pic.twitter.com/IR6GXZ7SfH

— Nims (@Nimmstweets) June 30, 2023

“ನನಗೀಗ 73 ವರ್ಷ. ನಮ್ಮಲ್ಲಿ ಹಾಡುವವರಿಗಾಗಿ ಬಹಳಷ್ಟು ಸ್ಪರ್ಧೆಗಳಿವೆ, ವೇದಿಕೆಗಳಿವೆ. ಆದರೆ ಸಾಮಾನ್ಯವಾಗಿ ಅವೆಲ್ಲ 20 ವರ್ಷದ ಕೆಳಗಿನವರಿಗೆ, ಅಥವಾ 20ರಿಂದ 40 ವರ್ಷದವರಿಗೆ ಮಾತ್ರ ಲಭ್ಯ. ನಮ್ಮಂಥವರಿಗೆ ಇಂಥ ಅವಕಾಶಗಳು ವಿರಳ. ನಾನು ನೋಡಿದಂತೆ ಇದೇ ಮೊದಲು,” ಎಂದು ಆ ಕಾರ್ಯಕ್ರಮ ಆಯೋಜಿಸಿದ ಐಸಿಐಸಿಐ ಬ್ಯಾಂಕ್‌ನವರಿಗೆ (ICICI Bank) ಕೃತಜ್ಞತೆ ಸಲ್ಲಿಸಿದ್ದಾರೆ. ವೃತ್ತಿಯಲ್ಲಿ ವೈದ್ಯರಾದ ಡಾ. ಸುರೇಶ ನಂಬಿಯಾರ್ ಅವರು ನಿರರ್ಗಳವಾಗಿ ಇಂಗ್ಲಿಷ್​ನಲ್ಲಿ ಮಾತನಾಡುತ್ತ ಹಿರಿಯ ಗಾಯಕರಿಗಾಗಿ ವೇದಿಕೆಗಳನ್ನು ಸೃಷ್ಟಿಸುವಂತೆ ಈ ಮೂಲಕ ಕೋರಿದ್ದಾರೆ.

ಇದನ್ನೂ ಓದಿ : Viral Video: ಸಿಗರೇಟು ಭಾಗ್ಯದ ನಾರಿಯರು; ಇದೇನು ನಿಜವೋ ನಾಟಕವೋ ರಾಜಕೀಯದಾಟವೋ?

ಅಷ್ಟೇ ಅಸ್ಖಲಿತವಾಗಿಯೂ ಚೂರೂ ತಪ್ಪಿಲ್ಲದ ಉಚ್ಚಾರಣೆಯೊಂದಿಗೂ ಶಮ್ಮಿ ಕಪೂರ್ (Shammi Kapoor) ಅಭಿನಯದ ಮೊಹಮ್ಮದ್ ರಫಿ ಹಾಡಿದ “ಜವಾನಿಯಾಂ ಯೆ ಮಸ್ತ್ ಮಸ್ತ್ ಬಿನ್ ಪಿಯೇ” ಎಂಬ ಹಾಡನ್ನು ಗಾಯಕ ಶಾನ್ ಅವರೇ ಅಚ್ಚರಿ ಪಡುವಷ್ಟು ಸೊಗಸಾಗಿ ಹಾಡಿದ್ದಾರೆ. ಈ ಅಜ್ಜನ ಯೌವನವನ್ನು ನೋಡಿ ಶನಿವಾರದ ಈ ಸಂಜೆ ನಿಮಗೂ ಕುಡಿಯದೆಯೇ ನಶೆಯೇರುವುದೇ? ತಿಳಿಸಿ.

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ

Published On - 5:49 pm, Sat, 1 July 23