Viral video: ದನದ ಮುಂದೆ ಡಾನ್ಸ್ ಮಾಡಿದ ಯುವತಿ, ಹಾಯಲು ಹೋದ ದನ!

ದನದ ಮುಂದೆ ನಿಂತುಕೊಂಡು ನೃತ್ಯದ ರೀಲ್ಸ್ ಮಾಡುತ್ತಿದ್ದಾಗ ಕೋಪಗೊಂಡ ದನ ಯುವತಿಗೆ ಹಾಯಲು ಹೋದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.

ಯುವತಿಗೆ ಹಾಯಲು ಹೋದ ದನ

TV9 Web | Updated By: Rakesh Nayak Manchi|
Updated on: Jun 06, 2022 | 10:05 PM

ಕೆಲವು ಬಾರಿ ಮನುಷ್ಯರು ಪ್ರಾಣಿಗಳ ಮುಂದೆ ಅತಿರೇಕದ ವರ್ತನೆ ತೋರಿ ಇಕ್ಕಟ್ಟಿಗೆ ಸಿಲುಕುತ್ತಾರೆ. ಒಂದಷ್ಟು ಮಂದಿಯ ಜೀವ ಹಾನಿಯಾದರೆ, ಇನ್ನೊಂದಷ್ಟು ಮಂದಿ ಕೂದಳೆಲೆ ಅಂತರದಲ್ಲಿ ಪ್ರಾಣಿಗಳ ದಾಳಿಯಿಂದ ಪಾರಾಗುತ್ತಾರೆ. ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಅಂತಹದ್ದೇ ಒಂದು ವಿಡಿಯೋ ವೈರಲ್ (Video Viral) ಆಗುತ್ತಿದ್ದು, ಸಖತ್ ಟ್ರೋಲ್ (Troll) ಕೂಡ ಆಗಿದೆ.

ವೈರಲ್ ವಿಡಿಯೋದಲ್ಲಿ ನಿಲ್ಲಿಸಿರುವ ದ್ವಿಚಕ್ರ ವಾಹನ, ಯುವತಿ ಮತ್ತು ದನವನ್ನು ಕಾಣಬಹುದು. ಯುವತಿಯು ಆ ದನದ ಮುಂದೆ ನಿಂತುಕೊಂಡು ನೃತ್ಯದ ರೀಲ್ಸ್ ಮಾಡಲು ಮುಂದಾಗುತ್ತಾಳೆ. ತನ್ನಷ್ಟಕ್ಕೇ ತಾನಿದ್ದ ದನಕ್ಕೆ ಯುವತಿಯ ನೃತ್ಯ ಕೋಪ ಬರುವಂತೆ ಮಾಡಿದೆ. ಒಂದೆರಡು ಬಾರಿ ಸೊಂಟ ಬಳುಕಿಸಿದ ಕೂಡಲೇ ಯುವತಿಯನ್ನು ದನ ಹಾಯಲು ಮುಂದಾಗಿದೆ. ಕೂಡಲೇ ಯುವತಿ ದ್ವಿಚಕ್ರ ವಾಹನದ ಕಡೆಗೆ ಭಯದಿಂದ ಓಡಿದ್ದಾಳೆ.

ರೀಲ್ಸ್ ಮಾಡಲು ಹೋಗಿ ದನದ ಕೋಪಕ್ಕೆ ಗುರಿಯಾದ ಯುವತಿಯ ವಿಡಿಯೋ ಟ್ರೋಲ್ಗೆ ತುತ್ತಾಗಿದ್ದು, bhutni ke memes ಎಂಬ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ವಿಡಿಯೋವನ್ನು ಅಪ್ಲೋಡ್ ಮಾಡಲಾಗಿದೆ. ಈ ಟ್ರೋಲ್ ವಿಡಿಯೋ ಇದೀಗ ಸಖತ್ ವೈರಲ್ ಆಗುತ್ತಿದೆ.

ವಿಡಿಯೋ ವೀಕ್ಷಿಸಿ: