Viral Video: ಹೀಲ್ಸ್ ಮತ್ತು ಸ್ಕರ್ಟ್ನಲ್ಲಿ ಡ್ಯಾನ್ಸ್ ಮಾಡಿದ ಪುರುಷ
High Heels ; ''ಹುಡುಗಿಯಾಗಿ ನನಗೆ ಹೈಹೀಲ್ಸ್ ಧರಿಸಿ ನಡೆಯೋದಕ್ಕೆ ಬರುವುದಿಲ್ಲ. ಅಂಥದ್ದರಲ್ಲಿ ಇವರು ಸ್ಕರ್ಟ್ ಮತ್ತು ಹೈಹೀಲ್ಸ್ ಹಾಕಿ ಎಷ್ಟೊಂದು ಸುಂದರವಾಗಿ ನರ್ತಿಸಿದ್ದಾರೆ!''
Updated on:Jul 17, 2023 | 10:48 AM
Dance : 2022ರ ಡಿಸೆಂಬರ್ನಲ್ಲಿ ಬಿಡುಗಡೆಯಾದ ‘ವೈಟ್ ಬ್ರೌನ್ ಬ್ಲ್ಯಾಕ್’ (White Brown Black) ಪಂಜಾಬಿ ಹಾಡನ್ನು ಕರಣ್ ಔಜ್ಲಾ, ಆ್ಯವಿ ಸ್ರಾ ಮತ್ತು ಜಾನಿ ಹಾಡಿದ್ದಾರೆ. ಕಳೆದ ಒಂದು ವರ್ಷದಿಂದ ಈ ಹಾಡು ಪಾರ್ಟಿಗಳಲ್ಲಿ ಮತ್ತು ವೇದಿಕೆಯ ಮೇಲೆ ಮಾಮೂಲಾಗಿದೆ. ಈ ಹಾಡಿಗೆ ಇದೀಗ ಎನ್ ಲೈ ಎಂಬ ಯುವಕ ಹೆಜ್ಜೆ ಹಾಕಿದ್ದಾನೆ. ಬರೀ ಹೆಜ್ಜೆ ಹಾಕಿದ್ದರೆ ಸುದ್ದಿಯಾಗುತ್ತಿರಲಿಲ್ಲ. ಸ್ಕರ್ಟ್ ಮತ್ತು ಹೈಹೀಲ್ಸ್ ಲ್ಸ್ ಧರಿಸಿ ಲೀಲಾಜಾಲವಾಗಿ ನರ್ತಿಸಿದ್ದರಿಂದ ವೈರಲ್ ಆಗಿದೆ. ಈತನ ನರ್ತನಾ ಕೌಶಲಕ್ಕೆ ನೆಟ್ಟಿಗರು ಶಭಾಷ್ ಎನ್ನುತ್ತಿದ್ದಾರೆ.
ಮೇ 24ರಂದು ಈ ವಿಡಿಯೋ ಅನ್ನು ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಲಾಗಿದೆ. ಈತನಕ 4 ಮಿಲಿಯನ್ ಜನರು ಈ ವಿಡಿಯೋ ನೋಡಿದ್ದಾರೆ. ಸುಮಾರು 1.6 ಲಕ್ಷ ಜನರು ಇದನ್ನು ಲೈಕ್ ಮಾಡಿದ್ದಾರೆ. ಸಾವಿರಾರು ಜನರು ಪ್ರತಿಕ್ರಿಯಿಸಿದ್ದಾರೆ. ಈ ಹಾಡು ಮತ್ತು ನೀವಿದಕ್ಕೆ ಹೆಜ್ಜೆ ಹಾಕಿರುವ ರೀತಿ ಬಹಳ ಆಕರ್ಷಕವಾಗಿದೆ ಎಂದಿದ್ದಾರೆ ಅನೇಕರು. ನಾನಂತೂ ಮೂಕವಿಸ್ಮಿತನಾಗಿದ್ದೇನೆ ಎಂದಿದ್ದಾರೆ ಕೆಲವರು.
ಇದನ್ನೂ ಓದಿ : Viral Video: ನಮ್ಮೇಲ್ ನಿಮ್ಗೆ ವಿಶ್ವಾಸ ಇದೆಯಲ್ವಾ?; ಸಿಎಂ ಹಳೆಯ ಭಾಷಣಕ್ಕೆ ಲಿಪ್ಸಿಂಕ್ ಮಾಡಿದ ಯುವಕ
ಹುಡುಗಿಯಾದ ನನಗೆ ಹೈಹೀಲ್ಸ್ ಹಾಕಿಕೊಂಡು ನಡೆಯಲಿಕ್ಕೇ ಬರುವುದಿಲ್ಲ. ಅಂಥದ್ದರಲ್ಲಿ ಈ ಪುರುಷ ನರ್ತಿಸುತ್ತಿದ್ದಾನೆ ಎಂದರೆ, ಅಬ್ಬಾ ಗ್ರೇಟ್! ಎಂದಿದ್ದಾರೆ ಮತ್ತೊಬ್ಬರು. ನೀವು ಮಾಡಿರುವ ನೃತ್ಯ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಗಮನ ಸೆಳೆಯುವ ಹಾಗಿದೆ, ಇಂಥ ನೃತ್ಯಶಿಕ್ಷಕರು ಇಂದು ಬೇಕು ಎಂದಿದ್ಧಾರೆ ಮಗದೊಬ್ಬರು. ನನಗೆ ಇನ್ನೇನೂ ಬೇಡ, ಈ ಹುಡುಗ ಬೇಕು! ಎಂದಿದ್ದಾರೆ ಇನ್ನೂ ಒಬ್ಬರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 10:45 am, Mon, 17 July 23
