Viral: ಜಪಾನ್; ‘ನಾನಿನ್ನು ನಾಯಿಯಂತೆ ಬದುಕಲಾರೆ’ ನಾಯಿವೇಷಕ್ಕಾಗಿ ಈತ ರೂ 12 ಲಕ್ಷ ವ್ಯಯಿಸಿದ್ದ
Dogman : ಒಂದು ವರ್ಷದಿಂದ ಸಾಮಾಜಿಕ ಜಾಲತಾಣಿಗರ ಪ್ರೀತಿ ಗಳಿಸಿದ್ದ ಜಪಾನಿನ ಟೋಕೊ ಎಂಬ ನಾಯಿ ವೇಷಧಾರಿ ಮನುಷ್ಯ ಇದೀಗ ಮಹತ್ತರ ನಿರ್ಧಾರವೊಂದನ್ನು ತೆಗೆದುಕೊಂಡಿದ್ದಾನೆ. ಇನ್ನು ಮುಂದೆ ತಾನು ನಾಯಿ ವೇಷ ಧರಿಸಲಾರೆ. ತನ್ನ ಜೀವಮಾನದ ಈ ಕನಸನ್ನು ನನಸಾಗಿಸಲು ಈಡೇರಿಸಿದ ಎಲ್ಲರಿಗೂ ಧನ್ಯವಾದ ಎಂದು ಹೇಳಿದ್ದಾನೆ. ಈ ಹಠಾತ್ ನಿರ್ಧಾರಕ್ಕೆ ಕಾರಣವೇನು? ಓದಿ .
Updated on:Aug 14, 2023 | 1:47 PM
Japan : ‘ನನ್ನ ಜೀವಮಾನದ ಕನಸು ನನಸಾಯಿತು, ನಾನು ನಾಯಿಯಂತೆ ಕಾಣಿಸಿಕೊಳ್ಳಬೇಕೆನ್ನುವ ತೀವ್ರ ಹಂಬಲ ನೆರವೇರಿತು’ ಎಂದು ಸಾರ್ವಜನಿಕ ಉದ್ಯಾನದಲ್ಲಿ ಓಡಾಡಿದ್ದ ಟೋಕೊ ಎಂಬ (Toco, Border Collie) ನಾಯಿವೇಷಧಾರಿಯ ವಿಡಿಯೋ ವೈರಲ್ ಆದ ಸುದ್ದಿಯನ್ನು ಇದೇ ತಾಣದಲ್ಲಿ ಓದಿದ್ದಿರಿ ಮತ್ತು ವಿಡಿಯೋ ಕೂಡ ನೋಡಿದ್ದಿರಿ. ರೂ. 12 ಲಕ್ಷ ಖರ್ಚು ಮಾಡಿ ನಾಯಿಯ ವೇಷವನ್ನು ಖರೀದಿಸಿದ್ದ ಈತ ವಾರಕ್ಕೊಮ್ಮೆ ಆ ವೇಷ ಧರಿಸಿ ನಾಯಿಯಂತೆ ರೂಪಾಂತರಗೊಂಡು ತನ್ನನ್ನು ತಾನು ಸಮಾಧಾನಪಡಿಸಿಕೊಳ್ಳುತ್ತಿದ್ದ. ಆದರೆ ಇದೀಗ ಇದ್ದಕ್ಕಿದ್ದಂತೆ ಈ ‘ನಾಯಿಬದುಕು’ ತನಗೆ ಬೇಡ ಎಂದು ತೀರ್ಮಾನಿಸಿದ್ದಾನೆ!
ಇದನ್ನೂ ಓದಿ : Viral: ‘ನನ್ನ ಮಲಮಗ ತನ್ನ ಸ್ನೇಹಿತರೆದುರು ನನ್ನನ್ನು ಮೊದಲ ಸಲ ಅಪ್ಪಾ ಎಂದು ಕರೆದಾಗ’
ನ್ಯೂಯಾರ್ಕ್ ವರದಿಯ ಪ್ರಕಾರ, ಟೋಕೊ ಈತನಕ ತನ್ನ ನಿಜವಾದ ಹೆಸರನ್ನು ಬಹಿರಂಗಪಡಿಸಿಲ್ಲ. ಅಕಸ್ಮಾತ್ ತಾನು ಹೆಸರನ್ನು ಬಹಿರಂಗಪಡಿಸಿದರೆ ತನ್ನ ಸಹೋದ್ಯೋಗಿಗಳು ತನ್ನನ್ನು ವಿಚಿತ್ರವಾಗಿ ಕಾಣಬಹುದು ಎಂದು ಈ ಹಿಂದೆ ಪತ್ರಕರ್ತರೆದುರು ಹೇಳಿಕೊಂಡಿದ್ದ. ಇವನ ಈ ಬಯಕೆ ಮೊದಲಿಗೆ ಪೋಷಕರಿಗೆ ಆಘಾತ ತಂದಿತ್ತು. ಆದರೂ ಅವನ ಆಸೆಗೆ ಬೆಂಬಲಿಸಿದ್ದರು. ಮೊದಲಿಗೆ ವಾರಾಂತ್ಯದಲ್ಲಿ ಮನೆಯಲ್ಲಿಯೇ ನಾಯಿವೇಷ ಧರಿಸಿರುತ್ತಿದ್ದ ಈತನಿಗೆ ಸಾರ್ವಜನಿಕವಾಗಿ ಕಾಣಿಸಿಕೊಳ್ಳಬೇಕೆಂಬ ಬಯಕೆ ಉಂಟಾದಾಗ ಅದನ್ನೂ ಈಡೇರಿಸಿದರು.
