ವರ್ಕ್​ ಫ್ರಮ್​ ಹೋಮ್​ ಸಂಕಷ್ಟ; ಮದುವೆಯ ದಿನವೂ ಲ್ಯಾಪ್​ ಟಾಪ್​, ಫೋನ್​ ಹಿಡಿದು ಕುಳಿತ ವಧು

ಕೊರೋನಾ ಬಂದಾಗಿನಿಂದ ವರ್ಕ್​ ಫ್ರಮ್​ ಹೋಮ್ (Work From Home) ಎಲ್ಲರನ್ನೂ ಆವರಿಸಿದೆ. ಮದುವೆ, ಸಮಾರಂಭಗಳು ಯಾವುದೇ ಇದ್ದರೂ ಹೋಗಲು ಸಾಧ್ಯವಾಗದೆ ಕೆಲಸ ಮಾಡಬೇಕಾದ ಸ್ಥಿತಿ ಕೆಲವು ಕಡೆ ಇದೆ. ಇದೀಗ ವರ್ಕ್​ ಫ್ರಮ್​ ಹೋಮ್​ ನಿಂದ ಯುವತಿಯೊಬ್ಬಳು ಆಕೆಯ ಮದುವೆಯ ದಿನವೂ ಆಫೀಸ್​ ಫೋನ್​ ಕಾಲ್​ನಲ್ಲಿ ಮಾತನಾಡುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ. ಇನ್ಸ್ಟಾಗ್ರಾಮ್​ನಲ್ಲಿ ವಿಡಿಯೋ ವೈರಲ್​ (Viral Video) ಆಗಿದೆ.  ಮದುವೆಯ ದಿನ ವಧು (Bride) ತಯಾರುಗುತ್ತಿರುವ ವೇಳೆ ಪದೇ ಪದೇ ಫೋನ್​ ಕಾಲ್​ಗಳು ಆಕೆಗೆ ಕಿರಿಕಿರಿ ಉಂಟು ಮಾಡುತ್ತಿರುತ್ತದೆ. ಇದರಿಂದ ಆಕೆ ಕೋಪಗೊಂಡು ಮಾತನಾಡುವ ವಿಡಿಯೋ ವೈರಲ್​ ಆಗಿದೆ.

View this post on Instagram

A post shared by Glammed by Sona Kaur (@officialsonakaur)

ಬ್ರೈಡ್​ ಮೇಕಪ್​​ ಆರ್ಟಿಸ್ಟ್​ ಸೋನಾ ಕಪೂರ್​ ಎನ್ನುವವರು ತಮ್ಮ ಇನ್ಸ್ಟಾಗ್ರಾಮ್​ ಖಾತೆಯಲ್ಲಿ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ವಿಡಿಯೋದಲ್ಲಿ ಮದುವೆ ಮಂಟಪಕ್ಕೆ ಹೋಗಲು ಪೂರ್ಣವಾಗಿ ವಧು ಸಿದ್ಧವಾಗಿರುತ್ತಾಳೆ. ಆ ಸಮಯದಲ್ಲಿ ಆಕೆ ಲ್ಯಾಪ್​ಟಾಪ್​ ಹಿಡಿದು, ಆಗಾಗ ಬರುವ ಫೋನ್​ ಕಾಲ್​ಗಳನ್ನು ರಿಸೀವ್ ಮಾಡುತ್ತಾಳೆ. ಈ ನಡುವೆ  ವಧು ಸಿಟ್ಟಿನಲ್ಲಿ ಇಂದು ನನ್ನ ಮದುವೆ ಇದೆ, ಯಾರಾದರೂ ಇವರಿಗೆ ಹೇಳಿ ಎನ್ನುವುದನ್ನು ಕಾಣಬಹುದು. ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವರ್ಕ್​ ಫ್ರಮ್​ ಹೋಮ್​ನ ಕತೆ ಎಂದು ಕ್ಯಾಪ್ಷನ್​ ನಿಡಿ ಹಂಚಿಕೊಳ್ಳಲಾಗುತ್ತಿದೆ. ಈ ವಿಡಿಯೋ ಈವರೆಗೆ 5 ಮಿಲಿಯನ್​ಗೂ ಅಧಿಕ ವೀಕ್ಷಣೆ ಪಡೆದಿದೆ. ಕೊರೊನಾ ಕಾರಣದಿಂದ ಕಂಪನಿಗಳು ವರ್ಕ್​ ಫ್ರಮ್​ ಹೋಮ್​ ನೀಡಿದೆ. ಇದರಿಂದ ಕೆಲಸಗಾರರು ಮಾನಸಿಕ ಕಿರಿಕಿರಿ, ಒತ್ತಡವನ್ನು ಅನುಭವಿಸುತ್ತಲೇ ಇದ್ದಾರೆ.

ಇದನ್ನೂ ಓದಿ:

ಪ್ರವಾಸಿಗನನ್ನು ಪ್ರೀತಿಯಿಂದ ಅಪ್ಪಿಕೊಂಡ ಕೋತಿ; ಮೆಕ್ಸಿಕೋದಲ್ಲೊಂದು ಹೃದಯಸ್ಪರ್ಶಿ ಘಟನೆ : ವಿಡಿಯೋ ವೈರಲ್​

Published On - 2:31 pm, Fri, 28 January 22