ಅಬ್ಬಬ್ಬಾ! ಮರಳುಗಾಳಿ ಬೀಸುವ ಆರ್ಭಟ ನೋಡಿದ್ದೀರಾ?

ಚೀನಾದ ಡನ್​ಹ್ಯಾಂಗ್ ನಗರದಲ್ಲಿ ಬೀಸಿರುವ ಮರಳುಗಾಳಿಗೆ ಅಲ್ಲಿಯ ಜನರು ತತ್ತರಿಸಿಹೋಗಿದ್ದಾರೆ. ಗೋಬಿ ಮರುಭೂಮಿಯ ಅಂಚಿನಲ್ಲಿರುವ ಡನ್​ಹ್ಯಾಂಗ್ ನಗರದಲ್ಲಿ ಸೋಮವಾರ ಭಾರೀ ಪ್ರಮಾಣದ ಮರಳುಗಾಳಿ ಬೀಸಿದೆ. ಮರಳುಗಾಳಿಯ ಆರ್ಭಟಕ್ಕೆ ಹೆದ್ದಾರಿ ಕಾಣದೇ ವಾಹನ ಸವಾರರು ತೊಂದರೆ ಅನುಭವಿಸುತ್ತಿದ್ದಾರೆ. ಮರಳುಗಾಳಿಯ ಆರ್ಭಟ ಹೇಗಿತ್ತೆಂದರೆ ಸುಮಾರು 100 ಮೀಟರ್ ಎತ್ತರದವರೆಗೂ ಅದು ವ್ಯಾಪಿಸಿತ್ತು ಎಂದು ಡನ್​ಹ್ಯಾಂಗ್​ನ ನಿವಾಸಿಗಳು ತಿಳಿಸಿದ್ದಾರೆ. ಮರಳುಗಾಳಿ (Sandstorm) ಎಷ್ಟು ದಟ್ಟವಾಗಿತ್ತೆಂದರೆ 5 ಮೀಟರ್ ಆಚೆಗಿನ ಏನೂ ಕಾಣುತ್ತಿರಲಿಲ್ಲ ಎಂದು ಪ್ರತ್ಯಕ್ಷದರ್ಶಿಗಳು ವಿವರಿಸಿದ್ದಾರೆ.

ಸೋಮವಾರ ಮಧ್ಯಾಹ್ನ 3 ಗಂಟೆಯ ಹೊತ್ತಿಗೆ ಮರಳುಗಾಳಿ ಬೀಸಲು ಆರಂಭಿಸಿದೆ. ಅಪಾಯದ ಸುಳಿವು ಬಡಿದ ತಕ್ಷಣ ಎಚ್ಚೆತ್ತ ಸ್ಥಳೀಯ ಪೊಲೀಸರು ಹತ್ತಿರದ ಅಂಗಡಿಗಳನ್ನು ಬಂದ್ ಮಾಡಿಸಿದ್ದಾರೆ. ವಾಹನ ಸವಾರರಿಗೆ ಸ್ವಲ್ಪ ಕಾಲ ಪ್ರಯಾಣವನ್ನು ಮುಂದೂಡುವಂತೆ ವಿನಂತಿ ಮಾಡಿದ್ದಾರೆ.

ಸ್ಥಳೀಯರೋರ್ವರು ಬೃಹತ್ ಮರಳುಗಾಳಿ ಬೀಸುವುದನ್ನು ಚಿತ್ರೀಕರಿಸಿದ್ದು, ಆ ವಿಡಿಯೋವನ್ನು ಇಲ್ಲಿ ನೋಡಬಹುದಾಗಿದೆ. ಮರಳುಗಾಳಿಯಿಂದ ರಕ್ಷಿಸಿಕೊಳ್ಳಲು ನಗರವಾಸಿಗಳು ಕನ್ನಡಕ, ಮಾಸ್ಕ್ ಮುಂತಾದವುಗಳನ್ನು ಬಳಸಿದ್ದರು.

ಕೆಲವು ದಿನಗಳ ಹಿಂದಷ್ಟೇ ಅಮೆರಿಕದ ಉತಾಹ್ ನಗರದಲ್ಲಿ ಭಾರಿ ಮರಳುಗಾಳಿಯೊಂದು ಬೀಸಿತ್ತು. ಅದರ ಪರಿಣಾಮವಾಗಿ 8 ಜನರು ಮೃತಪಟ್ಟಿದ್ದರು ಎಂಬುನ್ನು ಇಲ್ಲಿ ಉಲ್ಲೇಖಿಸಬಹುದು. ಈ ವಿಡಿಯೋವನ್ನು ವೀಕ್ಷಿಸಿದರೆ ಮರಳುಗಾಳಿಯು ಎಷ್ಟೆಲ್ಲ ಅನಾಹುತಗಳನ್ನು ಸೃಷ್ಟಿಸಬಹುದು ಎಂಬುದನ್ನು ನೆನೆಸಿಕೊಂಡರೇ ಭಯವಾಗದಿರದು.

ಇದನ್ನೂ ಓದಿ: 

Viral News: ಕೈಕಾಲುಗಳನ್ನು ವಿಸ್ತರಿಸುವ ಮೂಲಕ ಮಾನವರನ್ನು 5.6 ಇಂಚು ಎತ್ತರವಾಗಿಸಬಹುದು! ವಿಲಕ್ಷಣ ಹೇಳಿಕೆ ನೀಡಿ ವೈರಲ್​ ಆದ ವೈದ್ಯ

Viral Video: ಸೀರೆಯುಟ್ಟು ರೈಲಿನ ಕಿಟಕಿಯಲ್ಲೇ ಒಳನುಗ್ಗಿದ ಮಹಿಳೆ!; ಎಮರ್ಜೆನ್ಸಿ ಎಂಟ್ರಿಯ ವಿಡಿಯೋ ವೈರಲ್

(China sandstorm viral video you must see this)