Penis Plants: ಪುರುಷರ ಶಿಶ್ನದಂತಿರುವ ಗಿಡ ಕಿತ್ತ ಯುವತಿಯರ ವಿಡಿಯೋ ವೈರಲ್; ಪ್ರವಾಸಿಗರಿಗೆ ಎಚ್ಚರಿಕೆ ನೀಡಿದ ಕಾಂಬೋಡಿಯಾ ಸರ್ಕಾರ
'ಶಿಶ್ನ ಸಸ್ಯ' (ಪೆನಿಸ್ ಪ್ಲಾಂಟ್) ಎಂದು ಕರೆಯಲ್ಪಡುವ ನೆಪೆಂಥಿಸ್ ಹೋಲ್ಡೆನಿಯು ಪಶ್ಚಿಮ ಕಾಂಬೋಡಿಯಾದ ಪರ್ವತ ಪ್ರದೇಶದಲ್ಲಿ ಸಾಮಾನ್ಯವಾಗಿ ಕಂಡುಬರುತ್ತದೆ.
Updated on:May 20, 2022 | 6:37 PM
ಪುರುಷರ ಜನನಾಂಗ(ಶಿಶ್ನ) ಹೋಲುವ ಗಿಡವನ್ನು ಕೈಯಲ್ಲಿ ಹಿಡಿದು ಯುವತಿಯರು ವಿಡಿಯೋ, ಫೋಟೋ ತೆಗೆದುಕೊಳ್ಳುವುದು ಹೆಚ್ಚಾಗುತ್ತಿದ್ದಂತೆ ಕಾಂಬೋಡಿಯಾ ಸರ್ಕಾರ ಈ ಪೆನಿಸ್ ಪ್ಲಾಂಟ್ (ಶಿಶ್ನವನ್ನು ಹೋಲುವ ಗಿಡ) ಕೀಳದಂತೆ ಪ್ರವಾಸಿಗರಿಗೆ ಸೂಚನೆ ನೀಡಿದೆ. ಮೂವರು ಮಹಿಳೆಯರು ಪೆನಿಸ್ ಪ್ಲಾಂಟ್ (Penis Plants) ಕೀಳುತ್ತಿರುವ ವೀಡಿಯೊ ವೈರಲ್ ಆದ ನಂತರ ಕಾಂಬೋಡಿಯಾ ಸರ್ಕಾರವು (Cambodian government) ಸಾರ್ವಜನಿಕರಿಗೆ ಈ ಎಚ್ಚರಿಕೆ ನೀಡಿದೆ. ಪೆನಿಸ್ ಪ್ಲಾಂಟ್ ಅಳಿವಿನಂಚಿನಲ್ಲಿರುವ ಸಸ್ಯವಾಗಿದೆ. ಈ ರೀತಿ ಪ್ರವಾಸಿಗರು ಅದನ್ನು ಕೀಳುತ್ತಿದ್ದರೆ ಆ ಗಿಡಗಳು ಸತ್ತು ಹೋಗಿ, ಪ್ರಭೇದವೇ ನಾಶವಾಗುತ್ತದೆ ಎಂದು ಸರ್ಕಾರ ಹೇಳಿದೆ.
‘ಶಿಶ್ನ ಸಸ್ಯ’ (ಪೆನಿಸ್ ಪ್ಲಾಂಟ್) ಎಂದು ಕರೆಯಲ್ಪಡುವ ನೆಪೆಂಥಿಸ್ ಹೋಲ್ಡೆನಿಯು ಪಶ್ಚಿಮ ಕಾಂಬೋಡಿಯಾದ ಪರ್ವತ ಪ್ರದೇಶದಲ್ಲಿ ಸಾಮಾನ್ಯವಾಗಿ ಕಂಡುಬರುತ್ತದೆ. ಈ ಸಸ್ಯಗಳು ಮಾಂಸಾಹಾರಿ ಸಸ್ಯಗಳಾಗಿದ್ದು, ಕಡಿಮೆ ಪೌಷ್ಠಿಕಾಂಶದ ಮಣ್ಣಿನಲ್ಲಿ ಬದುಕುತ್ತವೆ. ಕೀಟಗಳನ್ನು ಆಕರ್ಷಿಸಲು ತಮ್ಮ ಮಕರಂದ ಮತ್ತು ಸಿಹಿ ಪರಿಮಳವನ್ನು ಬಳಸುತ್ತವೆ. ಕೀಟ ತನ್ನ ಸಮೀಪಕ್ಕೆ ಬಂದ ತಕ್ಷಣ ಅದನ್ನೇ ತನ್ನ ಆಹಾರವನ್ನಾಗಿ ಮಾಡಿಕೊಳ್ಳುವ ಈ ಗಿಡಗಳು ಇದೀಗ ಅಳಿವಿನಂಚಿನಲ್ಲಿವೆ.
