Viral: ರಾತ್ರಿ ಉಳಿಯಲು ಇಬ್ಬರೂ ಯುವತಿಯರಿಗೆ ಅವಕಾಶ ಕೊಟ್ಟ ವ್ಯಕ್ತಿಗೆ 5000 ರೂ ದಂಡ ವಿಧಿಸಿದ ಹೌಸಿಂಗ್ ಸೊಸೈಟಿ

ಬೆಂಗಳೂರು, ಡಿಸೆಂಬರ್ 04: ಕೆಲವೊಮ್ಮೆ ನಾವು ಯಾವುದನ್ನು ಅಪೇಕ್ಷಿಸದೇ ಮಾಡುವ ಸಹಾಯವು ನಮ್ಮನ್ನು ಸಂಕಷ್ಟಕ್ಕೆ ಸಿಲುಕಿಸುತ್ತದೆ. ಇಂತಹದ್ದೇ ಅನುಭವ ಈ ವ್ಯಕ್ತಿಗೂ ಆಗಿದೆ. ಬೆಂಗಳೂರಿನ (Bengaluru) ವ್ಯಕ್ತಿಯೊಬ್ಬರು ತಮ್ಮ ಫ್ಲಾಟ್‌ನಲ್ಲಿ ಇಬ್ಬರೂ ಯುವತಿಯರಿಗೆ ರಾತ್ರಿ ಉಳಿಯಲು ಅವಕಾಶ ನೀಡಿದ್ದಾರೆ. ಇದೇ ಕಾರಣಕ್ಕಾಗಿ ಈ ವ್ಯಕ್ತಿ ಹಾಗೂ ಫ್ಲಾಟ್‌ಮೇಟ್‌ಗೆ ಹೌಸಿಂಗ್ ಸೊಸೈಟಿ 5,000 ರೂ ದಂಡ ವಿಧಿಸಿದೆ. ಸೋಶಿಯಲ್ ಮೀಡಿಯಾದಲ್ಲಿ ತಮಗಾದ ಕಹಿ ಅನುಭವವನ್ನು ಹಂಚಿಕೊಂಡಿದ್ದಾರೆ.

r/bengaluru ಹೆಸರಿನ ರೆಡ್ಡಿಟ್ ಖಾತೆಯಲ್ಲಿ ಹಂಚಿಕೊಳ್ಳಲಾದ ಪೋಸ್ಟ್‌ನಲ್ಲಿ ಬೆಂಗಳೂರಿನ ವ್ಯಕ್ತಿ ಹೌಸಿಂಗ್ ಸೊಸೈಟಿ ಸಂಗ್ರಹಿಸಿದ ಬಿಲ್‌ನ ಸ್ಕ್ರೀನ್‌ಶಾಟ್‌ನ್ನು ಹಂಚಿಕೊಂಡಿದ್ದಾರೆ. ಜತೆಗೆ ಈ ಪೋಸ್ಟ್‌ನಲ್ಲಿ ಮೂಲತಃ ನಮ್ಮ ಸೊಸೈಟಿಯಲ್ಲಿ ಬ್ಯಾಚುಲರ್‌ಗಳು ರಾತ್ರಿಯಿಡೀ ಅತಿಥಿಗಳನ್ನು ಸ್ವೀಕರಿಸಬಾರದು ಎಂಬ ನಿಯಮವಿದೆ. ಆದರೆ ಕುಟುಂಬಕ್ಕೆ ಯಾವುದೇ ನಿರ್ಬಂಧವಿಲ್ಲ. ನಾವು ಕೂಡ ಎಲ್ಲಾ ಮೊತ್ತವನ್ನು ಪಾವತಿಸುತ್ತೇವೆ. ಇದು ಮೊದಲ  ನಿಯಮ ಉಲ್ಲಂಘನೆಯಂತಿದೆ. ಆದರೆ ನನಗೆ ಈ ಬಗ್ಗೆ ಸಣ್ಣ ಎಚ್ಚರಿಕೆ ಕೂಡ ಸಿಗಲಿಲ್ಲ. ಇದು ತುಂಬಾ ಸಣ್ಣ ಸಮಸ್ಯೆ ಎಂದು ನನಗೆ ತಿಳಿದಿದೆ, ಆದರೆ ಕೀಳಾಗಿ ನಡೆಸಿಕೊಳ್ಳುವುದು ಒಳ್ಳೆಯದಲ್ಲ. ನಾನು ಯಾವುದೇ ದೊಡ್ಡ ಕಾನೂನು ಕ್ರಮ ತೆಗೆದುಕೊಳ್ಳಲು ಸಾಧ್ಯವಾಗದಿದ್ದರೂ, ಅವರು ಇದನ್ನು ಮರುಪರಿಶೀಲಿಸುವಂತೆ ಏನನ್ನಾದರೂ ಮಾಡಬಹುದೇ ಎಂದು ಕೇಳಿದ್ದಾರೆ.

ವೈರಲ್‌ ಪೋಸ್ಟ್‌ ಇಲ್ಲಿದೆ ನೋಡಿ

Unfair Treatment of Bachelors in Society. Is there anything we can do to get fair treatment? byu/_NoGod_ inbangalore

ಇದನ್ನೂ ಓದಿ:ಬೆಂಗಳೂರಿನಲ್ಲಿ ಹೊಸ ಫ್ಲಾಟ್ ಬಾಡಿಗೆ ಹಗರಣ”: 15 ಸಾವಿರ ರೂ.ಗೆ 2BHK ಅಪಾರ್ಟ್‌ಮೆಂಟ್​​, ಇದು ನಂಬಲು ಸಾಧ್ಯವೇ?

ಈ ಪೋಸ್ಟ್‌ಗೆ ಅನೇಕರು ಪ್ರತಿಕ್ರಿಯಿಸಿದ್ದು ಒಬ್ಬ ಬಳಕೆದಾರ ನಿಮ್ಮ ಬಳಿ ಸಾಕಷ್ಟು ಹಣ ಹಾಗೂ ಸಮಯವಿದ್ದರೆ, ನೀವು ನ್ಯಾಯಾಲಯಕ್ಕೆ ಹೋಗಬಹುದು ಎಂದು ಹೇಳಿದ್ದಾರೆ. ಇನ್ನೊಬ್ಬರು, ಈ ರೀತಿ ದಂಡ ವಿಧಿಸುವುದರಲ್ಲಿ ಅರ್ಥವಿಲ್ಲ. ಹೌಸಿಂಗ್ ಸೊಸೈಟಿಯೂ ತಮ್ಮನ್ನು ತಾವು ಓಯೋ ಹೋಟೆಲ್‌ನಂತೆ ನಡೆಸಿಕೊಂಡಂತೆ ಎಂದು ಹೇಳಿದ್ದಾರೆ. ಮತ್ತೊಬ್ಬರು ನಿಮ್ಮ ಸಮಯ ಹಾಗೂ ಹಣ ಎರಡು ವ್ಯರ್ಥ, ಹೀಗಾಗಿ ನೀವು ಸುಮ್ಮನೆ ಇರುವುದು ಒಳ್ಳೆಯದು ಎಂದು ಕಾಮೆಂಟ್ ಮಾಡಿದ್ದಾರೆ.

ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 10:24 am, Thu, 4 December 25