Viral Video: ಈ ಮಕ್ಕಳ ರೀಲ್ಸ್ ಮಾಡೋದು ಎಷ್ಟು ಕಷ್ಟ, ಈ ಟೀಚರಮ್ಮನ ಸಾಹಸಕ್ಕೆ ಒಂದು ಸಲಾಂ 

ಇತ್ತೀಚಿನ ದಿನಗಳಲ್ಲಿ ರೀಲ್ಸ್ ಟ್ರೆಂಡ್ ಬಹಳನೇ ಹೆಚ್ಚಾಗಿದೆ. ರೀಲ್ಸ್ ವಿಡಿಯೋ ಮಾಡುತ್ತಲೇ ಸೋಷಿಯಲ್ ಮಿಡಿಯಾದಲ್ಲಿ ರಾತ್ರೋ ರಾತ್ರಿ ಫೇಮಸ್ ಆದ ಅದೆಷ್ಟೋ ಜನರಿದ್ದಾರೆ. ಆದರೆ ಈಗೀಗ ಈ ಸಾಮಾಜಿಕ ಜಾಲತಾಣದಲ್ಲಿ ಅತಿರೇಕದ ವರ್ತನೆಯ ವಿಡಿಯೋಗಳೇ ಹರಿದಾಡುತ್ತಿರುತ್ತವೆ. ಇವುಗಳ ಮಧ್ಯೆ ಇಲ್ಲೊಂದು ಮುದ್ದಾದ ವಿಡಿಯೋ ವೈರಲ್ ಆಗಿದ್ದು, ಪುಟಾಣಿ ಮಕ್ಕಳ ಮುದ್ದಾದ ನಗುವನ್ನು ಸೆರೆಹಿಡಿಯಲು ಟೀಚರಮ್ಮನ ಭರ್ಜರಿ ಸಾಹಸ ಮತ್ತು ಕ್ರಿಯೆಟಿವಿಗೆ ನೆಟ್ಟಿಗರು ಫಿದಾ ಆಗಿದ್ದಾರೆ.

ಈ ಪುಟಾಣಿ ಮಕ್ಕಳ ಮುದ್ದಾದ ವಿಡಿಯೋವನ್ನು ತಮಿಳುನಾಡಿನ ಮಾಂಟೆಸ್ಸರಿ ಸ್ಕೂಲ್ ಶಿಕ್ಷಕಿಯೊಬ್ಬರು ಸೆರೆಹಿಡಿದಿದ್ದು,  ಮಕ್ಕಳ ನಿಷ್ಮಲ್ಮಶ ನಗುವಿನ ಈ ಮುದ್ದಾದ  ರೀಲ್ಸ್ ಮಾಡಿದ ಶಾಲಾ ಶಿಕ್ಷಕಿಯ ಕ್ರಿಯೆಟಿವಿಟಿ ನೆಟ್ಟಿಗರ ಗಮನ ಸೆಳೆಯುತ್ತಿದೆ.
ಈ ವಿಡಿಯೋವನ್ನು ತಮಿಳುನಾಡಿನ ವೃಕ್ಷ ಮಾಂಟೆಸ್ಸರಿ ಇಂಟರ್ನ್ಯಾಷನಲ್ ಸ್ಕೂಲ್ (@vrikshamontessoriinternational) ನ ಅಧೀಕೃತ ಇನ್ಸ್ಟಾಗ್ರಾಮ್ ಪೇಜ್ ಅಲ್ಲಿ ಹಂಚಿಕೊಳ್ಳಲಾಗಿದ್ದು, “ಈ ರೀಲ್ಸ್ ಕೇವಲ ಈ ಮುದ್ದಾದ ನಗುವಿಗಾಗಿ” ಎಂಬ ಶೀರ್ಷಿಕೆಯನ್ನು ಬರೆದುಕೊಳ್ಳಲಾಗಿದೆ.

ವೈರಲ್​​ ವಿಡಿಯೋ ಇಲ್ಲಿದೆ ನೋಡಿ :

ವೈರಲ್ ವಿಡಿಯೋದಲ್ಲಿ ಪುಟಾಣಿ ಮಕ್ಕಳು ಒಂದೆಡೆ ಸಾಲಾಗಿ ಕೂತಿರುವುದನ್ನು ಕಾಣಬಹುದು. ಈ ಮಕ್ಕಳ ಮುದ್ದಾದ ನಗುವನ್ನು ಸೆರೆ ಹಿಡಿಯಲು ಶಿಕ್ಷಕಿಯೊಬ್ಬರು ನೆಲದ ಮೇಲೆ ಮಲಗಿ ವಿಡಿಯೋ ಮಾಡುತ್ತಾರೆ, ಅವರು ವಿಡಿಯೋ ಮಾಡುತ್ತಿದ್ದಂತೆ ಇನ್ನೊಬ್ಬ ಶಿಕ್ಷಕಿ ವಿಡಿಯೋ ಮಾಡುತ್ತಿದ್ದಂತಹ ಶಿಕ್ಷಕಿಯ ಕಾಲನ್ನು ಎಳೆದುಕೊಂಡು ಹೋಗುತ್ತಾರೆ. ಆ ಸಂದರ್ಭದಲ್ಲಿ ಮಕ್ಕಳು ಖುಷಿಯಿಂದ  ನಗುತ್ತಾ ಕ್ಯಾಮೆರಾಗೆ ಪೋಸ್ ಕೊಟ್ಟಿದ್ದಾರೆ.

ಇದನ್ನೂ ಓದಿ: ಮೋದಿಯ ನಿಂದಿಸದಿರೋ ಅಣ್ಣಗಳಿರಾ, ಸಂತನ ನಿಂದಿಸದಿರೋ, ಮೋದಿಗಾಗಿ ಕನ್ನಡ ಹಾಡು ಬರೆದ ವೃದ್ಧೆ

ಕೆಲದಿನಗಳ ಹಿಂದೆ ಹಂಚಿಕೊಳ್ಳಲಾದ ಈ ವಿಡಿಯೋ 20.8 ಮಿಲಿಯನ್ ವೀಕ್ಷಣೆಗಳನ್ನು ಹಾಗೂ 1.5 ಮಿಲಿಯನ್ ಲೈಕ್ಸ್ ಗಳನ್ನು ಪಡೆದುಕೊಂಡಿದ್ದು, ಮುದ್ದಾದ ಮಕ್ಕಳ ನಗು ಹಾಗೂ ಶಿಕ್ಷಕಿಯ ಕ್ರಿಯೆಟಿವಿಟಿಗೆ ನೆಟ್ಟಿಗರು ಭಾರಿ ಮೆಚ್ಚುಗೆಯನ್ನು ಸೂಚಿಸಿದ್ದಾರೆ.

ಮತ್ತಷ್ಟು ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