Viral : ‘ಈ ಕಸವನ್ನು ಮತ್ತು ಆ ‘ಆರೇಂಜ್’ ಸಮವಸ್ತ್ರಧಾರಿಯನ್ನು ಎಡಿಟ್ ಮಾಡಬಹುದೆ?’
Photoshop : ಹೌದಾ ಬ್ರೋ? ಹಾಗಿದ್ದರೆ ಆ ಕಸ ಎತ್ತುವವರನ್ನು ಉಳಿಸಿ ಈಕೆಯನ್ನು ಕಸದೊಂದಿಗೆ ಮಾಯವಾಗಿಸಿದರೆ ಹೇಗೆ ಎಂದು ಬೆಂಜಾಮಿನ್ ಎನ್ನುವವರು ರೀಎಡಿಟ್ ಮಾಡಿ ಟ್ವೀಟ್ ಮಾಡಿದ್ದಾರೆ!
Updated on:Jun 10, 2023 | 12:02 PM
Graphics : ಜೇಮ್ಡ್ ಫ್ರಿಡ್ಮನ್ ಎಂಬಾತ ಫೋಟೋಶಾಪ್ ಪರಿಣತ. ಫೋಟೋಶಾಪ್ (Photoshop) ಕೌಶಲಗಳಿಂದ ಜನರ ಗಮನ ಸೆಳೆಯುತ್ತಿರುತ್ತಾನೆ. ಭಾರೀ ಪ್ರಸಿದ್ಧಿ ಪಡೆದಿರುವ ಈತನ ಬಳಿ ಜಾಲತಾಣಿಗರು ತಮ್ಮ ಭಾವಚಿತ್ರಗಳನ್ನು ಎಡಿಟ್ ಮಾಡಿಕೊಡಲು ಕೇಳಿಕೊಳ್ಳುತ್ತಿರುತ್ತಾರೆ. ಆಗವನು ಊಹೆಗೆ ನಿಲುಕಲಾರದಂತೆ ಕಲಾಕೌಶಲ ತೋರುತ್ತಿರುತ್ತಾನೆ. ಇದೀಗ ಒಬ್ಬ ಯುವತಿ ತನ್ನ ಫೋಟೋ ಒಂದನ್ನು ಕಳಿಸಿ, ತನ್ನನ್ನು ಸುತ್ತುವರಿದ ಕಸದ ರಾಶಿಯನ್ನು ಎಡಿಟ್ ಮಾಡಿಕೊಡು ಎಂದಿದ್ದಾಳೆ.
What the Pixel says. (Had to do that again.) pic.twitter.com/4ns7ZIzNq8
— Benjamin (@bbhermann) June 7, 2023
ಈಕೆ ಹೀಗೆ ಫೋಟೋ ತೆಗೆಸಿಕೊಳ್ಳುವಾಗ ಒಬ್ಬಾಕೆ ಕಸವನ್ನು ಸ್ವಚ್ಛಗೊಳಿಸುತ್ತಿದ್ದಳು. ನಂತರ ಜೇಮ್ಸ್ ಬಳಿ ಕಸ ಮತ್ತು ಆರೇಂಜ್ ಸಮವಸ್ತ್ರ ಧರಿಸಿದ ಕಸ ಸ್ವಚ್ಛಗೊಳಿಸುವವಳು ಇಲ್ಲದಂತೆ ಎಡಿಟ್ ಮಾಡಿಕೊಡಬಹುದೆ ಎಂದು ಕೇಳಿದಳು. ಆಗ ಕಸದ ಒಂದಿನಿತೂ ನಿಶಾನೆ ಇಲ್ಲದಂತೆ ಮತ್ತೆ ಸ್ವಚ್ಛಗೊಳಿಸುವವಳು ಇಲ್ಲದಂತೆ ಎಡಿಟ್ ಮಾಡಿಕೊಟ್ಟಿದ್ದಾನೆ.
ಇದನ್ನೂ ಓದಿ : Viral Video: ಕೊಂಬೆಯಲ್ಲಿ ಸಿಲುಕಿದ್ದ ಗೂಬೆಯನ್ನು ರಕ್ಷಿಸಿದವನಿಗೆ ನೆಟ್ಟಿಗರಿಂದ ಧನ್ಯವಾದ
ಈ ಟ್ವೀಟ್ ಅನ್ನು ಜೂನ್ 7ರಂದು ಮಾಡಲಾಗಿದೆ. ಈತನಕ 14.3 ಮಿಲಿಯನ್ ಜನರು ನೋಡಿದ್ದಾರೆ. 2.7 ಲಕ್ಷ ಜನರು ಇಷ್ಟಪಟ್ಟಿದ್ದಾರೆ. ಸಾವಿರಾರು ಜನರು ರೀಟ್ವೀಟ್ ಮಾಡಿದ್ದಾರೆ. ಅಬ್ಬಾ! ಗ್ರಾಫಿಕ್ ಡಿಸೈನರ್ ಕೈಚಳಕ ಅದ್ಭುತವಾಗಿದೆ. ಜೇಮ್ಸ್ ಒಬ್ಬ ಅಸಾಧಾರಣ ಪ್ರತಿಭೆಯುಳ್ಳ ಕಲಾವಿದ ಎಂದು ನೆಟ್ಟಿಗರೆಲ್ಲ ಶ್ಲಾಘಿಸುತ್ತಿದ್ದಾರೆ. ಆದರೆ ಕೆಲವರು, ಫೋಟೋ ತೆಗೆಸಿಕೊಳ್ಳುವವಳಿಗಿಂತ ಮತ್ತು ಫೋಟೋ ಎಡಿಟ್ ಮಾಡಿರುವವನಿಗಿಂತ ನಾನು ಕಸ ಎತ್ತುವವಳನ್ನೇ ಗೌರವಿಸುತ್ತೇನೆ ಎಂದಿದ್ದಾರೆ.
ಇದನ್ನೂ ಓದಿ : Viral Video: ‘ಡ್ರೀಮಮ್ ವೇಕಪಮ್ ಕ್ರಿಟಿಕಲ್ ಕಂಡೀಷನಮ್’ ಗಾಯಕಿ ಅಂಕಿತಾ ಕುಂಡು ಹೊಸ ರೀಲ್ಗೆ ನೆಟ್ಟಿಗರ ಬೇಸರ
ಹೌದಾ ಬ್ರೋ? ಹಾಗಿದ್ದರೆ ಕಸ ಎತ್ತುವವಳನ್ನು ಉಳಿಸಿ ಈಕೆಯನ್ನು ಕಸದೊಂದಿಗೆ ಮಾಯವಾಗಿಸಿದರೆ ಹೇಗೆ ಎಂದು ಬೆಂಜಾಮಿನ್ ಎನ್ನುವವರು ಎಡಿಟ್ ಮಾಡಿ ಮೇಲಿನ ಫೋಟೋ ಟ್ವೀಟ್ ಮಾಡಿದ್ಧಾರೆ. ಈಕೆಗೆ ಶ್ರೇಷ್ಠತೆಯ ವ್ಯಸನ ತಲೆಗೇರಿದೆ ಅದಕ್ಕೆ ಹೀಗಾಡುತ್ತಿದ್ದಾಳೆ ಎಂದು ಅನೇಕರು ಈಕೆಯನ್ನು ಬೈದಿದ್ದಾರೆ.
ನೀವೇನು ಹೇಳುತ್ತೀರಿ ಇದಕ್ಕೆ?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 11:49 am, Sat, 10 June 23
