Viral Video : ಝೀಬ್ರಾ ಹಿಂಡಿನ ಕಾಲ್ತುಳಿತಕ್ಕೆ ಒಳಗಾದ ಸಿಂಹಿಣಿ, ಆಮೇಲೇನಾಯಿತು?

Viral Video : ಭಾನುವಾರದಂದು ಮಾಸಾಯ್ ಸೈಟಿಂಗ್ಸ್ ಎಂಬ ಯೂಟ್ಯೂಬ್​ ಖಾತೆಯಲ್ಲಿ ಈ ವಿಡಿಯೋ ಹಂಚಿಕೊಳ್ಳಲಾಗಿದೆ. ತಾಂಜಾನಿಯಾದ ಸೆರೆಂಗೆಟಿ ರಾಷ್ಟ್ರೀಯ ಉದ್ಯಾನವನದಲ್ಲಿ ಸೆರೆಹಿಡಿದ ದೃಶ್ಯ ಇದಾಗಿದೆ. ಝೀಬ್ರಾಗಳು ಗುಂಪೊಂದು ಸಿಂಹಿಣಿಯ ಮೇಲೆ ದಾಳಿ ಮಾಡುವ ಈ ವಿಡಿಯೋ ನೋಡಿ ನೆಟ್ಟಿಗರು ಬೆರಗುಗೊಂಡಿದ್ದಾರೆ. ಸೆರೆಂಗೆಟಿಯಲ್ಲಿ ಸಿಂಹಗಳು ಝೀಬ್ರಾಗಳನ್ನು ಬೇಟೆಯಾಡುವಾಗ, ಸಿಂಹಿಣಿಯು ಅದಕ್ಕೆ ಅನುಕೂಲವಾಗುವ ರೀತಿಯಲ್ಲಿ ನಿಲ್ಲುತ್ತದೆ. ಇತ್ತ ಕಡೆಯಿಂದ ಓಡಿಬಂದ ಝೀಬ್ರಾಗಳ ದಾಳಿಗೆ ತಪ್ಪಿಸಿಕೊಳ್ಳಲಾಗದೆ ಅವುಗಳಿಂದ ಕಾಲ್ತುಳಿತಕ್ಕೆ ಒಳಗಾಗುತ್ತದೆ. ಈ ಇಡೀ ದೃಶ್ಯವನ್ನು ಒಂದು ನಿಮಿಷದ ಅವಧಿಯೊಳಗೆ ಅಡಕಗೊಳಿಸಲಾಗಿದೆ. ಮುಂದೇನಾಗುತ್ತದೆ ವಿಡಿಯೋ ನೋಡಿ.

ಈ ಇಡೀ ದೃಶ್ಯದಲ್ಲಿ ಈ ಜಾಗ ಯುದ್ಧಭೂಮಿಯಂತೆ ಕಾಣುತ್ತದೆ. ಎರಡು ಝೀಬ್ರಾಗಳನ್ನು ಹಿಡಿಯುವಲ್ಲಿ ಸಿಂಹಿಣಿ ಯಶಸ್ವಿಯಾಗುತ್ತದೆ.

‘ಈ ಸಿಂಹಗಳು ಬಹಳ ಅಪಾಯಕಾರಿ. ನಾನು ಸತ್ತ ಸಿಂಹವನ್ನು ನೋಡಲು ಕಾಯುತ್ತಿದ್ದೆ. ಆದರೆ ಅವುಗಳ ಹಸಿವು ಅವುಗಳನ್ನು ಎಷ್ಟೊಂದು ಆಕ್ರಮಣಕಾರಿಯನ್ನಾಗಿಸುತ್ತವೆಯಲ್ಲ’ ಎಂದು ನೆಟ್ಟಿಗರೊಬ್ಬರು ಪ್ರತಿಕ್ರಿಯಿಸಿದ್ದಾರೆ.

ಇನ್ನೊಬ್ಬರು, ‘ಅದ್ಭುತ! ಅಷ್ಟು ದೊಡ್ಡ ಹಿಂಡಿನ ಹಿಂದೆ ಓಡಿ ಬೇಟೆಯಾಡಿದವು ಸಿಂಹ-ಸಿಂಹಿಣಿಗಳು. ಸಿಂಹಿಣಿಯಂತೂ ಭರ್ಜರಿಯಾಗಿ ಬೇಟೆಯಾಡಿತು’ ಎಂದು ಅಚ್ಚರಿ ವ್ಯಕ್ತಪಡಿಸಿದ್ಧಾರೆ.

ಸುಮಾರು 60,000 ವೀಕ್ಷಣೆಗಳನ್ನು, ಸಾವಿರಾರು ಲೈಕ್ಸ್​ಗಳನ್ನು ಈ ವಿಡಿಯೋ ಪಡೆದಿದೆ.

ಮತ್ತಷ್ಟು ವೈರಲ್​ ವಿಡಿಯೋಗಾಗಿ ಕ್ಲಿಕ್ ಮಾಡಿ