Viral Video: ಇಲಾಖೆಯ ಕಾರು, ಸಮವಸ್ತ್ರ ಬಳಸಿಕೊಂಡು ಡಿಫರೆಂಟ್​​ ಪ್ರಿ ವೆಡ್ಡಿಂಗ್​​ ಶೂಟ್​​ ಮಾಡಿಸಿಕೊಂಡ ಪೊಲೀಸ್​​​ ದಂಪತಿ

ಹೈದರಾಬಾದ್‌ನ ಪೊಲೀಸ್​​​ ದಂಪತಿ ಮದುವೆ ಪ್ರಿ ವೆಡ್ಡಿಂಗ್​​ ಶೂಟ್ (pre-wedding shoot)​​​​​ ಇದೀಗ ವೈರಲ್​​ ಆಗಿದ್ದು, ಭಾರೀ ಚರ್ಚೆಗೆ ಕಾರಣವಾಗಿದೆ. ಒಂದೇ ಪೊಲೀಸ್ ಠಾಣೆಯಲ್ಲಿ ಸೇವೆ ಸಲ್ಲಿಸುತ್ತಿರುವ ಈ ದಂಪತಿಗಳು ತಮ್ಮ ಪ್ರಿ ವೆಡ್ಡಿಂಗ್​​ ಶೂಟ್​​​​ನಲ್ಲಿ ಇಲಾಖೆಯ ಸಮವಸ್ತ್ರವನ್ನು ಬಳಸಿಕೊಂಡಿದಲ್ಲದೆ. ಇಲಾಖೆ ಕಾರುಗಳನ್ನು ಕೂಡ ದುರ್ಬಳಕೆ ಮಾಡಿಕೊಂಡಿದ್ದಾರೆ ಎಂದು ಹೇಳಲಾಗಿದೆ. ಇದೀಗ ಈ ಪ್ರಿ ವೆಡ್ಡಿಂಗ್​​ ಶೂಟ್​​ ವಿಡಿಯೋ ಎಲ್ಲ ಕಡೆ ವೈರಲ್​​ ಆಗಿದೆ. ಆದರೆ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​​​ ಆಗುತ್ತಿದ್ದಂತೆ ಮಿಶ್ರ ಪ್ರಕ್ರಿಯೆಗಳು ಬಂದಿದೆ. ಕೆಲವರು ಈ ಇಬ್ಬರು ಅಧಿಕಾರವನ್ನು ದುರುಪಯೋಗ ಮಾಡಿಕೊಂಡಿದ್ದಾರೆ ಎಂದು ಹೇಳಿದರೆ, ಇನ್ನು ಕೆಲವರು ತುಂಬಾ ಚೆನ್ನಾಗಿದೆ ಎಂದು ಹೇಳಿದ್ದಾರೆ.

ವಿಡಿಯೋದಲ್ಲಿ ಪೊಲೀಸ್​​ ಅಧಿಕಾರಿಗಳಿಬ್ಬರು ಪ್ರತ್ಯೇಕ ಪ್ರತ್ಯೇಕ ಪೊಲೀಸ್​​ ಕಾರಿನಲ್ಲಿ ಬಂದು ಠಾಣೆಯ ಮುಂದೆ ಇಳಿಯುತ್ತಾರೆ, ನಂತರ ಸ್ವಲ್ಪ ಸಮಯದವರೆಗೆ ಸಂಭಾಷಣೆ ನಡೆಯುತ್ತದ . ಇದಕ್ಕೆ ಎರಡು ನಿಮಿಷಗಳ ಬ್ಯಾಗ್ರೌಂಡ್​​ ಮ್ಯೂಸಿಕ್​​​ ಹಾಕಲಾಗಿದೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಎಲ್ಲರ ಗಮನ ಸೆಳೆದಿದೆ. ಇನ್ನು ವಿಡಿಯೋವನ್ನು ನೋಡಿ ಹಿರಿಯ ಅಧಿಕಾರಿಗಳು ಅಸಮಾಧನಗೊಂಡಿದ್ದಾರೆ. ಐಪಿಎಸ್ ಅಧಿಕಾರಿ ಸಿವಿ ಆನಂದ್ ಅವರು ಇದು ಅಧಿಕಾರವನ್ನು ದುರುಪಯೋಗ ಮಾಡಿದಂತೆ ಎಂದು ದಂಪತಿಗಳಿಗೆ ಮತ್ತು ಸಾರ್ವಜನಿಕರಿಗೆ ತಿಳಿಸಿದ್ದಾರೆ. ಈ ದಂಪತಿಗಳಿಗೆ ಕರ್ತವ್ಯದ ಮೇಲಿರುವ ಪ್ರೀತಿ ಮತ್ತು ಸಮಸ್ತ್ರದ ಬಗ್ಗೆ ಇರುವ ಗೌರವವನ್ನು ಶಾಘ್ಲಿಸಿದರು.