ಪೆನಿಸ್ ಪ್ಲಾಂಟ್ ಕೀಳುತ್ತಿರುವ ಯುವತಿಯರು
ಈ ಬಗ್ಗೆ ಫೇಸ್ಬುಕ್ ಪೋಸ್ಟ್ನಲ್ಲಿ ಕಾಂಬೋಡಿಯಾ ದೇಶದ ಪರಿಸರ ಸಚಿವಾಲಯವು ಹೇಳಿಕೆಯನ್ನು ಬಿಡುಗಡೆ ಮಾಡಿದೆ. ಈ ಯುವತಿಯರು ಪೆನಿಸ್ ಪ್ಲಾಂಟ್ಗಳನ್ನು ಕೀಳುತ್ತಿರುವ ರೀತಿ ನೀವು ಕೂಡ ಮಾಡಬೇಡಿ! ನೈಸರ್ಗಿಕ ಸಂಪನ್ಮೂಲಗಳನ್ನು ಪ್ರೀತಿಸಿದ್ದಕ್ಕಾಗಿ ಧನ್ಯವಾದಗಳು. ಆದರೆ, ಅವುಗಳನ್ನು ಕೀಳಬೇಡಿ. ಇದರಿಂದ ಅವು ಸಾಯುತ್ತವೆ ಎಂದು ಸರ್ಕಾರ ಸೂಚನೆ ನೀಡಿದೆ. (Source)
ಇದನ್ನೂ ಓದಿ: Shocking News: ತಲೆಕೂದಲು ಉದುರದಂತೆ ತಡೆಯಲು ಈ ವ್ಯಕ್ತಿ ಮಾಡಿದ ಪ್ಲಾನ್ ಏನು ಗೊತ್ತಾ?; ಕೇಳಿದ್ರೆ ಶಾಕ್ ಆಗ್ತೀರ
ಕಾಂಬೋಡಿಯಾದ ಕಾಂಪೋಟ್ ಪ್ರಾಂತ್ಯದ ಬೋಕೋರ್ ಪರ್ವತದಲ್ಲಿ ಮೂವರು ಮಹಿಳೆಯರು ಅಳಿವಿನಂಚಿನಲ್ಲಿರುವ ಪೆನಿಸ್ ಪ್ಲಾಂಟ್ನ ಹೂವುಗಳನ್ನು ಕೀಳುತ್ತಿರುವ ವಿಡಿಯೋ ವೈರಲ್ ಆಗಿತ್ತು. ಇತ್ತೀಚೆಗೆ ಈ ಅಪರೂಪದ ಸಸ್ಯಗಳ ಜೊತೆ ಸೆಲ್ಫೀ, ಫೋಟೋ ತೆಗೆದುಕೊಳ್ಳಲು ಈ ಸಸ್ಯಗಳನ್ನು ಕೀಳುವವರ ಸಂಖ್ಯೆ ಹೆಚ್ಚಾಗುತ್ತಿದೆ. ಕಾಂಬೋಡಿಯಾದ ಕಂಪೋಟ್ ಪ್ರಾಂತ್ಯದ ಬೋಕೋರ್ ಪರ್ವತದಲ್ಲಿ ಈ ವಿಡಿಯೋವನ್ನು ಚಿತ್ರೀಕರಿಸಲಾಗಿದೆ ಎಂದು ವರದಿಯಾಗಿದೆ.
ಪೆನಿಸ್ ಪ್ಲಾಂಟ್
ಇನ್ನಷ್ಟು ಟ್ರೆಂಡಿಂಗ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
ಪ್ರಮುಖ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 6:34 pm, Fri, 20 May 22
