Viral Video: ಸೀರೆಯುಟ್ಟು ಹೈಹೀಲ್ಸ್ ಧರಿಸಿ ನೃತ್ಯ ಮಾಡಿದ ಮಹಿಳೆಯ ವಿಡಿಯೋ ವೈರಲ್

Viral: ನರ್ತಿಸುವುದು ಎಲ್ಲರಿಗೂ ಸಿದ್ಧಿಸುವಂಥದ್ದಲ್ಲ. ಅದು ನಿರಂತರ ಪರಿಶ್ರಮ, ಅಭ್ಯಾಸ ಬೇಡುವಂಥ ಕಲೆ. ಆದರೂ ನರ್ತಿಸಬೇಕೆನ್ನುವ (Dance) ಆಸೆಯಂತೂ ಸಾಮಾನ್ಯವಾಗಿ ಎಲ್ಲರಿಗೂ ಇದ್ದೇ ಇರುತ್ತದೆ. ಸಂದರ್ಭಕ್ಕಾಗಿ ಕಾಯಲಾಗುತ್ತಿರುತ್ತದೆ. ಈಗಿಲ್ಲಿ ಈ ಮಹಿಳೆಯನ್ನು ಗಮನಿಸಿ. ಸೀರೆಯುಟ್ಟು ಹೈಹೀಲ್ಸ್ (High Heels)​ ಧರಿಸಿ ನರ್ತಿಸಿದ್ದಾಳೆ. ಪಾರ್ಟಿಯಲ್ಲಿರುವ ಜನರೆಲ್ಲ ಚಪ್ಪಾಳೆ ತಟ್ಟಿ ಆಕೆಯನ್ನು ಪ್ರೋತ್ಸಾಹಿಸುತ್ತಿದ್ದಾರೆ.

View this post on Instagram

A post shared by nepalhiphopfoundation01@gmail. (@nepalhiphopfoundation01)

ಜೀನ್ಸ್ ಹಾಕಿ ಮಾಡುವ ನೃತ್ಯವನ್ನು ಈಕೆ ಸೀರೆಯಲ್ಲಿ ಮಾಡುತ್ತಿದ್ದಾಳಲ್ಲ ಎಂದು ನೆಟ್ಟಿಗರು ಅಚ್ಚರಿ ವ್ಯಕ್ತಪಡಿಸುತ್ತಿದ್ದಾರೆ. ಸೀರೆ ಉಟ್ಟರೆ ನನಗೆ ನೆಟ್ಟಗೆ ನಡೆಯಲು ಬರುವುದಿಲ್ಲ ಇನ್ನು ಸೀರೆಯುಟ್ಟು, ಹೈಹೀಲ್ಸ್​ ಧರಿಸಿ ಇಷ್ಟು ವೇಗದಲ್ಲಿ ನರ್ತಿಸುವುದೆಂದರೆ ಅಚ್ಚರಿಯಾಗುತ್ತಿದೆ ಎಂದಿದ್ದಾರೆ ಒಬ್ಬರು. ಅಬ್ಬಾ ಆಕೆಯ ಹೀಲ್ಸ್​ ನೋಡಿ ನನಗೆ ಆಘಾತ ಉಂಟಾಗುತ್ತಿದೆ ಎಂದು ಇನ್ನೊಬ್ಬರು ಹೇಳಿದ್ದಾರೆ.

ಇದನ್ನೂ ಓದಿ : Viral Video: ಹೀಗೊಂದು ಟ್ವಿಸ್ಟ್​ ಈ ವಿಡಿಯೋಗಿರಬಹುದು ಎಂದು ನೀವು ಊಹಿಸಲಾರಿರಿ

ಆಹಾ ಇವರ ಈ ನೃತ್ಯದಿಂದ ನಾನು ಉಲ್ಲಾಸಗೊಂಡಿದ್ದೇನೆ ಎಂದು ಮತ್ತೊಬ್ಬರು ಹೇಳಿದ್ದಾರೆ. ನನಗೂ ಹೀಗೆ ಹೀಲ್ಸ್ ಹಾಕಿಕೊಂಡು ಸೀರೆಯುಟ್ಟು ನರ್ತಿಸಬೇಕು ಎನ್ನಿಸುತ್ತಿದೆ ಎನ್ನುತ್ತಿದ್ದಾರೆ ಮಗದೊಬ್ಬರು. ಈಕೆ ಹೀಗೆ ಸಂಪ್ರದಾಯವನ್ನು ಮುರಿಯುತ್ತಿರುವುದು ಆಸಕ್ತಿಕರವಾಗಿದೆ ಎಂದು ಇನ್ನೂ ಒಬ್ಬರು ತಮ್ಮ ಬೆಂಬಲವನ್ನು ಸೂಚಿಸಿದ್ದಾರೆ.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ 

Published On - 12:19 pm, Thu, 1 June 23