ವೈರಲ್​​ ವಿಡಿಯೋ ಇಲ್ಲಿದೆ

#Watch | Pre-wedding shoot of two #Hyderabad cops goes viral. pic.twitter.com/Lk0tiKiLnQ

— Deccan Chronicle (@DeccanChronicle) September 16, 2023

ಈ ದಂಪತಿಗಳು ಮದುವೆಯ ಬಗ್ಗೆ ತುಂಬಾ ಜೋಶ್​​​ನಲ್ಲಿದ್ದಾರೆ. ಆದರೆ ಇದು ಸ್ವಲ್ಪ ಇಲಾಖೆಗೆ ಮುಜುಗಾರ ಉಂಟು ಮಾಡಿದೆ. ನಾನು ಈ ಮದುವೆಗೆ ಹೋಗಿ ಅವರಿಗೆ ಶುಭಾಶಯ ತಿಳಿಸುವೇ ಎಂದು ಹೇಳಿದ್ದಾರೆ. X (ಹಿಂದೆ ಟ್ವಿಟ್ಟರ್)ನಲ್ಲಿ ಈ ಬಗ್ಗೆ ಐಪಿಎಸ್ ಅಧಿಕಾರಿ ಸಿವಿ ಆನಂದ್ ಬರೆದುಕೊಂಡಿದ್ದಾರೆ. ಈ ವಿಡಿಯೋದ ಬಗ್ಗೆ X (ಹಿಂದೆ ಟ್ವಿಟ್ಟರ್)ನಲ್ಲಿ ಮಿಶ್ರ ಪ್ರಕ್ರಿಯೆಗಳು ಬಂದಿದೆ. ತಮ್ಮ ಮದುವೆ ಬಗ್ಗೆ ಅತಿಯಾಗಿ ಉತ್ಸುಕರಾಗಿದ್ದಾರೆಂದು ತೋರುತ್ತದೆ, ಆದರೆ ಇದು ಇಲಾಖೆಗೆ ಮುಜುಗಾರ ಉಂಟು ಮಾಡಬಹುದು ಎಂದು ಹೇಳಿದ್ದಾರೆ. ಪೊಲೀಸ್​​ ಸೇವೆ ತುಂಬಾ ಕಠಿಣವಾಗಿರುವುದು. ಇನ್ನು ಪೊಲೀಸ್​​​ ಇಲಾಖೆಯಲ್ಲಿ ಕೆಲಸ ಮಾಡುವ ಮಹಿಳೆಯರಿಗೆ ಮದುವೆ ಎನ್ನುವುದು ತುಂಬಾ ಕಷ್ಟ, ಆದರೆ ಇವರಿಬ್ಬರು ಒಂದೇ ಇಲಾಖೆಯಲ್ಲಿ ಕೆಲಸ ಮಾಡುತ್ತಿರುವ ಕಾರಣ ಇಬ್ಬರ ಜೀವನ ಚೆನ್ನಾಗಿರುತ್ತದೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ:  ಶಸ್ತ್ರಚಿಕಿತ್ಸೆ ಮೂಲಕ ಗುಪ್ತಾಂಗದಿಂದ ಬುಲೆಟ್ ತೆಗೆದು ಹಾಕಿದ ಮಹಿಳೆ!

ಈ ವಿಡಿಯೋ ಬಗ್ಗೆ ಪ್ರಕ್ರಿಯೆ ನೀಡಿದ ಇಲಾಖೆಯ ಹಿರಿಯ ಅಧಿಕಾರಿಯೊಬ್ಬರು, ಈ ಪೊಲೀಸ್ ದಂಪತಿಗಳು ನಮ್ಮ ಇಲಾಖೆಯ ಕಾರು ಮತ್ತು ಸಮಸ್ತ್ರವನ್ನು ಫೋಟೋ ಶೂಟ್​​​​​​ಗೆ ಬಳಸಿರುವುದರಲ್ಲಿ ಯಾವುದೇ ತೊಂದರೆ ಇಲ್ಲ, ನಮ್ಮ ಅನುಮತಿ ಪಡೆದು ಈ ಶೂಟಿಂಗ್​​​ಮಾಡಿದ್ದಾರೆ ಎಂದು ಹೇಳಿದ್ದಾರೆ.

ಮತ್ತಷ್ಟು ವೈರಲ್​​ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ: 

Published On - 3:32 pm, Mon, 18 September 23