ಈ ಪನ್ನೀರ್​ಗೆ ಬಂದಿದೆ ಬಂಗಾರದ ಬೆಲೆ! ಇದನ್ನು ಯಾವುದರಿಂದ ತಯಾರಿಸುತ್ತಾರೆ ಗೊತ್ತಾ?

ಪ್ರತಿನಿತ್ಯ ನಾವು ಬಳಸುವ ವಸ್ತುಗಳು ಕೈಗೆ ನಿಲುಕದಷ್ಟು ದುಬಾರಿಯಾದರೆ ಅವುಗಳನ್ನು ಬಂಗಾರದ ಬೆಲೆಗೆ  ಹೋಲಿಕೆ ಮಾಡುತ್ತೇವೆ. ಆ ವಸ್ತುವಿಗೆ ಬಂಗಾರದ ಬೆಲೆ ಬಂದಿದೆ ಎನ್ನುತ್ತೇವೆ. ಹಾಗೆಯೇ ಈ ಪನ್ನೀರ್​​ ಕೂಡ ಬಂಗಾರದ ಬೆಲೆಗಿಂತಲೂ ಅಧಿಕ ಬೆಲೆಯಲ್ಲಿ ಮಾರಾಟವಾಗುತ್ತಿದೆ. ನಿಮಗೆ ಆಶ್ಚರ್ಯವೆನಿಸಿದರೂ ಇದು ಸತ್ಯ. ಯುರೋಪದಲ್ಲಿನ ಪನ್ನೀರ್​​​​ ಒಂದು ಕೇಜಿಗೆ ಮಾರಾಟವಾಗಿದ್ದು ಪ್ರತಿ ಕಿಲೋಗ್ರಾಮ್‌ಗೆ ಸುಮಾರು 800 ರಿಂದ 1000 ಯುರೋಗಳಷ್ಟು (ಸುಮಾರು 82,000 ರೂಪಾಯಿ )

ಈ ಪನೀರ್ (ಕಾಟೇಜ್ ಚೀಸ್) ಏಕೆ ದುಬಾರಿಯಾಗಿದೆ? ಅದರಲ್ಲೇನಿದೆ ವಿಶೇಷ? ಇಲ್ಲಿದೆ ಓದಿ

ಯುರೋಪಿನಲ್ಲಿ ಮಾರಾಟವಾದ ಪನ್ನೀರ ವಿಶ್ವದ ಅತ್ಯಂತ ದುಬಾರಿ ಪನ್ನೀರ್​. ಡೈಲಿ ಮೇಲ್‌  ವರದಿಯ ಪ್ರಕಾರ, ಪನ್ನೀರ್​​ನ್ನು ಕತ್ತೆಯ ಹಾಲಿನಿಂದ ತಯಾರಿಸಲಾಗುತ್ತದೆ. ಇದನ್ನು ಪುಲೆ ಎಂದೂ ಕರೆಯಲ್ಪಡುವ ಕತ್ತೆ ಹಾಲಿನಿಂದ ಸೆರ್ಬಿಯಾದ ಜಸಾವಿಕಾದಲ್ಲಿರುವ ಕತ್ತೆ ಫಾರ್ಮ್‌ನಲ್ಲಿ ತಯಾರಿಸಲಾಗುತ್ತದೆ. ಒಂದು ಕಿಲೋಗ್ರಾಂ  ಪನ್ನೀರ್​ ತಯಾರಿಸಲು ಸುಮಾರು 25 ಲೀಟರ್  ಕತ್ತೆ ಹಾಲು ಬೇಕಾಗುತ್ತದೆ ಎಂದು ಹೇಳಲಾಗುತ್ತದೆ. ಹೀಗಾಗಿ ಇದು ಇಷ್ಟು ದುಬಾರಿಯಾಗಿದೆ.