ಸಖತ್​ ಸ್ಟೆಪ್​ ಮೂಲಕ ಮದುವೆ ಮನೆಗೆ ಆಗಮಿಸಿದ ವಧು: ವಿಡಿಯೋ ವೈರಲ್​

ಇತ್ತೀಚಿನ ದಿನಗಳಲ್ಲಿ ಮದುವೆಗಳಲ್ಲಿ ವಧು ಮತ್ತು ವರನ ಎಂಟ್ರಿ ನೋಡುವುದೇ ಒಂದು ಕುತೂಹಲಕರ ಸಂಗತಿ. ಹೊಸ ಹೊಸ ಅವತಾರದಲ್ಲಿ ವಿಭಿನ್ನ ಕಲ್ಪನೆಗಳೊಂದಿಗೆ ಮಂಟಪಕ್ಕೆ ವಧುವರರು ಆಗಮಿಸುತ್ತಾರೆ. ಈ ಹಿಂದೆ ವಧುವರರನ್ನುಉಯ್ಯಾಲೆಯಲ್ಲಿ ಕರೆದುಕೊಂಡು ಬರುವುದು, ಎತ್ತಿನ ಗಾಡಿಲ್ಲಿ ಕರೆತರುವ ಸಾಕಷ್ಟು ವಿಡಿಯೋಗಳು ವೈರಲ್​ ಆಗಿದೆ. ಇದೀಗ ಫರ್ನಿಚರ್​ ಡಿಸೈನರ್​ ಸಭಾ ಕಪೂರ್​ ಅವರು ಅದ್ಭುತವಾಗಿ ನೃತ್ಯ ಮಾಡುವ ಮೂಲಕ ಮದುವೆ ಮನೆಗೆ ಎಂಟ್ರಿ ಕೊಡುವ ವಿಡಿಯೋ ವೈರಲ್​ ಆಗಿದೆ.  ಕಳೆದ ತಿಂಗಳು ನಡೆದ ಮದುವೆಯ ವಿಡಿಯೋ ಈಗ ವೈರಲ್​ ಅಗಿದ್ದು 2 ಲಕ್ಷಕ್ಕೂ ಅಧಿಕ ಲೈಕ್ಸ್​ ಪಡೆದಿದೆ.

ನಿವಾಸ್​ ಎನ್ನುವ ಹೋಮ್​ ಡೆಕೋರೇಟಿವ್​ ಫರ್ನಿಚರ್ ಉದ್ಯಮ ನಡೆಸುತ್ತಿರುವ ಸಬಾ ಕಪೂರ್​ ಮದುವೆಯಲ್ಲಿ, 2016ರಲ್ಲಿ ಬಿಡುಗಡೆಯಾದ ಬಾಲಿವುಡ್​ನ ಬಾರ್​ ಬಾರ್​ ದೇಖೋ ಚಿತ್ರದ ಸೌ ಆಸ್ಮಾನ್ ಹಾಡಿಗೆ ಸಖತ್​ ಸ್ಟೆಪ್​ ಹಾಕಿದ್ದಾರೆ. ಸಬಾ ಕಪೂರ್​ ಮದುವೆ ಮನೆಯ ಒಳಗೆ ಕಾಲಿಡುತ್ತಿದ್ದಂತೆ ನೃತ್ಯ ಆರಂಭಿಸಿದ್ದು ಅಕ್ಕಪಕ್ಕದಲ್ಲಿ ನಿಂತಿದ್ದ ಸ್ನೇಹಿತರು ಹಾಗೂ ಸಂಬಂಧಿಕರು ಸಾಥ್​ ನೀಡಿದ್ದಾರೆ. ವಿಡಿಯೋದ ಕೊನೆಯಲ್ಲಿ ಒಂದು ಅಚ್ಚರಿ ಕೂಡ ಕಾದಿದೆ.

View this post on Instagram

A post shared by YSDC Wedding Choreography (@ysdcweddingchoreography)

ವಿಡಿಯೋವನ್ನು YSD ವೆಡ್ಡಿಂಗ್​ ಕೊರಿಯೋಗ್ರಫೀ ತಮ್ಮ ಇನ್ಸ್ಟಾಗ್ರಾಮ್​ ಪುಟದಲ್ಲಿ ಹಂಚಿಕೊಂಡಿದ್ದಾರೆ. ಸದ್ಯ ವಿಡಿಯೋ ಎಲ್ಲೆಡೆ ಸಖತ್​ ವೈರಲ್​ ಆಗಿದೆ. ತಿಳಿ ಗುಲಾಬಿ ಬಣ್ಣದ ಗೌನ್​ ಧರಿಸಿ ಮಸ್ತ್​ ಸ್ಟೆಪ್​ ಹಾಕಿದ ವಧುವನ್ನು ಕಂಡು ನೆಟ್ಟಿಗರು ವಾವ್​ ಎಂದಿದ್ದಾರೆ. ವಿಡಿಯೋದ ಕೊನೆಯಲ್ಲಿ ವಧು ಡ್ಯಾನ್ಸ್​ ಮಾಡುತ್ತಾ ವರನ ಬಳಿ ಬಂದು ರಿಂಗ್​ ಒಂದನ್ನು ನೀಡುತ್ತಾಳೆ. ಮಂಡಿಯೂರಿ ವಧು ವರನಿಗೆ ಉಂಗುರ ನೀಡಿ ಪ್ರೀತಿಯ ನಿವೇದನೆ ಮಾಡಿಕೊಂಡಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ 6.7 ಲಕ್ಷ ವೀಕ್ಷಣೆ ಪಡೆದಿದೆ.

ಇದನ್ನೂ ಓದಿ:

Viral Photo: ಹಸಿರು ತುಂಬಿದ ತಮಿಳುನಾಡಿನ ರಸ್ತೆಯ ಫೋಟೋವನ್ನು ರೀ ಟ್ವೀಟ್​ ಮಾಡಿದ ಆನಂದ್​ ಮಹೀಂದ್ರಾ

Published On - 11:50 am, Mon, 10 January 22