Viral Video: ಹಾವುಗಳೊಂದಿಗೆ ಹಾಯಾಗಿ ನಿದ್ರಿಸುವ ಬಾಲಕಿ; ದಿಗ್ಭ್ರಾಂತರಾದ ನೆಟ್ಟಿಗರು
Snakes: ಆ್ಯರಿಯಾನಾ ಎಂಬ ಈ ಬಾಲಕಿಗೆ ಹಾವುಗಳೇ ಸರ್ವಸ್ವ. ಎದ್ದಾಗಿನಿಂದ ಮಲಗುವತನಕವಷ್ಟೇ ಅಲ್ಲ, ಮಲಗುವಾಗಲೂ. ಇನ್ಸ್ಟಾಗ್ರಾಂನಲ್ಲಿ ಈಕೆಯ ಖಾತೆಯಲ್ಲಿರುವ ವಿಡಿಯೋಗಳನ್ನು ನೋಡಿದ ನೆಟ್ಟಿಗರು ಹೌಹಾರುತ್ತಿದ್ದಾರೆ. ಯಾಕೋ ಈಕೆಯ ಈ ಪ್ಯಾಷನ್ ಅನ್ನು ಒಪ್ಪಿಕೊಳ್ಳಲು ಜಾಸ್ತಿಯೇ ಕಷ್ಟವಾಗುತ್ತಿದೆ. ಈ ವಿಡಿಯೋ ನೋಡಿಯೇ ನಾನು ನಿದ್ರೆಯಲ್ಲಿ ಭಯಬೀಳಬಹುದು ಅಂತೆಲ್ಲಾ ಹೇಳುತ್ತಿದ್ದಾರೆ. ನೀವು?
Snake Lover: ಹಾವು ಎಂದರೆ ಯಾರಿಗೆ ತಾನೇ ಭಯವಿಲ್ಲ? ನಿಗೂಢತೆ ಮತ್ತು ವಿಷಪ್ರವೃತ್ತಿಯಿಂದಾಗಿ ಎಲ್ಲರೂ ದೂರ ಓಡುವವರೇ. ಕಾಡಿನಲ್ಲಿ ವಾಸಿಸುವ ಇವುಗಳನ್ನು ಅಪರೂಪಕ್ಕೆ ಹಾವುಪ್ರಿಯರು ತಮ್ಮ ಮನೆಗಳಲ್ಲಿಟ್ಟುಕೊಂಡು ಪೋಷಿಸುತ್ತಾರೆ. ಇದೀಗ ವೈರಲ್ ಆಗಿರುವ ವಿಡಿಯೋದಲ್ಲಿ ಈ ಬಾಲಕಿಗೆ ಹಾವೆಂದರೆ ಪ್ಯಾಷನ್! ಹಾವುಗಳೇ ಸ್ನೇಹಿತರು, ಆಟಿಕೆಗಳು, ಬಂಧುಗಳೂ ಬಳಗವೂ ಎಲ್ಲವೂ. ಈ ಹಾವುಪ್ರಿಯೆ ಆ್ಯರಿಯಾನಾಳ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಆಕೆ ಹಾವುಗಳೊಂದಿಗೆ ಒಡನಾಡುವ ಸಾಕಷ್ಟು ವಿಡಿಯೋಗಳನ್ನು ನೋಡಬಹುದಾಗಿದೆ. ಆ ಪೈಕಿ ಆಕೆ ಹಾವುಗಳೊಂದಿಗೆ ಆರಾಮಾಗಿ ಅಪ್ಪಿಕೊಂಡು ಮಲಗಿರುವ ಒಂದು ವಿಡಿಯೋ ಇದೀಗ ವೈರಲ್ ಆಗಿದ್ದು ನೆಟ್ಟಿಗರನ್ನು ದಂಗುಬಡಿಸುತ್ತಿದೆ.
