Trending : ಡ್ರೈವರ್ ಜೊತೆ ಧಾಬಾದಲ್ಲಿ ಸೈರಸ್ ಮಿಸ್ತ್ರಿ; ಹಳೆಯ ಫೋಟೋ ವೈರಲ್
Cyrus Mistry : ಇತ್ತೀಚೆಗೆ ಕಾರು ಅಪಘಾತದಲ್ಲಿ ನಿಧನರಾದ ಉದ್ಯಮಿ ಸೈರಸ್ ಮಿಸ್ತ್ರಿ ಅವರ ಹಳೆಯ, ಫೋಟೋ ಇಲ್ಲಿದೆ. ಈ ಡಿಜಿಟಲ್ ಯುಗ ಯಾವ ನೆನಪನ್ನೂ ಹೀಗೆ ಉಕ್ಕಿಸುತ್ತಲೇ ಇರುತ್ತದೆ.
Updated on:Sep 08, 2022 | 5:11 PM
Trending : ಇತ್ತೀಚೆಗೆ ಕಾರು ಅಪಘಾತದಲ್ಲಿ ತೀರಿದ ಉದ್ಯಮಿ, ಟಾಟಾ ಸಮೂಹ ಸಂಸ್ಥೆಗಳ ಮಾಜಿ ಅಧ್ಯಕ್ಷ ಸೈರಸ್ ಮಿಸ್ತ್ರಿಯವರ ಹಳೆಯ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಸೈರಸ್ ತಮ್ಮ ಡ್ರೈವರ್ ಜೊತೆ ಪ್ರಯಾಣದಲ್ಲಿದ್ದಾಗ ಧಾಬಾವೊಂದರಲ್ಲಿ ಒಟ್ಟಿಗೆ ಕುಳಿತು ಊಟ ಮಾಡುತ್ತಿರುವ ಫೋಟೋ ಇದಾಗಿದೆ. ‘ಸಾವಿರ ಶಬ್ದಗಳನ್ನು ಈ ಒಂದು ಫೋಟೋ ಹೇಳುತ್ತದೆ. ಸೈರಸ್ ಮಿಸ್ತ್ರಿಯವರ ಈ ಸರಳತನವನ್ನು ನೋಡಿ. ರಸ್ತೆ ಬದಿಯ ಧಾಬಾದಲ್ಲಿ ತಮ್ಮ ಡ್ರೈವರ್ನೊಂದಿಗೆ ಊಟವನ್ನು ಆಸ್ವಾದಿಸುತ್ತಿದ್ಧಾರೆ. ಹೌದು, ಅವರು ವಿಮಾನ ಪ್ರಯಾಣಕ್ಕಿಂತ ರೋಡ್ಟ್ರಿಪ್ ಮತ್ತು ರಸ್ತೆಬದಿ ಆಹಾರವನ್ನು ಹೆಚ್ಚು ಇಷ್ಟಪಡುತ್ತಿದ್ದರು’ ಎಂಬ ಒಕ್ಕಣೆಯೊಂದಿಗೆ Parsi Zoroastrians Worldwide – The Hyderabadi Page ಈ ಫೋಟೋ ಹಂಚಿಕೊಂಡಿದೆ.
ಈ ಫೋಟೋದಲ್ಲಿ ಮಿಸ್ತ್ರಿಯವರ ಉಡುಪನ್ನು ಗಮನಿಸಿ, ಸರಳವಾಗಿದೆ. ಈ ಫೋಟೋ ತೆಗೆದವರ ಬಗ್ಗೆ ಖಚಿತವಾದ ಮಾಹಿತಿ ಇಲ್ಲ. ಆದರೂ ಕೆಲವರು, 2016ರಲ್ಲಿ ಛಾಯಾಗ್ರಾಹಕ ಮೆಹ್ತೋ ಎನ್ನುವವರು ತೆಗೆದ ಫೋಟೋ ಎಂದು ಪ್ರತಿಕ್ರಿಯಿಸಿದ್ದಾರೆ.
ಈ ಪೋಸ್ಟ್ ಅನ್ನು 1,02,000 ಜನರು ಇಷ್ಟಪಟ್ಟಿದ್ದಾರೆ. 160 ಜನ ಪ್ರತಿಕ್ರಿಯಿಸಿದ್ದಾರೆ. 74 ಜನರು ಮರುಹಂಚಿಕೊಂಡಿದ್ದಾರೆ.
ವ್ಯಕ್ತಿ ಕಣ್ಮುಂದೆ ಇರದಿದ್ದರೂ ವ್ಯಕ್ತಿಯ ಒಳ್ಳೆಯತನ, ಸರಳತನದಿಂದ ನೆನಪುಗಳು ಹೀಗೆ ಆಗಾಗ ತೇಲುತ್ತಿರುತ್ತವೆ. ಅದರಲ್ಲೂ ಇದು ಡಿಜಿಟಲ್ ಯುಗ. ಎಲ್ಲವೂ ದಾಖಲಾಗುತ್ತಿರುತ್ತದೆ.
ಮತ್ತಷ್ಟು ಟ್ರೆಂಡಿಂಗ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 4:58 pm, Thu, 8 September 22
