Viral: 34 ವರ್ಷಗಳ ಹಿಂದಿನ ಸಂದೇಶವೊಂದು ಸಮುದ್ರ ದಂಡೆಯ ಮೇಲೆ ಸಿಕ್ಕಾಗ

Letter: ಇ-ಯುಗದಲ್ಲಿಯೂ ಅನೇಕರ ಮನೆಗಳಲ್ಲಿ ಹಳೆಯ ಪತ್ರಗಳನ್ನು ಕಾಪಿಟ್ಟುಕೊಂಡಿರಬಹುದು ಅಥವಾ ಪುಸ್ತಕಗಳೊಳಗೆ ಕೈಬರಹದ ಸಂದೇಶ ಅಥವಾ ಪತ್ರಗಳು ಬೆಚ್ಚಗೆ ಅವಿತಿರಬಹುದು. ಎಷ್ಟೋ ವರ್ಷಗಳ ನಂತರ ಅವು ಅಲ್ಲಿಂದ ಪುಳಕ್ಕನೇ ಜಾರಿ ಬಿದ್ದಾಗ ಉಂಟಾಗುವ ಪುಳಕ ಅಷ್ಟಿಷ್ಟಲ್ಲ. ಇದೀಗ ವೈರಲ್ ಆಗಿರುವ ಈ ಫೇಸ್​ಬುಕ್​ ಪೋಸ್ಟ್ ನೋಡಿ. 1980ರಲ್ಲಿ ಬರೆದ ಸಂದೇಶವೊಂದು ಸಿಕ್ಕಿದೆ. ಬಾಟಲಿಯೊಳಗೆ ಇದನ್ನು ಅಡಗಿಸಿಡಲಾದ ಈ ಸಂದೇಶ 34 ವರ್ಷದಷ್ಟು ಹಳೆಯದಾಗಿದೆ. ಇತ್ತೀಚೆಗೆ ಕೆನಡಾದ ವ್ಯಕ್ತಿಯೊಬ್ಬರಿಗೆ ಇದು ಸಿಕ್ಕಿದೆ.

ಹಳೆಯ ಕಲಾಕೃತಿಗಳು, ಪತ್ರಗಳು, ಸಾಮಾನುಗಳನ್ನು ಹುಡುಕುವುದು ಅವುಗಳ ಬಗ್ಗೆ ತಿಳಿಯುವುದು ಯಾವಾಗಲೂ ಕುತೂಹಲಕರ ವಿಷಯ. ಅಪರೂಪದ ಮಾಹಿತಿ ಏನಾದರೂ ಸಿಕ್ಕರೆ ಆಗುವ ರೋಮಾಂಚನ ಹೇಳತೀರದು. ಟ್ರೂಡಿ ಶಾಟ್ಲರ್​ ಮೆಕಿನ್ನನ್​ ಎನ್ನುವವರು ತಮ್ಮ ಫೇಸ್​ಬುಕ್​ನಲ್ಲಿ ಮೇಲಿನ ಫೋಟೋ ಮತ್ತು ನೋಟ್​ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ : Viral: ಯಾರಲ್ಲಿ ಸ್ವಲ್ಪ ಇದನ್ನು ತೆರೆಯಿರಿ; ಶವಪೆಟ್ಟಿಗೆಯೊಳಗಿದ್ದ ಮಹಿಳೆ ತಟ್ಟಿದಾಗ

”ನಾನೊಬ್ಬ Beachcomber (ಸಮುದ್ರದ ದಂಡೆಯ ಮೇಲಿರುವ ಅಮೂಲ್ಯ ಮತ್ತು ಆಸಕ್ತಿಕರ ವಸ್ತುಗಳನ್ನು ಸಂಗ್ರಹಿಸುವವ). ಸಂದೇಶವುಳ್ಳ ಇಂಥ ಬಾಟಲಿಗಳ ಹುಡುಕಾಟದಲ್ಲಿ ಇರುತ್ತೇನೆ. ಈಸಲ ನನಗೆ ಈ ಬಾಟಲಿ ಸಿಕ್ಕಿದೆ. ಫೋಕ್ಸ್​ ಪಾಯಿಂಟ್​ ನಲ್ಲಿ 10 ಮೈಲಿಗಳಷ್ಟು ದೂರದ ನೀರಿನಲ್ಲಿ ಇದನ್ನು ಕೈಬಿಡಲಾಗಿದೆ ಎಂಬ ಸಂದೇಶ ಇದರೊಳಗಿದೆ. ಈ ನೋಟ್​ ಬರೆದದ್ದು 1989ರ ಮೇ 29ರಂದು.”

ಇದನ್ನೂ ಓದಿ : Viral: ವೃಂದಾವನದ ಹೋಳಿ ಸಂಭ್ರಮದಲ್ಲಿ ಮುಕೇಶ್ ಅಂಬಾನಿ, ಎಲಾನ್​, ಝುಕರ್​ಬರ್ಗ್​?

”ಈ ಬಾಟಲಿ ಯಾರಿಗೆ ಸೇರಿದ್ದು ಎನ್ನುವುದನ್ನೂ ಕಂಡುಕೊಂಡಿದ್ದೇನೆ. ಇದು ಪೋರ್ಟ್​ ಆಕ್ಸ್​ ಚಾಯ್ಸ್​ ಎನ್​ಎಫ್​ಎಲ್​ಡಿಯ ಗಿಲ್ಬರ್ಟ್ ಹ್ಯಾಮ್ಲಿನ್ ಎನ್ನುವವರದು. ಎರಡು ವರ್ಷಗಳ ಹಿಂದೆ ಅವರು ನಿಧನರಾದರು. ಅವರ ಮಗ ಇದು ತಂದೆಯದೇ ಸಂದೇಶವೆಂದು ಖಚಿತಪಡಿಸಿದರು. ಈ ಬಾಟಲಿಯನ್ನು ನಾನು ಮನೆಗೆ ತೆಗೆದುಕೊಂಡು ಹೋಗುತ್ತಿದ್ದೇನೆ.” ಎಂದಿದ್ದಾರೆ ಟ್ರೂಡಿ ಶಾಟ್ಲರ್​ ಮೆಕಿನ್ನನ್.

ಜಾಲತಾಣಿಗರು ಈ ಪೋಸ್ಟ್​ ನೋಡಿ ಅಚ್ಚರಿಯಿಂದ ಪ್ರತಿಕ್ರಿಯಿಸುತ್ತಿದ್ಧಾರೆ.

ಮತ್ತಷ್ಟು ವೈರಲ್ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