ಇದನ್ನೂ ಓದಿ : Viral Video: ದೆಹಲಿ; ಓವರ್ ಬ್ರಿಡ್ಜ್ ಮೆಟ್ಟಿಲುಗಳ ಮೇಲೆ ಆಟೋ ಓಡಿಸಿದ ಧೀರಚಾಲಕ
ಅನೇಕರಿಗೆ ಕನಸಿನಲ್ಲಿ ಹಾವು ಕಾಣಿಸಿಕೊಂಡರೆ ಸುಧಾರಿಸಿಕೊಳ್ಳಲು ತಿಂಗಳಾನುಗಟ್ಟಲೆ ಸಮಯ ಬೇಕು. ಆದರೆ ಈ ಬಾಲಕಿ ಮಾತ್ರ ಹಾವಿಲ್ಲದೇ ಬದುಕೇ ಇಲ್ಲ ಎಂಬಂತೆ ಅತ್ಯಂತ ತೀವ್ರವಾಗಿ ಬದುಕುತ್ತಿದ್ದಾಳೆ. 6 ದಿನಗಳ ಹಿಂದೆ ಈ ವಿಡಿಯೋ ಅನ್ನು ಪೋಸ್ಟ್ ಮಾಡಲಾಗಿದೆ. ಈತನಕ ಸುಮಾರು 3 ಮಿಲಿಯನ್ ಜನರು ನೋಡಿದ್ದಾರೆ. 77,000 ಜನರು ಲೈಕ್ ಮಾಡಿದ್ದಾರೆ. ನೂರಾರು ಜನರು ಅಚ್ಚರಿ ಮತ್ತು ಭಯದಿಂದ ಪ್ರತಿಕ್ರಿಯಿಸಿದ್ದಾರೆ.
ಹಾವುಪ್ರಿಯೆ ಆ್ಯರಿಯಾನಾ ಹಾವುಗಳೊಂದಿಗೆ ಮಲಗಿರುವ ದೃಶ್ಯ
View this post on Instagram
ಆ್ಯರಿಯಾನಾ ವಿವಿಧ ಜಾತಿಯ ದೈತ್ಯ ಹಾವುಗಳೊಂದಿಗೆ ಆಟವಾಡಿಕೊಂಡಿರುವ ಸಾಕಷ್ಟು ವಿಡಿಯೋಗಳನ್ನು ಆಕೆಯ ಇನ್ಸ್ಟಾ ಅಕೌಂಟಿನಲ್ಲಿ ನೋಡಿದ ನೆಟ್ಟಿಗರು ನಿಜಕ್ಕೂ ಗಾಬರಿಗೆ ಬಿದ್ದಿದ್ದಾರೆ. ಅದು ಹೇಗೆ ಇವಳಿಗೆ ಈ ಹುಚ್ಚು ಆವರಿಸಿತು ಎಂದು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಆ್ಯರಿಯಾನಾಳ ಅಪ್ಪ ಹಾವುಗಳ ವ್ಯಾಪಾರಿಯಾಗಿದ್ದಾರೆ. ಹಾಗಾಗಿ ಸಹಜವಾಗಿಯೇ ಆಕೆ ಅವುಗಳೊಂದಿಗೆ ನಿರ್ಭಯವಾಗಿ ಒಡನಾಡುವುದನ್ನು ರೂಢಿಸಿಕೊಂಡಿದ್ದಾಳೆ.
ಆ್ಯರಿಯಾನಾ ಮತ್ತವಳ ಸ್ನೇಹಿತರ ಮತ್ತೊಂದು ವಿಡಿಯೋ ನೋಡಿ
View this post on Instagram
ಯಾಕೋ ಇದು ನನಗಂತೂ ತುಸು ಹೆಚ್ಚೇ ವಿಚಿತ್ರ ಮತ್ತು ವಿಲಕ್ಷಣ ಎನ್ನಿಸುತ್ತಿದೆ ಎಂದು ಒಬ್ಬರು. ಅಯ್ಯೋ ನನಗೆ ಹೀಗಿರಲು ಈ ಜನ್ಮದಲ್ಲಿ ಸಾಧ್ಯವಿಲ್ಲ ಎಂದು ಇನ್ನೊಬ್ಬರು. ಇದು ಮೂರ್ಖತನದ ಪರಮಾವಧಿ ಎಂದು ಮತ್ತೊಬ್ಬರು. ಇದು ನಿಜಕ್ಕೂ ಮನಸ್ಸಿಗೆ ಕಿರಿಕಿರಿ ಮಾಡುವಂತಿದೆ ಎಂದು ಮಗದೊಬ್ಬರು. ಹೀಗೆ ಅನೇಕರು ಈಕೆಯ ವಿಡಿಯೋಗಳನ್ನು ನೋಡಿ ಭಯಭೀತರಾದವರೇ ಹೆಚ್ಚು.
ಈ ವಿಷಯವಾಗಿ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
