Viral Video: ‘ಕಚ್ಚಾ ಬದಾಮ್’ ಹಾಡಿಗೆ ಹೆಜ್ಜೆ ಹಾಕಿದ ಪಾಕಿಸ್ತಾನದ ಪೋರ
Kacha Badam: ನನ್ನ ಮದುವೆಯಲ್ಲಿ ನೀ ಡ್ಯಾನ್ಸ್ ಮಾಡಲೇಬೇಕು ಎಂದು ಕೆಲವರು. ನಿನಗೆ ಒಳ್ಳೆಯ ಭವಿಷ್ಯವಿದೆ ಎಂದು ಹಲವರು ಈ ಮಗುವಿಗೆ ಹೇಳುತ್ತಿದ್ದಾರೆ. ಅಂಥ ವಿಶೇಷ ಏನಿದೆ ಈ ಮಗುವಿನ ನೃತ್ಯದಲ್ಲಿ? ನೀವೇ ನೋಡಿ.
Kaccha Badam: ಮಕ್ಕಳು ಏನು ಮಾಡಿದರೂ ಛಂದವೇ. ಅದರಲ್ಲೂ ತಾಳಕ್ಕೆ ತಕ್ಕಂತೆ ಕುಣಿದು ಭಾವಾಭಿನಯ ಮಾಡಿದರಂತೂ ಮತ್ತೂ ಛಂದ. ಇದೀಗ ವೈರಲ್ ಆಗಿರುವ ಈ ವಿಡಿಯೋ ಗಮನಿಸಿ. ಪಾಕಿಸ್ತಾನದ ಈ ಪುಟ್ಟಪೋರ ಕಚ್ಚಾ ಬದಾಮ್ ಹಾಡಿಗೆ ಹೆಜ್ಜೆ ಹಾಕಿದ್ದಾನೆ. 2022ರಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ಸೆಲೆಬ್ರಿಟಿಗಳಿಂದ ಹಿಡಿದು ಜನಸಾಮಾನ್ಯರವರೆಗೂ ಈ ಹಾಡು ಗುಂಗು ಹಿಡಿಸಿತ್ತು. ಲಕ್ಷಾಂತರ ವಿಡಿಯೋ ರೀಲ್ಗಳು ಅಪ್ಲೋಡ್ ಆದವು. ಇದೀಗ ಮತ್ತೆ ಈ ಹಾಡು ಚಾಲ್ತಿಯಲ್ಲಿದೆ. ಈತನಕ 4 ಲಕ್ಷಕ್ಕೂ ಹೆಚ್ಚು ಜನರು ಈ ವಿಡಿಯೋ ನೋಡಿದ್ದಾರೆ.
ವೈಭವೋಪೇತವಾಗಿ ಮದುವೆಯೊಂದು ನಡೆಯುತ್ತಿದೆ. ಈ ಸಂದರ್ಭದಲ್ಲಿ ಈ ಪುಟ್ಟ ಹೆಜ್ಜೆ ಹಾಕಿದ್ದಾನೆ. ಸುತ್ತಮುತ್ತಲಿನವರೆಲ್ಲರೂ ಇವನ ಪ್ರತಿಭೆಯಿಂದ ಪುಳಕಿತರಾಗಿದ್ದಾರೆ. ಸಾವಿರಾರು ಜನರು ಪ್ರತಿಕ್ರಿಯಿಸಿದ್ದಾರೆ. ಈ ಥರ ನರ್ತಿಸಿದರೆ ಈ ಮಗು ಯಾರದೆಂದು ಕೇಳುವುದು ಖಂಡಿತ! ಚೆನ್ನಾಗಿ ನರ್ತಿಸಿದ್ದೀಯಾ ನಿನಗೆ ಒಳ್ಳೆಯದಾಗಲಿ ಎಂದಿದ್ದಾರೆ ಒಬ್ಬರು. ಓಹ್ ಇನ್ನೇನು 1 ಮಿಲಿಯನ್ಗೆ ಈ ವಿಡಿಯೋ ತಲುಪುತ್ತಿದೆ ಎಂದಿದ್ದಾರೆ ಮತ್ತೊಬ್ಬರು.
ಇದನ್ನೂ ಓದಿ : Viral: ಪ್ರಾಣಿಲೋಕದ ಬುದ್ಧಿಮತ್ತೆ, ಸಂವಹನಾ ಸಾಮರ್ಥ್ಯಕ್ಕೆ ಇದಕ್ಕಿಂತ ದಂಗುಬಡಿಸುವ ಉದಾಹರಣೆ ಬೇಕೆ?
ನನ್ನ ಮದುವೆಯಲ್ಲಿಯೂ ಈ ಮಗು ಹೀಗೆಯೇ ನರ್ತಿಸಬೇಕು ಎಂದು ಕೆಲವರು ಹೇಳುತ್ತಿದ್ದಾರೆ. ಪಾಕಿಸ್ತಾನದ ರಿಯಾಲಿಟಿ ಷೋದಿಂದ ಈ ಮಗುವಿಗೆ ಆಹ್ವಾನ ಬರುತ್ತದೆ ಎನ್ನಿಸುತ್ತಿದೆ ಎಂದು ಮತ್ತೊಬ್ಬರು ಹೇಳಿದ್ದಾರೆ. ಈ ಮಗುವಿಗೆ ಹುಟ್ಟಿನಿಂದಲೇ ನೃತ್ಯ ಮೈಗೂಡಿದೆ ಎನ್ನಿಸುತ್ತದೆ ಎಂದು ಮಗದೊಬ್ಬರು ಹೇಳಿದ್ದಾರೆ. ಬಹಳ ಮುದ್ದಾಗಿದೆ ಈ ಮಗು, ಡ್ಯಾನ್ಸ್ ಮತ್ತು ಆ್ಯಕ್ಟಿಂಗ್ನಲ್ಲಿ ಇದಕ್ಕೆ ಭವಿಷ್ಯವಿದೆ ಎಂದು ಅನೇಕರು ಹೇಳಿದ್ದಾರೆ.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
