ಉಕ್ರೇನ್- ರಷ್ಯಾ ಧ್ವಜ ಹೊದ್ದು ನಿಂತ ಜೋಡಿಯ ಪೋಟೋ ವೈರಲ್​: ಇಲ್ಲಿದೆ ಫೋಟೋ ಹಿಂದಿನ ಅಸಲಿ ಕಹಾನಿ

ಉಕ್ರೇನ್​-ರಷ್ಯಾ (Ukraine-Russia War) ಯುದ್ಧ ಆರಂಭವಾದ ಮೇಲೆ ಹಲವು ಫೋಟೋ, ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಉಕ್ರೇನ್​ ಪರಿಸ್ಥಿತಿಯನ್ನು ಎತ್ತಿತೋರಿಸುವ ನಿದರ್ಶನದ ಫೋಟೋಗಳೂ ಕೂಡ ಸಾಕಷ್ಟು ವೈರಲ್​ ಆಗಿದೆ. ಯುದ್ಧ ನಿಲ್ಲಿಸಿ ಎನ್ನುವ ಪ್ಲಾಗ್​ಗಳನ್ನು ಹಿಡಿದ ಫೋಟೋಗಳು ಹರಿದಾಡುತ್ತಿವೆ. ಆದರೆ ಯುವಕ ಮತ್ತು ಯುವತಿ ರಷ್ಯಾ ಮತ್ತು ಉಕ್ರೇನ್​ ರಾಷ್ಟ್ರಗಳ ಧ್ವಜ (Flag)ಗಳನ್ನು ಹೊದ್ದು ಜೊತೆಯಾಗಿ ನಿಂತ ಫೋಟೋ ವೈರಲ್​ ಆಗಿದೆ. ಹಲವರು ಈ ಫೋಟೋವನ್ನು ಹಂಚಿಕೊಂಡು ಯುದ್ಧವನ್ನು ತಡೆದು ಸಾಮರಸ್ಯವನ್ನು ಬೆಳೆಸಿಕೊಳ್ಳಬೇಕು ಎಂದು ಸಂದೇಶ ಸಾರಿದ್ದಾರೆ. ಕಾಂಗ್ರೆಸ್​ ನಾಯಕ ಶಶಿ ತರೂರ್ (Shashi Tharoor)​ ಕೂಡ ಈ ಫೋಟೋವನ್ನು ಈ ಹಂಚಿಕೊಂಡು ಯುವತಿ ರಷ್ಯಾ ಧ್ವಜವನ್ನು ಹಾಗೂ ಯುವಕ ಉಕ್ರೇನ್​ ಧ್ವಜವನ್ನು ಹೊದ್ದುಕೊಂಡಿದ್ದಾರೆ. ಪ್ರೀತಿ, ಶಾಂತಿಯನ್ನು ಎಲ್ಲೆಡೆ ಹಂಚಿ ಒಗ್ಗಟ್ಟಿನ ಮಂತ್ರವನ್ನು ಸಾರುತ್ತಿದೆ ಎಂದು ಬರೆದುಕೊಂಡಿದ್ದಾರೆ. ಸದ್ಯ ಈ ಪೋಟೋ ಹಲವು ಆಯಾಮಗಳನ್ನು ಪಡೆದು ವೈರಲ್​ ಆಗುತ್ತಿದೆ.

Poignant: A man draped in the Ukrainian flag embraces a woman wearing the Russian flag. Let us hope love, peace & co-existence triumph over war & conflict. pic.twitter.com/WTwSOBgIFK

— Shashi Tharoor (@ShashiTharoor) February 25, 2022

ಆದರೆ ಈ ಫೋಟೋದ ಅಸಲಿಯತ್ತೇ ಬೇರೆ ಇದೆ. ಹೌದು ಈ ಫೋಟೋ ಈಗಿನದ್ದಲ್ಲ. ಇದು 3 ವರ್ಷ ಹಿಂದಿನ ಫೋಟೋವಾಗಿದೆ.  ಈ ಫೋಟೋವನ್ನು ಮೊದಲು  2019 ರಲ್ಲಿ ಸೆರೆಹಿಡಿಯಲಾಗಿದೆ ಎಂದು ವಾಷಿಂಗ್ಟನ್ ಪೋಸ್ಟ್ ವರದಿ ಮಾಡಿದೆ. ಇದು ಪೋಲೆಂಡ್‌ನಲ್ಲಿ ಬೆಲರೂಸಿಯನ್ ರಾಪರ್ ಮ್ಯಾಕ್ಸ್ ಕೊರ್ಜ್ ಅವರ ಸಂಗೀತ ಕಚೇರಿಗೆ ಹಾಜರಾಗುತ್ತಿದ್ದ ಜೂಲಿಯಾನಾ ಕುಜ್ನೆಟ್ಸೊವಾ ಅವರು ತಮ್ಮ ಮದುವೆಯಾಗುವ ವರನೊಂದಿಗೆ ತೆಗೆಸಿಕೊಂಡ ಫೋಟೋ. ಈ ಯುವಕ ಉಕ್ರೇನ್​ನ ಮೂಲದವನು ಎನ್ನಲಾಗಿದೆ.

ಈ ಕುರಿತು ಜೂಲಿಯಾನಾ  ವಾಷಿಂಗ್​ಟನ್​ ಪೋಸ್ಟ್​ನೊಂದಿಗೆ ಮಾತನಾಡಿ, ಇದು ಯಾವುದೇ ರಾಜಕೀಯ ಉದ್ದೇಶದಿಂದ ತೆಗೆಸಿಕೊಂಡ ಫೋಟೋವಲ್ಲ. ಆದರೆ ಈ ಫೋಟೋ ವೈರಲ್​ ಆಗುತ್ತಿದ್ದಂತೆ ಹಲವು ಕೆಟ್ಟ ಮತ್ತು ಒಳ್ಳೆಯ ಕಾಮೆಂಟ್​ಗಳನ್ನು ಎದುರಿಸಿದ್ದೇನೆ. ಏನೇ ಆದರೂ ಆ ಫೋಟೋ ಪ್ರೀತಿಯನ್ನು ಹಂಚುವುದನ್ನೇ ಸಂಕೇತಿಸುತ್ತದೆ ಎಂದು ಹೇಳಿದ್ದಾರೆ. ಫೋಟೋ ಜಗತ್ತಿನಾದ್ಯಂತ ಸಾವಿರಾರು ಬಾರಿ ಹಂಚಿಕೊಳ್ಳಲಾಗಿದೆ. ಆದರೆ ಫೋಟೋ ಈಗಿನದ್ದಲ್ಲ ಎನ್ನುವುದಕ್ಕೆ ಸ್ಪಷ್ಟ ಉತ್ತರವನ್ನು ಯುವತಿಯೇ ನೀಡಿದ್ದಾಳೆ ಎಂದು ವರದಿ ತಿಳಿಸಿದೆ.

ಇದನ್ನೂ ಓದಿ:

ಆಹಾರ ಪದಾರ್ಥಗಳ ರಫ್ತಿನಲ್ಲಿ ಟಾಪ್​ 10 ಪಟ್ಟಿಯಲ್ಲಿರುವ ಪುಟ್ಟ ರಾಷ್ಟ್ರ ಉಕ್ರೇನ್​