Viral Video: ಬರೀಗೈಯಿಂದ ಹಾವು ಹಿಡಿಯುತ್ತಿರುವ ಯುವತಿಯ ವಿಡಿಯೋ ವೈರಲ್
Snake Catcher : ಮಹಾರಾಷ್ಟ್ರದ ಶ್ವೇತಾ ಸುತಾರ ವನ್ಯಪ್ರಾಣಿಗಳ ರಕ್ಷಕಿ. ಇದೀಗ ಅಂಗಡಿಯ ಗೊಡೌನ್ನಲ್ಲಿ ದೊಡ್ಡ ಹಾವನ್ನು ಬರೀಗೈಯಿಂದ ಹಿಡಿದಿದ್ದಾರೆ. ಈ ವಿಡಿಯೋ ನೋಡಿದ ಲಕ್ಷಾಂತರ ಜನರು ಈಕೆಯ ಧೈರ್ಯವನ್ನು ಮೆಚ್ಚಿದ್ದಾರೆ. ಹಾಗೆಯೇ ಈ ಸಾಹಸದಿಂದ ಅಪಾಯಕ್ಕೆ ಬೀಳದಿರಿ ಎಂದು ಬುದ್ಧಿಮಾತನ್ನೂ ಹೇಳಿದ್ಧಾರೆ. ನಿಮಗೆ ಒಳ್ಳೆಯದಾಗಲಿ ಸಹೋದರಿ ಎಂದೂ ಕೆಲವರು ಹರಿಸಿದ್ದಾರೆ.
Rat Snake: ಹಾವು ಎಂದರೆ ಅನೇಕರು ಓಡಿ ಹೋಗುವವರೇ ಹೆಚ್ಚು. ಆದರೆ ಕೆಲವರು ಮಾತ್ರ ಹಾವುಗಳನ್ನು ಉಪಾಯದಿಂದ ಅವುಗಳನ್ನು ಹಿಡಿಯುವ ಕೌಶಲ ಬೆಳೆಸಿಕೊಂಡಿರುತ್ತಾರೆ. ಇದೀಗ ವೈರಲ್ ಆಗಿರುವ ಈ ವಿಡಿಯೋ ನೋಡಿ. ಯುವತಿಯೊಬ್ಬಳು ಬರೀಗೈಯಿಂದ ಇಂಥ ದೊಡ್ಡ ಹಾವನ್ನು (Rat Snake) ರಕ್ಷಿಸಿದ್ದಾಳೆ. ಆಕೆಯ ಸುತ್ತಮುತ್ತಲಿರುವ ಜನರೆಲ್ಲ ಬೆರಗಿನಿಂದ ನೋಡುತ್ತಿದ್ದಾರೆ. ಅಂಗಡಿಯ ಗೊಡೌನ್ನಲ್ಲಿ ಹೊಕ್ಕಿದ್ದ ಈ ಹಾವನ್ನು ಹಿಡಿಯುವಲ್ಲಿ ನೆಟ್ಟಿಗರು ಈ ವಿಡಿಯೋ ನೋಡಿ ಭಲೇ ಹುಡುಗಿ ಎಂದು ಆಕೆಯ ಧೈರ್ಯ ಮತ್ತು ಆತ್ಮವಿಶ್ವಾಸವನ್ನು ಕೊಂಡಾಡುತ್ತಿದ್ದಾರೆ. ಲಕ್ಷಾಂತರ ಜನರು ಈ ವಿಡಿಯೋ ನೋಡಿ ಪ್ರತಿಕ್ರಿಯಿಸಿದ್ದಾರೆ.
