Viral Video: ಚಲೇಯಾ ಇಂಗ್ಲಿಷ್ ವರ್ಷನ್; ಗಾಯಕಿಗೆ ಧನ್ಯವಾದ ಹೇಳಿದ ಶಾರುಖ್
Shahrukh Khan: ನಿಜಕ್ಕೂ ಈ ಹಾಡು ಹಿಂದಿ ಹಾಡಿಗಿಂತ ಅದ್ಭುತವಾಗಿ ಮೂಡಿಬಂದಿದೆ. ಹೀಗೊಂದು ಆಲೋಚನೆಯೇ ಬಹಳ ಸೊಗಸಾಗಿದೆ. ಈ ಹಾಡಿನ ಖದರ್ ಬೇರೆಯೇ ಇದೆ... ಎಂದು ನೆಟ್ಟಿಗರು ವಿಪಾಶಾ ಮಲ್ಹೋತ್ರಾ ಹಾಡಿದ ಚಲೇಯಾ ಇಂಗ್ಲಿಷ್ ವರ್ಷನ್ ಅನ್ನು ಹೊಗಳುತ್ತಿದ್ದಾರೆ. ಶಾರುಖ್ ಈ ವಿಡಿಯೋ ಹಂಚಿಕೊಂಡು ಗಾಯಕಿಗೆ ಧನ್ಯವಾದ ಹೇಳಿದ್ದು ನೆಟ್ಟಿಗರ ಗಮನವನ್ನು ಸೆಳೆದಿದೆ.
Updated on: Oct 07, 2023 | 1:02 PM
Chaleya: ಶಾರುಖ್ ಖಾನ್ ಮತ್ತು ನಯನತಾರಾ ಅಭಿನಯದ ಜವಾನ್ (Jawan) ಸಿನೆಮಾದ ಚಲೇಯಾ ಹಾಡು ಇನ್ನೂ ಟ್ರೆಂಡಿಂಗ್ನಲ್ಲಿದೆ. ಅನೇಕರು ಡ್ಯಾನ್ಸ್ ಮಾಡಿದರು, ಹಾಡಿದರು, ಲಿಪ್ಸಿಂಕ್ ಮಾಡಿದರು, ಅಭಿನಯಿಸಿದರು. ಆದರೆ ಇಲ್ಲೊಬ್ಬ ಗಾಯಕಿ ಚಲೆಯಾ ಹಾಡಿನ ಇಂಗ್ಲಿಷ್ ವರ್ಷನ್ ಪ್ರಸ್ತುತಪಡಿಸಿದ್ದಾಳೆ. X ನಲ್ಲಿ ಈ ವಿಡಿಯೋ ಹಂಚಿಕೊಳ್ಳುವುದರ ಮೂಲಕ ಶಾರುಖ್ ಖಾನ್ ಈಕೆಗೆ ಧನ್ಯವಾದ ಅರ್ಪಿಸಿದ್ದಾರೆ. ವಿಪಾಶಾ ಮಲ್ಹೋತ್ರಾ ಜವಾನ್ನ ‘ಚಲೇಯಾ’ ಹಾಡನ್ನು ಇಂಗ್ಲಿಷ್ನಲ್ಲಿ ಹಾಡಿದ್ದಾರೆ.
