Viral Video: ‘ಮೊದಲ ಸಲ ಉದ್ಯಾನಕ್ಕೆ ಬಂದ ಟೋಕೋ’ ನಾಯಿಯಾಗಲು ರೂ 12 ಲಕ್ಷ ವ್ಯಯಿಸಿದ ಜಪಾನಿಗ
Toco : 'ಹೊರಗೆ ಕಾಲಿಡಲು ಆರಂಭದಲ್ಲಿ ಭಯವಾಯಿತು. ಆದರೆ ಉದ್ಯಾನದಲ್ಲಿ ಜನರು ನನ್ನನ್ನು ಪ್ರೀತಿಯಿಂದ ಕಾಣತೊಡಗಿದರು, ಒಂದಿಷ್ಟು ನಾಯಿಗಳೂ ಸ್ನೇಹ ಹಸ್ತ ಚಾಚಿದವು. ಅಂತೂ ನನ್ನ ಜೀವಮಾನದ ಕನಸು ಈಡೇರಿದೆ'
Japan : ಪ್ರತಿಯೊಬ್ಬರಿಗೂ ಜೀವಮಾನದಲ್ಲಿ ಕನಸುಗಳು ಇದ್ದೇ ಇರುತ್ತವೆ. ಸಾಧ್ಯವಾದಷ್ಟು ಕನಸುಗಳು ವಾಸ್ತವಕ್ಕೆ ಹತ್ತಿರವಾಗಿಯೇ ಇರುತ್ತವೆ. ಇನ್ನುಳಿದವು ಅವಾಸ್ತವ. ಆದರೆ ಈ ಅವಾಸ್ತವಿಕ ಕನಸುಗಳನ್ನೂ ಸಹ ಕೆಲವರು ನನಸಾಗಿಸಿಕೊಳ್ಳುತ್ತಾರೆಂದರೆ!? ಜಪಾನಿನ ವ್ಯಕ್ತಿಯೊಬ್ಬ ತನ್ನ ಜೀವಮಾನದ ಕನಸನ್ನು ನನಸು ಮಾಡಿಕೊಂಡು ಇದೀಗ ಭಾರೀ ಸುದ್ದಿಯಲ್ಲಿದ್ದಾನೆ. ತಾನು ನಾಯಿಯಂತೆ ಕಾಣಿಸಿಕೊಳ್ಳಬೇಕೆನ್ನುವ ತೀವ್ರ ಹಂಬಲವನ್ನು ನೆರವೇರಿಸಿಕೊಳ್ಳಲು ಆತ ಖರ್ಚು ಮಾಡಿದ್ದು ಬರೋಬ್ಬರಿ ರೂ. 12 ಲಕ್ಷ! ಟೋಕೋ (Toco, Border Collie) ತನ್ನ ಪೋಷಕರ ಜೊತೆ ಅಂತೂ ಸಾರ್ವಜನಿಕ ಉದ್ಯಾನದಲ್ಲಿ ಓಡಾಡಿಕೊಂಡು ಫೋಟೋ ವಿಡಿಯೋ ಮಾಡಿಸಿಕೊಂಡು ಒಂದಿಷ್ಟು ನಾಯಿಗಳೊಂದಿಗೆ ಗೆಳೆತನವನ್ನೂ ಕುದುರಿಸಿಕೊಂಡು ಬಂದಿದ್ದಾನೆ.
ಯೂಟ್ಯೂಬ್ನಲ್ಲಿ 30,000 ಸಬ್ಸ್ಕ್ರೈಬರ್ಸ್ ಹೊಂದಿರುವ ಟೋಕೋ ಉದ್ಯಾನದಲ್ಲಿ ಮೋಜು ಮಾಡುತ್ತ, ಆಹಾರಕ್ಕಾಗಿ ಸರ್ಕಸ್ಸು ಮಾಡುತ್ತ ನೆಟ್ಟಿಗರ ಗಮನ ಸೆಳೆದಿದ್ದಾನೆ. ಉದ್ಯಾನದಲ್ಲಿರುವ ಜನರು ಇವನನ್ನು ಅಚ್ಚರಿಯಿಂದ ನೋಡಿದ್ಧಾರೆ. ಇವ ನಮ್ಮವನೇ! ಎಂದು ನಾಯಿಗಳು ಹತ್ತಿರ ಬಂದು ಆಪ್ತತೆ ತೋರಿಸಿವೆ. ಚಿಕ್ಕಂದಿನಿಂದಲೂ ನಾನು ಪ್ರಾಣಿಯಾಗಬೇಕು ಎಂಬ ಕನಸನ್ನು ಹೊಂದಿದ್ದೆ. ಅದೀಗ ನನಸಾಗಿದೆ ಎಂದಿದ್ದಾನೆ.
ಇದನ್ನೂ ಓದಿ : Viral Video: ಕಾವಾಲಾ; ತಮನ್ನಾಗೇ ಕಾಂಪಿಟಿಷನ್ನು ಬ್ರೋ; ಮಂಡೇ ಬ್ಲ್ಯೂಸ್ ಮಂಡೆಯಿಂದಾನೇ ಮಾಯ!
ನಾನು ನಾಯಿಯಾಗಿ ರೂಪಾಂತರಗೊಳ್ಳುವುದು ನನ್ನ ಸಹೋದ್ಯೋಗಿಗಳಿಗೆ ವಿಚಿತ್ರವೆನ್ನಿಸುತ್ತದೆ. ಹಾಗಾಗಿ ಅವರಿಗೆ ತಿಳಿಯಬಾರದೆಂದೇ ನಾನು ನನ್ನ ಮುಖವನ್ನು ಬಹಿರಂಗಪಡಿಸಲಾರೆ ಎಂದು ಪತ್ರಕರ್ತರಿಗೆ ಟೋಕೋ ತಿಳಿಸಿದ್ದಾನೆ. ಟೋಕೋನ ಬಗ್ಗೆ ಆತನ ಕುಟುಂಬದವರು ಮೊದಲಿಗೆ ಆಘಾತ ವ್ಯಕ್ತಪಡಿಸಿದರು. ಟೋಕೋ ಕೂಡ ಸಾರ್ವಜನಿಕವಾಗಿ ಕಾಣಿಸಿಕೊಳ್ಳುವಲ್ಲಿ ಭಯಗೊಂಡ.
ಇದನ್ನೂ ಓದಿ : Viral Video: ಟ್ವಿಟರ್ ಪ್ರಧಾನ ಕಚೇರಿಯ ಮೇಲೆ ಎಕ್ಸ್ ಲೋಗೋ; ಭವಿಷ್ಯ ಉಜ್ವಲವಾಗಿದೆ ಎಂದ ನೆಟ್ಟಿಗರು
ಟಿವಿ ಜಾಹೀರಾತು, ಸಿನೆಮಾಗಳಿಗೆ ವೇಷಭೂಷಣ ತಯಾರಿಸುವ ಜಪಾನಿನ ಕಂಪೆನಿ ಝೆಪೆಟ್ಟೋ ಟೊಕೊಗೆ ನಾಯಿಯ ವೇಷವನ್ನು ವಿನ್ಯಾಸ ಮಾಡಿದೆ. ಇದನ್ನು ನೋಡಿದ ನೆಟ್ಟಿಗರು, ಖಂಡಿತ ಇದು ನಾಯಿಯಂತೆಯೇ ಕಾಣುತ್ತದೆ. ಮನುಷ್ಯನೆಂದು ಹೇಳಲು ಸಾಧ್ಯವೇ ಇಲ್ಲ ಎಂದಿದ್ದಾರೆ. ನೀವೇನಂತೀರಿ?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