ಇದನ್ನೂ ಓದಿ : Viral Video: ಸೂರತ್ನ ಬೀದಿಯಲ್ಲಿ ಕೋಟ್ಯಂತರ ಮೌಲ್ಯದ ವಜ್ರಗಳು; ಆರಿಸಿಕೊಳ್ಳಲು ಹೆಣಗಾಡುತ್ತಿರುವ ಜನ
ಈ ಯುವತಿಯ ಹೆಸರು ಶ್ವೇತಾ ಸುತಾರ್. ಈಕೆ ವನ್ಯಪ್ರಾಣಿಗಳ ರಕ್ಷಕಿ. ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಈ ವಿಡಿಯೋವನ್ನು ಸೆ. 12ರಂದು ಹಂಚಿಕೊಂಡಿದ್ದಾಳೆ. ಈತನಕ 3 ಮಿಲಿಯನ್ ಜನರು ಈ ವಿಡಿಯೋ ನೋಡಿದ್ಧಾರೆ. ಅನೇಕರು ಪ್ರತಿಕ್ರಿಯಿಸಿ, ನನ್ನ ಎದೆ ಬಡಿದುಕೊಳ್ಳುತ್ತಿದೆ, ಇದು ದುರ್ಬಲರು ನೋಡುವಂಥ ವಿಡಿಯೋ ಅಲ್ಲ ಎನ್ನುತ್ತಿದ್ದಾರೆ ಕೆಲವರು. ಧೈರ್ಯವನ್ನು ಮೆಚ್ಚಬೇಕು ಇದು ಎಲ್ಲರಿಗೂ ಸಿದ್ಧಿಸುವುದಿಲ್ಲ ಎಂದಿದ್ದಾರೆ ಇನ್ನೂ ಕೆಲವರು.
ಶ್ವೇತಾ ಸುತಾರ್ ಹಾವು ಹಿಡಿಯುತ್ತಿರುವುದು
View this post on Instagram
ಇದು ರ್ಯಾಟ್ ಸ್ನೇಕ್ ಎನ್ನಿಸುತ್ತದೆ, ಆದರೆ ಪೈಪ್ನಿಂದ ಮುಚ್ಚುವುದು ಅಪಾಯಕಾರಿ ಎಂದಿದ್ದಾರೆ ಒಬ್ಬರು. ಇದು ವಿಷಕಾರಿ ಹಾವಲ್ಲ, ಮಹಾರಾಷ್ಟ್ರದ ಸುತ್ತಮುತ್ತ ಇಂಥ ಹಾವುಗಳು ಸಾಮಾನ್ಯ. ಆದರೆ ಈ ಹುಡುಗಿ ಧೈರ್ಯ ತೋರಿರುವುದು ಮಾತ್ರ ಶ್ಲಾಘನೀಯ ಎಂದಿದ್ದಾರೆ ಇನ್ನೊಬ್ಬರು. ಸಹೋದರಿ ನಿಮ್ಮ ಸುರಕ್ಷೆಯ ಬಗ್ಗೆ ಗಮನವಿರಲಿ ಎಂದು ಅನೇಕರು ಕಾಳಜಿ ವಹಿಸಿದ್ದಾರೆ.
ಇದನ್ನೂ ಓದಿ : Viral Video: ಬೆಕ್ಕೆಂದು ಕರಿಚಿರತೆಯನ್ನು ಬೆಳೆಸಿದ ರಷ್ಯಾದ ಮಹಿಳೆ; ಸಹಾನುಭೂತಿಗೆ ಮನಸೋತ ನೆಟ್ಟಿಗರು
ಹಾವುಗಳನ್ನು ರಕ್ಷಿಸಬೇಕು, ಪರಿಸರಕ್ಕೆ ಎಲ್ಲ ಜೀವಿಗಳೂ ಬೇಕು ಎಂದಿದ್ದಾರೆ ಕೆಲವರು. ನಿಮ್ಮನ್ನು ನೋಡಿ ಹಾವೇ ಹೆದರಿಕೊಂಡಿದೆ, ನೀವೇನು ನಾಗಿನಿಯೋ ಎಂದಿದ್ದಾರೆ ಇನ್ನೊಬ್ಬರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