ಇದನ್ನೂ ಓದಿ : Viral Video: ಸಾಬೂನು ತಿನ್ನುತ್ತಿರುವ ಯುವತಿ; ಹೊಟ್ಟೆಯಲ್ಲಿ ನೊರೆಗುಳ್ಳೆಗಳೆದ್ದವೋ? ಎಂದ ನೆಟ್ಟಿಗರು
X ಖಾತೆದಾರ ಪ್ರಬಿನ್ ಕಟ್ವಾಲ್ ಈ ವಿಡಿಯೋ ಅ ಪೋಸ್ಟ್ ಮಾಡಿದ್ದಾರೆ. ಶಾರುಖ್ ಖಾನ್ ಈ ಪೋಸ್ಟ್ಗೆ ಪ್ರತಿಕ್ರಿಯಿಸಿ ರೀಪೋಸ್ಟ್ ಮಾಡಿದ್ದಾರೆ. ಅವರು, ಇದು ಅದ್ಭುತವಾಗಿದೆ ಎಂದು ಪ್ರತಿಕ್ರಿಯಿಸಿದ್ದಾರೆ. ಅಕ್ಟೋಬರ್ 4 ರಂದು ಇದನ್ನು ಪೋಸ್ಟ್ ಮಾಡಲಾಗಿದ್ದು ಈತನಕ 1.1 ಮಿಲಿಯನ್ ಜನರು ನೋಡಿದ್ದಾರೆ. ಇದು ನಿಜಕ್ಕೂ ಅದ್ಭುತವಾಗಿದೆ ಎಂದು ಅನೇಕರು ಹೇಳಿದ್ಧಾರೆ.
ವಿಪಾಶಾ ಮಲ್ಹೋತ್ರಾ ಹಾಡಿದ ಚಲೇಯಾ ಇಂಗ್ಲಿಷ್ ವರ್ಷನ್
Wonderful 😊 If “Chaleya” from Jawan was in English! @iamsrk @RedChilliesEnt @vfx_redchillies @gaurikhan @iRidhiDogra @NayantharaU 🎥 : vipasha.malhotra#ShahRukhKhan𓀠 #Jawan pic.twitter.com/o0VqBe4vQ6
— Prabin Katwal (@Prabin_775) October 4, 2023
ಚಲೇಯಾ ಹಾಡನ್ನು ಕುಮಾರ್ ಬರೆದಿದ್ದು, ಅನಿರುದ್ಧ್ ರವಿಚಂದರ್ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಅರಿಜಿತ್ ಸಿಂಗ್ ಮತ್ತು ಶಿಲ್ಪಾ ರಾವ್ ಹಾಡಿದ್ದಾರೆ. ಹೀಗೆ ಈ ಸಾಹಿತ್ಯವನ್ನು ಇಂಗ್ಲಿಷ್ಗೆ ಅನುವಾದಿಸಿ ಹಾಡಬಹುದು ಎನ್ನುವ ಆಲೋಚನೆ ಈತನಕ ಹೊಳೆದೇ ಇರಲಿಲ್ಲ ಎಂದಿದ್ದಾರೆ ಒಬ್ಬರು. ನೀವು ಹಾಡಿದ್ದರಿಂದ ಇದಕ್ಕೆ ಬೇರೆಯದೇ ಹೊಳಪು ಬಂದಿದ್ದಾರೆ ಇನ್ನೊಬ್ಬರು.
ಇದನ್ನೂ ಓದಿ : Viral: ನಾಥೂರಾಮ ಗೋಡ್ಸೆ;’ಅವನು ಕೊಲೆಗಡುಕನೇ ಆಗಿರಲಿ, ಹಿಂದೂವಾಗಿದ್ದಲ್ಲಿ ಎಲ್ಲಾ ಕ್ಷಮ್ಯ, ಹೊಸ ಭಾರತಕ್ಕೆ ಸ್ವಾಗತ’
ನನ್ನ ಬೆಳಗನ್ನು ಸುಂದರಗೊಳಿಸಿದ್ದಕ್ಕೆ ಧನ್ಯವಾದ ಎಂದು ಒಬ್ಬರು ಹೇಳಿದ್ದಾರೆ. ನಾನಿದನ್ನು ಬಹಳ ಸಲ ಕೇಳಿದೆ, ಕೇಳುತ್ತಲೇ ಇದ್ಧೇನೆ ಎಂದಿದ್ದಾರೆ ಇನ್ನೊಬ್ಬರು. ಇಂತ ಸೃಜನಶೀಲ ಪ್ರಯತ್ನಗಳು ನಡೆಯುತ್ತಿರಬೇಕು ಎಂದಿದ್ದಾರೆ ಕೆಲವರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
