Adipurush: ಆಫ್ರಿಕಾದಲ್ಲಿ ‘ರಾಮ ಸಿಯಾ ರಾಮ್’, ಕಿಲಿ ನೀಮಾ ಲಿಪ್ಸಿಂಕ್ ವೈರಲ್
Adipurush : ವಿಡಿಯೋಗೆ ಬಂದ ಪ್ರತಿಕ್ರಿಯೆಗಳನ್ನು ನೋಡುತ್ತಿದ್ದರೆ ಜಗತ್ತಿನಲ್ಲಿರುವ ಮಿಲಿಯಗಟ್ಟಲೆ ಶ್ರೀರಾಭಕ್ತರೆಲ್ಲ ಇಲ್ಲಿಯೇ ಮೇಳೈಸಿದಂತಿದೆ. ಹನುಮಂತನಿಗೂ ಇಲ್ಲಿ ಪ್ರತಿಕ್ರಿಯಿಸಲು ಜಾಗ ಕೊಟ್ಟರೆ ಸರಿ, ಇಲ್ಲ ಓಂ ರಾವತ್ ಮತ್ತೆ ಅಳುವ ಸಾಧ್ಯತೆ ಇದೆ!
Kili Paul and Neema: ಪ್ರಪಂಚದಲ್ಲಿ ಎಲ್ಲೇ ಆದಿಪುರುಷ್ ಸಿನೆಮಾ ಪ್ರದರ್ಶನ ನಡೆಯಲಿ ಹನುಮಂತನಿಗೆ ಒಂದು ಸೀಟು ಕಾದಿರಿಸಿ ಎಂದು ಪ್ರಚಾರ ಸಂದರ್ಭದಲ್ಲಿ ನಿರ್ದೇಶಕ ಓಮ್ ರಾವತ್ (Om Raut) ಗದ್ಗದಿತರಾಗಿ ಹೇಳಿ ಟ್ರೋಲ್ ಆದ ಸುದ್ದಿ ಓದಿದಿರಿ ಮತ್ತು ವಿಡಿಯೋ ಕೂಡ ಇತ್ತೀಚೆಗಷ್ಟೇ ನೋಡಿದಿರಿ. ಇದೀಗ ಇದೇ ಸಿನೆಮಾದಲ್ಲಿರುವ ಹಾಡೊಂದಿಗೆ ಆಫ್ರಿಕಾದ ತಾಂಜಾನಿಯಾದ ಸೋಶಿಯಲ್ ಮೀಡಿಯಾ ಇನ್ಫ್ಲ್ಯೂಯೆನ್ಸ್ರುಗಳಾದ ಕಿಲಿ ಪೌಲ್ ಮತ್ತು ನೀಮಾ ಪೌಲ್ ಲಿಪ್ ಸಿಂಕ್ ಮಾಡಿದ್ದಾರೆ. ಈತನಕ ಈ ವಿಡಿಯೋ ಅನ್ನು ಒಂದೂವರೆ ಮಿಲಿಯನ್ನಷ್ಟು ಜನರು ಇಷ್ಟಪಟ್ಟಿದ್ದಾರೆ. 8 ಮಿಲಿಯನ್ಗಿಂತಲೂ ಹೆಚ್ಚು ಜನರು ಈ ವಿಡಿಯೋ ನೋಡಿದ್ದಾರೆ. ಎಂದಿನಂತೆ ಇವರ ಫಾಲೋವರ್ಸ್ ಈ ಅಣ್ಣತಂಗಿಯನ್ನು ಹುರಿದುಂಬಿಸುತ್ತಿದ್ದಾರೆ.
ನೀವಿಬ್ಬರೂ ಪ್ರತಿಯೊಬ್ಬ ಸನಾತನಿಯ ಮನಸೂರೆಗೊಂಡಿದ್ದೀರಿ, ಜೈಶ್ರೀರಾಮ್. ಭಾರತೀಯರಾದ ನಾವು ನಿಮ್ಮನ್ನು ಪ್ರೀತಿಸುತ್ತೇವೆ ಜೈ ಶ್ರೀರಾಮ್. ತುಂಬಾ ಪ್ರಿಯವಾಗಿದೆ, ನಿಮ್ಮಿಬ್ಬರಿಗೂ ದೇವರ ಆಶೀರ್ವಾದ ಇರಲಿ, ಜೈಶ್ರೀರಾಮ್, ಇದು ತುಂಬಾ ಉತ್ತಮವಾದ ಪ್ರದರ್ಶನ, ಜೈ ಹನುಮಾನ್… ಹೀಗೆ ರಾಮ, ಹನುಮನ ಭಕ್ತರೆಲ್ಲ ಇಲ್ಲಿ ಒಟ್ಟಾಗಿ ಇವರ ರೀಲ್ಗೆ ಜೈಕಾರ ಹಾಕುತ್ತಿದ್ದಾರೆ.
ಇದನ್ನೂ ಓದಿ : Viral Video: ಆದಿಪುರುಷ್; ಪ್ರತಿ ಪ್ರದರ್ಶನದಲ್ಲೂ ಹನುಮಂತನಿಗಾಗಿ ಒಂದು ಸೀಟು ಕಾಯ್ದಿರಿಸಿ!
ವಿದೇಶಿಯರು ರಾಮಪ್ರಿಯರಾಗುತ್ತಿದ್ದಾರೆ. ಆದರೆ, ನಮ್ಮ ಭಾರತೀಯರು ಯಾವಾಗ ಬದಲಾವಣೆ ಆಗುವುದು ಎಂದು ಒಬ್ಬರು ಪ್ರಶ್ನಿಸಿದ್ದಾರೆ. ಗರ್ವದಿಂದ ಹೇಳಿ ನಾವೆಲ್ಲ ಹಿಂದೂಗಳು ಎಂದು ಒಬ್ಬರು ಗರ್ಜಿಸಿದ್ಧಾರೆ. ಈ ವಿಡಿಯೋಗೆ ಬಂದ ಪ್ರತಿಕ್ರಿಯೆಗಳನ್ನು ನೋಡುತ್ತಿದ್ದರೆ ಜಗತ್ತಿನಲ್ಲಿರುವ ಶ್ರೀರಾಮಭಕ್ತರೆಲ್ಲ ಇಲ್ಲಿಯೇ ಮೇಳೈಸಿದಂತಿದೆ. ಹನುಮಂತನಿಗೂ ಪ್ರತಿಕ್ರಿಯಿಸಲು ಜಾಗ ಕೊಟ್ಟರೆ ಸರಿ, ಇಲ್ಲಾ ಓಂ ರಾವತ್ ಮತ್ತೆ ಅತ್ತರೆ ಕಷ್ಟ.
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 12:59 pm, Mon, 12 June 23