ಬೈಕ್ ಸ್ಟಿಕರ್; ಯುಪಿಎಸ್ಸಿ ಆಕಾಂಕ್ಷಿಗಳಿಗೆ ಹಾರೈಸಲು ಹೀಗೊಂದು ಉಪಾಯ ಕಂಡುಕೊಂಡ ಐಎಎಸ್ ಅಧಿಕಾರಿ
UPSC : ಐಎಎಸ್ ಅಧಿಕಾರಿ ಅವನೀಶ ಶರಣ ಅವರ ಈ ನಡೆಗೆ, ‘ಕಷ್ಟಪಟ್ಟು ಪರೀಕ್ಷೆಗೆ ತಯಾರಿ ನಡೆಸುತ್ತಿರುವ ಅನೇಕರಿಗೆ ನಿಮ್ಮ ಈ ಸ್ಪಂದನೆ ಶಕ್ತಿ ನೀಡುವಲ್ಲಿ ಎರಡು ಮಾತಿಲ್ಲ, ದೇವರು ನಿಮ್ಮನ್ನು ಚೆನ್ನಾಗಿಟ್ಟಿರಲಿ’ ಎಂದಿದ್ದಾರೆ ನೆಟ್ಟಿಗರು.
Updated on:Nov 08, 2022 | 10:42 AM
Viral : ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ತಯಾರಿ ನಡೆಸುವುದೆಂದರೆ ಎಷ್ಟು ಕಷ್ಟ ಎನ್ನುವುದು ಸಾಮಾನ್ಯವಾಗಿ ಎಲ್ಲರಿಗೂ ಗೊತ್ತಿರುವುದೇ. ಅನೇಕ ಪ್ರಯತ್ನಗಳ ನಂತರವೂ ಅಲ್ಲಿ ಫಲ ಸಿಗುವ ಬಗ್ಗೆ ಖಚಿತತೆ ಇರುವುದಿಲ್ಲ. ಆದರೂ ಆಕಾಂಕ್ಷಿಗಳು ಈ ಸವಾಲನ್ನು ದಿಟ್ಟವಾಗಿ ತೆಗೆದುಕೊಳ್ಳಲೇಬೇಕು. ಐಎಎಸ್ ಅಧಿಕಾರಿ ಅವನೀಶ ಶರಣ್ ತಮ್ಮ ಬೈಕ್ ಮೇಲೆ ಸ್ಟಿಕರ್ ಅಂಟಿಸಿಕೊಂಡು ಪೋಸ್ಟ್ ಮಾಡಿದ ಫೋಟೋ ಇದೀಗ ವೈರಲ್ ಆಗುತ್ತಿದೆ. UPSC-Aspirants ಎಂಬ ಸ್ಟಿಕರ್ ಮೂಲಕ ಯುಪಿಎಸ್ಸಿ ಅಭ್ಯರ್ಥಿಗಳಿಗೆ ಶುಭ ಹಾರೈಸಿದ್ದಾರೆ. ನೆಟ್ಟಿಗರು ಇದಕ್ಕೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತಪಡಿಸುತ್ತಿದ್ದಾರೆ.
All the best. pic.twitter.com/kgHdBWrIaw
— Awanish Sharan (@AwanishSharan) November 5, 2022
ಸಾಮಾನ್ಯವಾಗಿ ಬೈಕ್ಗಳ ಮೇಲೆ ತಮ್ಮ ಅಥವಾ ಕುಟುಂಬಸ್ಥರ ಹೆಸರುಗಳನ್ನು ಅಥವಾ ಇನ್ನೇನೋ ಟ್ಯಾಗ್ಲೈನ್ಗಳನ್ನು ಬೈಕ್ಗಳ ಮೇಲೆ ಅಂಟಿಸಿಕೊಂಡಿರುವುದನ್ನು ನೋಡಿರುತ್ತೀರಿ. ಆದರೆ ಐಎಎಸ್ ಅಧಿಕಾರಿ ಅವನೀಶ ಶರಣ್ ತಮ್ಮ ಬೈಕಿಗೆ ಅಂಟಿಸಿಕೊಂಡ ಈ ಸ್ಟಿಕರ್ ನೆಟ್ಟಿಗರನ್ನು ಕುತೂಹಲಕ್ಕೆ ಬೀಳಿಸಿದೆ. ಜೊತೆಗೆ ಯುಪಿಎಸ್ಸಿ ಅಭ್ಯರ್ಥಿಗಳಿಗೆ ಶಕ್ತಿ ಮತ್ತು ಪ್ರೋತ್ಸಾಹವನ್ನು ನೀಡಿದೆ.
ಛತ್ತೀಸ್ಗಢ ಕೇಡರ್ನಲ್ಲಿರುವ ಈ ಅಧಿಕಾರಿಗಳ ಈ ನಡೆಯನ್ನು ಕೆಲವರು ಶ್ಲಾಘಿಸಿದ್ದಾರೆ. ಆಗಾಗ ಅವನೀಶ ಸಾಮಾಜಿಕ ಜಾಲತಾಣದಲ್ಲಿ ಆಕಸ್ತಿಕರ ಮತ್ತು ಪ್ರೇರಣಾದಾಯಕ ವಿಷಯಗಳನ್ನು ಪೋಸ್ಟ್ ಮಾಡುವ ಮೂಲಕ ಜನಜನಿತರಾಗಿದ್ದಾರೆ.
ಇದೊಂದು ಸಕಾರಾತ್ಮಕ ನಡೆ, ಕೆಲವರು ಮಾತ್ರ ಇತರರ ಬಗ್ಗೆ ಯೋಚಿಸುತ್ತಾರೆ ಎಂದಿದ್ದಾರೆ ಒಬ್ಬರು. ಪೇಪರ್ ಕೊಟ್ಟುಬಿಡಿ ಎಂದು ಹಗೂರಾಗಿ ಮಾತನಾಡಿದ್ದಾರೆ ಇನ್ನೂ ಒಬ್ಬರು. ಕಷ್ಟಪಟ್ಟು ಪರೀಕ್ಷೆಗೆ ತಯಾರಿ ನಡೆಸುತ್ತಿರುವ ಅನೇಕರಿಗೆ ನಿಮ್ಮ ಈ ಸ್ಪಂದನೆ ಶಕ್ತಿ ನೀಡುವಲ್ಲಿ ಎರಡು ಮಾತಿಲ್ಲ, ದೇವರು ನಿಮ್ಮನ್ನು ಚೆನ್ನಾಗಿಟ್ಟಿರಲಿ ಎಂದಿದ್ದಾರೆ ಮತ್ತೊಬ್ಬರು.
ಇಂದು ಒಟ್ಟಾರೆಯಾಗಿ ಬೇಕಿರುವುದು ಪರಸ್ಪರ ಒಳಿತನ್ನು ಹಾರೈಸುವ ವಿಶಾಲ ಮನೋಭಾವ.
ನಿಮಗೇನು ಅನ್ನಿಸಿತು ಈ ಪೋಸ್ಟ್ ನೋಡಿ?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 10:42 am, Tue, 8 November 22
