Viral Video: ಈ ಪುಟ್ಟ ಕಂದಮ್ಮನ ಡ್ಯಾನ್ಸ್ ನೋಡಿದ್ರೆ, ನೀವು ಬಾದಲ್ ಬರ್ಸಾ ಬಿಜುಲಿಗೆ ಸ್ಟೆಪ್​​​ ಹಾಕುವುದು ಖಂಡಿತ 

ಇತ್ತೀಚಿಗೆ ಸೋಶಿಯಲ್ ಮೀಡಿಯಾದಲ್ಲಿ ʼಬಾದಲ್ ಬರ್ಸಾ ಬಿಜುಲಿ ಸಾವನ್ ಕೋ ಪಾನಿʼ ಎಂಬ ನೇಪಾಳಿ ಹಾಡಿನ ಕ್ರೇಜ್ ಹೆಚ್ಚಾಗಿತ್ತು.  ಯೂಟ್ಯೂಬ್ ಶಾರ್ಟ್ ವೀಡಿಯೋಗಳಿಂದ ಹಿಡಿದು ಇನ್ಸ್ಟಾಗ್ರಾಮ್ ರೀಲ್ಸ್ ವರೆಗೂ ಈ ಹಾಡಿನದ್ದೇ ಹವಾ. ಅದೆಷ್ಟೋ ಯುವತಿಯರು, ಪುಟ್ಟಮಕ್ಕಳು ಈ ಹಾಡಿಗೆ ಸ್ಟೆಪ್ ಹಾಕಿ ಪೇಮಸ್ ಆಗಿದ್ದುಂಟು, ಇನ್ನೇನೂ ಈ  ಹಾಡಿನ ಕ್ರೇಜ್ ಕಡಿಮೆಯಾಗುತ್ತಿದೆ ಎನುವಷ್ಟರಲ್ಲಿ ಇದೀಗ ಪುಟ್ಟ ಬಾಲಕಿಯೊಬ್ಬಳು “ಬಾದಲ್ ಬರ್ಸಾ ಬಿಜುಲಿ” ಹಾಡಿಗೆ ನೃತ್ಯ ಮಾಡುವ ಮೂಲಕ ಸುದ್ದಿಯಾಗಿದ್ದಾಳೆ. ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಳ್ಳಲಾದ ಈ ವಿಡಿಯೋ ಸದ್ಯ ಸಖತ್​​ ವೈರಲ್ ಆಗುತ್ತಿದೆ. ಪುಟ್ಟ ಕಂದಮ್ಮನ ನೃತ್ಯಕ್ಕೆ ನೆಟ್ಟಿಗರು ಮನಸೋತಿದ್ದಾರೆ.

ಈ ವಿಡಿಯೋವನ್ನು ಸೂರಜ್ ಭೋಸಲೆ (@surajbhosale1010) ಎಂಬವರು ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.  ಪುಟ್ಟ ಬಾಲಕಿ ಗಣೇಶ ಮಂಟಪದ ವೇದಿಕೆಯಲ್ಲಿ ನೃತ್ಯ ಮಾಡುತ್ತಿರುವ ದೃಶ್ಯಾವಳಿಯನ್ನು ಈ ವಿಡಿಯೋದಲ್ಲಿ ಕಾಣಬಹುದು.  ಪುಟ್ಟ ಬಾಲಕಿ ಕೆಂಪು ಬಣ್ಣದ ಫ್ರಾಕ್ ತೊಟ್ಟು ʼಬಾದಲ್ ಬರ್ಸಾ ಬಿಜುಲಿ ಸಾವನ್ ಕೋ ಪಾನಿʼ ಹಾಡಿಗೆ  ಪುಟ್ಟ ಪುಟ್ಟ ಹೆಜ್ಜೆಗಳನ್ನಿಡುತ್ತಾ ಮುದ್ದಾಗಿ ನೃತ್ಯವನ್ನು ಮಾಡುತ್ತಾಳೆ, ಅಲ್ಲಿ ವೇದಿಕೆಯ ಮುಂದೆ ನೆರೆದಿದ್ದ ಜನರೆಲ್ಲಾ ಈ ಬಾಲಕಿಯ  ನೃತ್ಯಕ್ಕೆ ಶಿಳ್ಳೆ ಚಪ್ಪಾಳೆ ಹೊಡೆಯುತ್ತಾ ಪ್ರೋತ್ಸಾಹಿಸುವುದನ್ನು ಕಾಣಬಹುದು. ಕೆಲವೇ ಸೆಕೆಂಡುಗಳ ವೀಡಿಯೋ ಇದಾರರೂ ಪುಟ್ಟ ಬಾಲಕಿಯ ನೃತ್ಯಕ್ಕೆ ಎಲ್ಲರೂ ಮನಸೋತಿದ್ದಾರೆ.

ಇದನ್ನೂ ಓದಿ: ಐದನೇ ಮಹಡಿಯಿಂದ ಸೂಪರ್ ಮ್ಯಾನ್​​ನಂತೆ ಜಿಗಿದ ಶ್ವಾನ, ಮುಂದೇನಾಯಿತು? ನೋಡಿ   

ವೈರಲ್​​ ವಿಡಿಯೋ ಇಲ್ಲಿದೆ:

View this post on Instagram

A post shared by सुरज सुनंदा संजय भोसले (@surajbhosale1010)

ಅಕ್ಟೋಬರ್ 4 ರಂದು ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಳ್ಳಲಾದ ಈ ವಿಡಿಯೋ 6.7 ಮಿಲಿಯನ್ ವೀಕ್ಷಣೆಗಳನ್ನು ಹಾಗೂ 1 ಮಿಲಿಯನ್ ಲೈಕ್ಸ್​​ಗಳನ್ನು ಪಡೆದುಕೊಂಡಿದೆ. ಹಾಗೂ ಹಲವು ಕಮೆಂಟ್​​​ಗಳು ಕೂಡ ಬಂದಿದೆ.  ಒಬ್ಬ ಬಳಕೆದಾರರು ಈಕೆ ಎಕ್ಸ್ಪ್ರೆಷನ್ ಕ್ವೀನ್  ಎಂದು ಕಮೆಂಟ್ ಮಾಡಿದ್ದಾರೆ. ಇನ್ನೊಬ್ಬ ಬಳಕೆದಾರರು  ಅದ್ಭುತ ನೃತ್ಯ ಎಂದು ಹೇಳಿದ್ದಾರೆ. ಇನ್ನು ಹಲವರು ಈ ಪುಟ್ಟ ಬಾಲಕಿ ತುಂಬಾ ಮುದ್ದಾಗಿ ನೃತ್ಯ ಮಾಡಿದ್ದಾಳೆ ಎಂದು ಹೊಗಳಿಕೆಯ ಮಾತುಗಳನ್ನಾಡಿದ್ದಾರೆ.

Published On - 5:04 pm, Thu, 19 October 23