ಟೋಕೊ ಉದ್ಯಾನಕ್ಕೆ ಹೋದ ವಿಡಿಯೋ ಇಲ್ಲಿದೆ
ಟಿವಿ ಜಾಹೀರಾತು, ಸಿನೆಮಾಗಳಿಗೆ ವೇಷಭೂಷಣ ತಯಾರಿಸುವ ಜಪಾನಿನ ಕಂಪೆನಿ ಝೆಪೆಟ್ಟೋ ಟೋಕೊಗೆ ವೇಷ ತಯಾರಿಸಿದ್ದನ್ನು ಇಲ್ಲಿ ಸ್ಮರಿಸಬಹುದು. ಇದನ್ನು ನೋಡಿದ ನೆಟ್ಟಿಗರು, ಖಂಡಿತ ಟೋಕೋ ನಿಜವಾದ ನಾಯಿಯಂತೆಯೇ ಕಾಣುತ್ತದೆ, ಮನುಷ್ಯನೆಂದು ಹೇಳಲು ಸಾಧ್ಯವೇ ಇಲ್ಲ ಎಂದು ಪ್ರೋತ್ಸಾಹಿಸಿದ್ದರು. ಆದರೆ ಇದೀಗ ಅಮೆರಿಕದ ಕೆನಲ್ ಕ್ಲಬ್ನ (American Kennel Club) ನ್ಯಾಯಾಧೀಶರು ಟೋಕೊ ವಿಷಯವಾಗಿ ಟೀಕಿಸಿದ್ದು ಟೋಕೊ ವೇಷಧಾರಿ ಯುವಕನಿಗೆ ಬೇಸರ ಮೂಡಿಸಿದೆ.
ಇದನ್ನೂ ಓದಿ : Viral Video: ಬೆನ್ನಿಗೆ ನಿಲ್ಲುವುದು ಎಂದರೆ ಇದೇ; ಇವರಿಬ್ಬರ ಬದುಕೀಗ ಮತ್ತೆ ಮೊದಲಿನಂತೆ
ತನಗಿರುವ ಪ್ರಾಣಿಪ್ರೇಮ ಮತ್ತು ತಾನು ನಾಯಿಯಂತೆ ವೇಷ ಧರಿಸುವುದು ತನಗೆ ಮತ್ತು ತನ್ನ ಅಭಿಮಾನಿಗಳಿಗೆ ಸಂತೋಷವನ್ನು ನೀಡುತ್ತದೆ ಎಂದು ನ್ಯಾಯಾಧೀಶರ ಮುಂದೆ ಸಮರ್ಥಿಸಿಕೊಂಡನಾದರೂ ಯೂಟ್ಯೂಬ್ನಿಂದ ತಾನು ಗಳಿಸುತ್ತಿರುವ ಹಣದ ಬಗ್ಗೆ ನಿಖರವಾದ ಮಾಹಿತಿಯನ್ನು ಬಿಟ್ಟುಕೊಟ್ಟಿಲ್ಲ. ಅಲ್ಲದೇ ಇದೀಗ ಇವನ ಯೂಟ್ಯೂಬ್ ಚಂದಾದಾರರ ಸಂಖ್ಯೆ 51,000ಕ್ಕೆ ಏರಿದೆ. ಈ ಎಲ್ಲಾ ಬೆಳವಣಿಗೆಗಳಿಂದಾಗಿ ಈತ ಇದೀಗ ತನಗೆ ಖುಷಿ ನೀಡುತ್ತಿದ್ದ ಹವ್ಯಾಸವನ್ನು ತೊರೆಯಲು ಸಿದ್ಧನಾಗಿದ್ದಾನೆ. ಒಂದು ವರ್ಷದಿಂದ ತನ್ನ ಈ ಆಸೆಯನ್ನು ಬೆಂಬಲಿಸಿದ ಝೆಪೆಟ್ಟೋ ಕಂಪೆನಿ, ಮಾಧ್ಯಮಗಳು, ಪೋಷಕರು ಮತ್ತು ಯೂಟ್ಯೂಬ್ ಫಾಲೋವರ್ಸ್ಗೆ ಈ ಸಂದರ್ಭದಲ್ಲಿ ಈತ ಧನ್ಯವಾದ ಅರ್ಪಿಸಿದ್ದಾನೆ.
ಇದನ್ನು ಓದಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 1:36 pm, Mon, 14 August 23
