Viral Video: ಜೈಲರ್; ‘ಇವರ ಈ ನೃತ್ಯವನ್ನು ಅದೆಷ್ಟು ಸಲ ನೋಡಿದೆನೆಂದು ಕೇಳಬೇಡಿ’
Rajinikanth: ಕಾವಾಲಾ ಹಾಡಿಗೆ ಸಾಮಾಜಿಕ ಜಾಲತಾಣದಲ್ಲಿರುವ ವೃತ್ತಿಪರ ನೃತ್ಯ ಕಲಾವಿದರು ಬಹಳ ಉತ್ಸಾಹದಿಂದ ಹೆಜ್ಜೆ ಹಾಕುತ್ತಿದ್ದಾರೆ. ಪಕ್ವವಾದ ಭಾವಾಭಿನಯ ಮತ್ತು ನೃತ್ಯಕ್ಕೆ ನೆಟ್ಟಿಗರು ಶಭಾಷ್ ಎನ್ನುತ್ತಿದ್ದಾರೆ.
Updated on: Jul 28, 2023 | 12:00 PM
Kaavaala : ಎಲ್ಲಿ ನೋಡಿದರೂ ಜೈಲರ್ (Jailer) ಹವಾ. ಸಾಮಾಜಿಕ ಜಾಲತಾಣಿಗರು, ನೃತ್ಯ ಕಲಾವಿದರು ಕಾವಾಲಾ ಹಾಡಿಗೆ ಹೆಜ್ಜೆ ಹಾಕುವುದರಲ್ಲಿ ಮುಳುಗಿದ್ದಾರೆ. ನಿನ್ನೆಯಷ್ಟೇ ಮಿಸ್ ಇಂಡಿಯಾ ಕೇರಳ ಪ್ರಿಯಾಂಕಾ ಶೆಣೈ ಮೆನನ್ ವೈರಲ್ ಆದ ವಿಡಿಯೋ ನೋಡಿದ್ದಿರಿ. ಇದಿಗ ಅಂಜನಾ ಚಂದ್ರನ್ ಎಂಬ ನೃತ್ಯಕಲಾವಿದೆಯ ನೃತ್ಯ ವೈರಲ್ ಆಗುತ್ತಿದೆ. ಈ ವಿಡಿಯೋ ಅನ್ನು ಅವರು ಜು. 16 ರಂದು ಹಂಚಿಕೊಂಡಿದ್ದರು. ಅನೇಕರು ಇವರ ನೃತ್ಯವೈಖರಿಯನ್ನು ಮೆಚ್ಚಿ ಪ್ರತಿಕ್ರಿಯಿಸುತ್ತಿದ್ದಾರೆ.
ನೀವು ಅದ್ಭುತವಾಗಿ ನರ್ತಿಸಿದ್ದೀರಿ, ಈ ವಿಡಿಯೋ ಅನ್ನು ಅದೆಷ್ಟು ಸಲ ನೋಡಿದೆ ಎಂದು ಮಾತ್ರ ಕೇಳಬೇಡಿ ಎಂದಿದ್ದಾರೆ ಒಬ್ಬರು. ಇದಕ್ಕಿಂತ ಇನ್ನೂ ಉತ್ತಮವಾಗಿ ನರ್ತಿಸಲು ಸಾಧ್ಯವೇ ಇಲ್ಲ ಎಂದಿದ್ದಾರೆ ಮತ್ತೊಬ್ಬರು. ತುಂಟತನದಿಂದ ಕೂಡಿದ ನಿಮ್ಮ ಹಾವಭಾವ ನನ್ನನ್ನು ಹಿಡಿದಿಟ್ಟಿದೆ ಎಂದಿದ್ದಾರೆ ಮಗದೊಬ್ಬರು.
ಇದನ್ನೂ ಓದಿ : Viral Video: ರಾಜೀನಾಮೆಗೆ ಒತ್ತಾಯ; ಕಣ್ಣೀರುಗರೆಯುತ್ತ ಸತ್ಯ ಬಹಿರಂಗಪಡಿಸಿದ ಬೈಜೂಸ್ ಉದ್ಯೋಗಿ
ಜು. 6ರಂದು ಬಿಡುಗಡೆಯಾದ ರಜನಿಕಾಂತ್ ಮತ್ತು ತಮನ್ನಾ ಭಾಟಿಯಾ (Rajinikanth, Tamanna Bhatia) ಅಭಿನಯದ ಜೈಲರ್ ಸಿನೆಮಾದ ಈ ಹಾಡನ್ನು ಅರುಣರಾಜ್ ಕಾಮರಾಜ್ ಬರೆದಿದ್ದಾರೆ. ಅನಿರುದ್ಧ ರವಿಚಂದ್ರನ್ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಶಿಲ್ಪಾ ರಾವ್ ಈ ಗೀತೆಯನ್ನು ಹಾಡಿದ್ದಾರೆ.
ಇದನ್ನೂ ಓದಿ : Viral: ಆನ್ಲೈನ್ ಶಾಪಿಂಗ್; ಈ ದಾಳಿಂಬೆಯ ವಾಸನೆ, ರುಚಿ ಥೇಟ್ ನೇಲ್ಪಾಲಿಷ್ನಂತೆ!
ಗಮನ ಸೆಳೆಯುತ್ತಿರುವ ವಿಷಯವೆಂದರೆ ತಮನ್ನಾ ಈ ಹಾಡಿನಲ್ಲಿ ಎಂಥ ಉಡುಗೆ ಧರಿಸಿದ್ದಾರೋ ಅದೇ ಥರದ ಬಣ್ಣ, ವಿನ್ಯಾಸವುಳ್ಳ ಉಡುಗೆಯನ್ನು ಧರಿಸಿ ಕಲಾವಿದರು ನರ್ತಿಸುತ್ತಿದ್ದಾರೆ. ಇನ್ನು ಭಾವಾಭಿವ್ಯಕ್ತಿಯೂ ಸಮಸಮವಾಗಿ ಸಿಂಕ್ ಆಗುತ್ತಿದೆ. ನರ್ತಿಸಿದ ಕಲಾವಿದರು ನೂರಕ್ಕೆ ನೂರರಷ್ಟು ನ್ಯಾಯ ಸಲ್ಲಿಸುತ್ತಿದ್ದಾರೆ ಎಂದು ಎಂದು ನೆಟ್ಟಗರು ಪ್ರಶಂಸಿಸುತ್ತಿದ್ದಾರೆ.
ಈ ವಿಡಿಯೋ ನೋಡಿದ ನೀವೇನಂತೀರಿ?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
